|
Ur sul ssenx mamenk as nezdâr ad nasi afrig, negh azêru (ack ku adghar d mas iddal imettinen nnes), f yan agh d ifeln i tudert, zun d igujilen, ur nri ad nissan is immut, is sul ur illi gerax ar isawal, acku illa bedda ar isawal s uzmumeg nnes immimen, ar sul immal kigan, ur d imik… Nssen mas d, Dda Ali, izzîder kigan i tmadûnt, i tmmara n ussan, acku yusi ur d imik, yiri ad sul ifesr kra gh inuraz nnes, issu ten s umarg, s uswingem, d uwingem d twurga,… mac tennera t sul tiddi nnes, tqqen fellas, takker t, isadmer, zun d akw itran negh iggigen, gh tagara n tifawt d uklalu i tighêri n udrar lli tid ifkan yan wass - zun d aman lli izêra, iwwarga, icucf – llid imun, i uzaghar. Ghêren as d itran n Ddren, ad ig inigi nnesen is sul sufan adrar lligh ilul, adrar lli igwenan taguri umarg gh ul nnes, d uzâzu n uswangem gh tudert nnes. Taghul teg ululy, tamatart, taghlaghalt n ussan zzrinin, d wid yuckan. Ighawel sul, gh tgara, ddu targant lligh as iqqes unezgum, iddem ifessi, mac ighama ger ax yeg tamatart n umuddu kullu ighezzifen gh tudert nnex, nekwni n imazighen.
Dda Ali izzî irwas d tudert lligh tt sul yusi gh tiddi nnes, tudert mu bedda iga adjar acku tukker tt, mac ur izzî d tmatarin lli takka, meqqar fellas nghlent gent izmulen d tmmariwin. Ur izzî d itran, ur izzî d waman, meqqar flen tighula lli yuras izmaz nnes ghbanin, gen tudert n izûghar. Dda Ali, idêr sul i tghurî, yurri d ad igen ddaw udrar lli bedda ittirir, ittjiwijiw, ittiri. Yurri d ad t innal, issu timektit n wakal s tiddi nnes, d irifi n imal. |
|
Ur d ghawelx ad fccedx, acku tamettant ar zwar tneqqa izumzzâl, tengh tiguriwin lli ten ittasin. Tezdây kigan f wawal d umarg n tugga negh ikerrajen n imettâwen. Ssenx iz d kraygt amuddi ittâf insayen nnes d imussuten, mac ittâf dax icerrigen d izgalen, yakw ur d yan gh izgalen ad nit ad ax igan gh inegurra ifcden amuddu s nqqel, ur is nqqel. Kaygat tamatart tettâf izmulen nnes, ntteni ad ittefcaden tiddi igh tqqen f tudert llit ittasin.
Tudert n Dda Ali Azayku tman nit, igh nzêra tiferkiwin nnes d tibridin lli tuwi awin tt gh tejyugrafit n tiddi nnes d tejyugrafit n umur, d tudert n tmazight gh Merrok. Ilul gh useggwas n 1942 gh Igran, illan gh tama n Tfingult. Adghar ad lli yegan yan gh inkan n Dren ar ass dagh ttinin imi n Wasif, tamatart n mas d nettan nit ad izguren i udrar s uzaghar. Tasga yad tefka kigan i idels n Imazighen, nettat agh ilul yan gh inemghuren n umarg gh tasutin lli zrinin, walli mu ttinin Sidi Hêmmu Tâlb bab n umarg. Ddaw imula n udrar n Dren, tikcucin nnes imlullen s ideflawen d usemmîd d tekrura n tametti d umezruy, agh izêra Dda Ali tudert, izêr kigan timmariwin nnes. Ghin agh izzri iseggwasen zwarnin, ikcem s temzgida zun d akw inegga nnes ad ighêr igemmayen zwarnin urta yuwi, zun d akw kigan gh ayt dars, ighladen n ugudju ittersen gh Merrakwec ad gis ismed tighêri nnes gh yat tinmel skren willi mu ttinin Ayt Lwatân ad gis sghren taàrabt.
