Amarg
Assefled (Real Audio) - Timedyazin inna Dda Ali g tdeggwat n umarg d uzawan nna illan g IMA gh Bariz ass n 17 ktuber 2002
Amezruy / Arramen
|
Amezruy n Lmeghrib. Kra gh issisfiwen nnes.
Adlis ad, llid issuffegh Unammas Tariq Ben Zyad gh Rbâd gh useggwas n 2002, isman kra gh tezrawin lli yura Ali Sadki Azayku gh tesghunin timessunin, zund Hespéris-Tamuda. Tizrawin ad zêlint i umezrury ametti d usertan n temttitin n Atlas meqquren d izdayen nnesent d tenbâdt tanammast. Ira s twisi yad ad ilûh yan izêri yâden f timsirin n umezruy, mkan af isti kra n iseqsiten ttun imezrawen yâden, zun d addad n imessanen n udrar, tiddi d twuri n igurramen, d wammak n ismawen n iqbilen iqburen llif sawelen imaraten n zik. Awettas nnes, dârt uya, ur t igi amer ad issnifel asiggel gh iger n umezruy f Merrok. |
|
Al-islam wa al-amazigh (Lislam d Imazighen) Gh tedlist ad mezzîyen, yera Ali Azayku ad issagw mamenk as d kcmen iserdâsen imsulmen s tmizar n tefriqt ufella, imel, s yat tgharast yâden tamaynut llis ighêra idlisen n imaraten imuslmen, mamenk as tekcem tmazirt ad n imazighen s usayrur adelsan d usertan lli mu ttinin asyarur amuslem. |
|
Namadij min asma’ al aalam aljoughrafiya wa al bachariya al maghribiya (Kra gh ismawen n mdden d idgharen gh Merrok)
Adlis ad yega yat tmawalt lligh ira Ali Azayku ad issisfiw ammak n kra ismawen usin idgharen (zun d Aghbar, Tasaft, Tifingwelt,...), negh mdden (Taàzza ben nasêr, Brahim u Muhêmmad agwendaf), iqbilen (Ayt Iraten, Ikkunka), d teskiwin timettitin (Ayt Rebàin, Agadir, amezwar). Mkan af zwar izzêrra is darsen kra n wammak gh wawal amazigh, ur izri ad ifek kra n tifawin f umezruy nnesen negh idis lli umêzen gh tudert tamettit nnegh tasertant n Imazighen. |
|
Amazighité - Débat intellectuel (Tamazight. Amyannan adelsan)
Adlis ad yega yat tadla n kra n ayelli ittyuran f tmazight, s teàrabt d tefransist, gh ighmisen tesghunin n Merrok d berra, zegh 1968. Illa gis kra gh tyafut tadelsant n Ali Azayku, sellawent akw : yan uneqqis n tghêri lli isker f tadla n umarg acelhîy llid issufegh Hmad Amzal, Amanar, kra n imagarden lli issufegh gh tesghunt n Kalima, ittfughen gh Agadir gh tezwiri n iseggwasen 1970, lligh ifka amnad nnes f mamenk ad teg tussna n umezruy gh Merrok d mamenk as d iqqan a tt teg, igh nera ad nara yan umezruy yughden, mekli gis llan iswingimen nnes f tmukrist n idels gh Merrok, gh yega umagrad lli yara gh Amazigh gh 1981, amagrad yegan asrag n imîz nnes. |
|
Rihlat al-Wafid fi axbar hijrat al-walid fi hadihi al-ajbal bi idn al-Wahid (Relation de voyage du Marabout de Tasaft dans le Haut-Atlas / Aneqqis n umuddu n uggurram n Tasafat), (écrit par le fils du marabout Abadallah Ben Al-Hajj Brahim At-Tasafti), édition et annotations, Kénitra, publication de la faculté des Lettres et Sciences humaines, 1993.
Adlis ad yega tazrigt n yan udêris yara iwis n uggurram n Tasaft, abddallah u-Brahim, iddren gh tizi n Mulay Smaàil gh udrar n Dren. Mqqar yakka udêris ad yat tifawt f mamenk as ten kkan izdayen nger timettitin n udrar d tnbâdt tanammast d tuddsa tamettit n tmura yad, assufegh nnes ar dagh immal f mas immagh bab nnes, Ali Azayku, ad isnem tirra n ismawen n idgharen, issaghed izgalen lligh idêr umara nnes, d willi yad fellas iswurrin zun d Leqbtân n Cllûh, Justinard. |