Merrakwec agh iterm i igwerar yâden n tudert, yeg mekli nit inna nettan kra gh waman llid ifka udrar i uzaghar. Amuddu s Merrakwec yucka d gh yat tizi, gh umezruy yumanen n Merrok, lligh sul ur igi astay, negh astara. Mad yad syafan mdden adriz n isnifilen dranin lli mu ingi Merrok dârat tizi lligh d tekcem Fransa, ittyawska Awank-Amur, ur sul illi gh mnid n imezdaghen n "tmizar n tama", zun d ayt udrar lligh iga Dda Ali, amer ad siggilen idgharen yâden magh d smuden i wallalen n tizi, qqen is isedram n tudert tamettit ilkmen f kigan ur sul tqqen allen nnes f imik n tyafut yakka wakal n tmazirt. Illa mad iddan ghas nettan ifel tarwa nnes gh tmazirt ar tend ikkit s imik uzeddam ar kigh d iwurri izzri darsen imik n uzemz iwurri dagh, yili mad yiwin tarwa nnes negh tarwa n ayt dars iqqil ixef nnes i izrigen ggutnin ger udghar n twuri, lli tega temdint, d udghar n tazdeght lli tega tmazirt. Wwid agh yega Dda Ali Azayku acku idda sul nit imezzîy yili fellas ad idêfr tighêri immagh ad inmala d teghladin n umadâl ad amaynu.
Zdârgh ad inigh mas d amuddu yad s temdint agh inwa useqsi lli ifkan talalit n umussu adelsan amazigh gh Merrok. Aseqsi yegan mamanek as nezdâr ad nghama neg ixfawen nnegh gh immuttiten n tudert gh Merrok amaynu? Addad amezwaru d imerdukkuten n tudert tamaynut ad izazwulen tibridin n imal n tudert n yan. Illa mad iran ad sul ikweti kra gh tudert nnes izrin, yiri mad "iran" ad ittu negh d s ur ittâf imassen ad ikti, ur igi inezgi ad ikkus mekli ttinin isusyulujiyen. Mkan af ilsa timelsa yâden, ifk ixef nnes i ungi nnad illan. Willi stinin ad iktayen, willi ikkusan, ad yusin azazû n useqsi yan; mmaghen, kuyan s tgharast nnes d imassen ittâf gh ufus, ad fellas irar, irar f ixef nnes "tiggas n wussan"!
Dda Ali nettan, Merrakwec agh inmaggar inzâden zwarnin, zun d iles n wasif, n usyafa nnes s tmagit, mekli nit inna gh yan unmuqqar d ughmis n Tasafut, ghin agh issen is ur igi zun d willi d illa, is ur yeg, gh yat tguri, zun d wiyyâd; yasi gis iriyen sisnin "zun d izem igh imugges". Isat ar ikti mqqar izzây ukettay, immret. Merrakwec agh yalla taketbiyt mi yella ulus gh udâr, ifrek s unnefruri n tmagit nnes, nnegh, ar isiggil mad d ittmuna gh ugharas is yufa ad illil imik, ad iqqen acerrig ad ur ismud, ad ur ilkem illigh sul ur ili asafar, illigh sul, mekli ttinin ayt darengh, ur igi i tigni.
Mad yad ismed tighêri nnes, idda s Imi n Tanut ad gis isseghra. Mac, izmulen ur t udjin ad iqqim, lsan as i tudert ifrawen, mkan af dax immati s Rbâd ad ismed tighêri n ufella. Ghin, gh useggaws n 1967, agh manen nettan d kra n imazighen yâden izdghen tamdint ad gh yega Brahim Akhiyat, skren Agraw n Lemghrib gh isiggel d Isenifilen n tawssna. Ur d uckin ad sbiden tamesmunt ayelligh dagh yusi dda Ali adâr nnes, isker tiklit ad Bariz ad gis ismed taghûri nnes. Isti, negh d isti t umezruy, zun d akettay, zun d timektit ad gis imdî tadêfi izwaren lligh imugges. Imassen dusnin mas itrara yan f ixef nnes "tilumas n uzemz". Sul isti amezruy n yat tesga ifkan kigan i umezruy ametti n Merrok, wasif n Nfis, negh Adrar n Dren, aghbalu n Imuhdiyen. Tagrawla mqquren gh izmaz ad zrinin. Mad en izzri kra ghin, iwurri d s temdint n Rbât ad idêfr tawwuri d imeddukal llid isat, d wiyyâd lli yeran ad ikweti, adên zun d nettan ; faghen d tayedrin izwaren zun d Arraten, Imuzzar, Ttabadul At Taqafi… Maca gh yan uzemz ifrek mas t sul ur isman ugharas d willi d iman gh imi n "ufrak", iffegh Agraw n Lemghrib x isiggel d Isnifilen n tawssna, immagh ad isker igrawen yâden inmalan d tgharast llis ismuqqul nettan afsay n tmukrist tamazight. Lulend sul sin igrawen yâden gh teg tmesmunt n tussna tamazight, ttyuskaren inmuggaren mqqurnin lli isenmala nettan d imedukkal yâden, zun d imensi n tussna lligh yiwes Léopold Séda Sengor amusnaw asaligan ittuyassanen s waddaden nnes ddusnin d tamaght nnes f iwaliwen d tawesniwin n Tafriqt gh tega tmazight. Anmuggar ad ittyuskar gh Hotel Hassan gh Rbât gh tgara n iseggwasen 70. Amud isat ar yakka tayafut nnes, tsat tmazight ar teffagh tillas lli yas sselsan willit ur irin ad tili gh tmazirt nnes, willi yas iran azfel. Mkan af zêran inbâden mas iggut uya d ur ixsî ad t sul ajen ad izzigez gher zdat,. Mayan ad yiwin ayelligh ittghwi Dda Ali Azayku, lligh yara yan umagrad gh tesghunt "amazigh". Yara f ayelli mu issagh izêri ighwêzanen mas nettakwez idels anamur, zigh d iwetta dusnin llis nezdâr ad is nemnad aseqsi n tmukrist tadelsant gh Merrok acku mdden urta kullu gan aàraben. Izêli nger amussu n umezruy mu sul ur nghi ad tid nerar, d tiddet n waghal mu ur nufi ad as nekk man, yini mas d asurs ametti-delsan n wakal yegan ghik Merrok ad isghwin ad dagh nesaqsa f tmagit tadelsant d ur iqqan ad tt ccen isursen isertanen. Izzrin aseggwas, mad yad izri usrûd ur inmalan d tizrigin n uzerf lli s yad tssen tenbâdt gh uzemz an, gh ughzu, negh mekli yera ad as tt issagh nettan tigemmi n imughan, iflen gis gh tdusi nnes kigan, maca ifka yas warram ad tizi "ighezzifen" magh iswingim f ayellis d iqqan ad is mmaghen imazighen igh ur ksûden ad afûden, ad mmten gh uzemz.
Mad iffugh gh ughzu, ur sul yumi gh tmesmunin lli yellan, negh tilli d igguran acku mekli s ittini, iqqan d imazighen as tt awin gh tmukrisin yegan tin wallagh, tid izdin d wallalen idusen n tussna, acku ntteni ka ad izdâren ad agh ikkis i idâgwen n umezruy ur issin talwut. Mamenk as izêra Dda Ali tamukrist ad. Gh tezwuri izzigzul tighêri nnes umezruy gh snat tguriwin ad: inna mas bda mmaghen imazighen f tghawsiwin ur igin tinsen, mkan ad yiwin ayelligh sergen imussuten nnesen zrinin. Igh nera ad nbidd ass ad, iqqan ad nanef i igharasen n usrig, ad nghez allagh ad yeg tagrat nnegh ghass ad d uzekka. Tighawsiwin ad agh yega wawal, acku "nettan ad ax igan", nili sers. Igh gis ur numêz, rad nmmet gh umezruy, acku ur d amadan ad ittemtaten, nettan ar sul itdder gh ddaw tirazarin yâden, idels d wawal ad ittemtaten iqqen umadan tugna yâden, negh tamagit yâden mekli ijran iferàunen n tama negh, d imadanen yâden n iminek. Mkan af ismuqqul gh usgudi s wawal amazigh, d usmun n wawal ad yat tgharast idusen mas nttellil ixfawen nnegh igh neksûd "ad nettwarga i ughyul nnegh". Mkan af isat ar d isfugh i mdden ad ghêren timatarin lli yura s wawal nnes, gh tega tadla tamezwarut n umarg Timitar gh useggwas n 1988. Dda Ali urta igi ameghnas, negh asalmad n umezruy yega zwar amedyaz. Zdârgh ad inigh iz d nettan ad isersen tigratin i temdyazt tatrart tamazight, isker i tguriwin mezzîynin n igran, d taghulin n tyerza isendâr ad asin izêri ighlaghlen, igrawlen, isisen n ufgan amazigh amaynu iswan asemmîd ikwemdên n umuddu, n unfruri d tikwesâd n wufud. Tadla nnes tis snat tusi yan ismel iggzen gh iman, isagh as Izmulen, ligh d urrin gan tudert nnes, tfagh gh useggaws n 1995. Mac Dda Ali ur ittu amezruy, acku nettan agh isaqsa f wallalen lli izêdaren ad agh asin gh imal, mkan af d issufgh arra n umuddu yara ugurram n Tasaft gh udrar n Ddren gh tasut tis tam d mrawt, yiri sis ad ax imel mamenk as ten tekka tgat tudert n ayt udrar gh tasut ad, mekli d issiufhg ara yadên lligh isman tizrawin yiri t ad ig yan usmaqqel yâden f umezruy, mamenk as nghi ad nghêr, nessefsit, s yan izêri yâden ur igi win tussna tunsîbt lli ilûhen s izûran nnes gh tesdawin n tmazirt.
Igh zdârx ad zzigzulx, rad inix mas d tudert n Dda Ali ad yegan amuddu kullu ighezzifen gh tudert n Imazighen gh tasut ad gh nela. Gh tezwuri, yega gh willi d ifka udrar i uzaghar, asin izmulen n isnifilen, d uzâzu n iseqsiten d inezgumen llis akkan, yeg dax gh willi iran ad isker gh unezgum s ttuten, lli ktin, allalen ighin ad awin s tudert yâden n Imazighen, mkan af iswangem, nettan d wiyyâd, ad smunen awal, d taysi ur ittyaran, arant, fekn i wawal imassen mas itdder gh tasut, zun d asekkil, tajerriumt, d… Mekli dax illa gh imezwura yeran ad snmilin anezgum amazigh skren timesmunin d igrawen mad ismattin tamazight zegh asyas n idels ar win ussuter asertan, yeg, gh tgara, wid izwaren is iswangem ad yals tighêri i tirra n umezruy, ighêr f wad snflen, snulfun mdden, imassen llis zdâren ad is aran amezruy n wakal ad, d imadnen lli gis iddren. Mqqar iddem ifessi ameghlul gh ddu targant usunfu lli isti ad teg « afrag » nnes, Dda Ali isul illa ger ax, acku inezgumen, d izmulen, lli issenghlen tudert nnes, sul ingi sisen wasif lligh agh d ifel.
Afulay
Tudert n Dda Ali Azayku tman nit, igh nzêra tiferkiwin nnes d tibridin lli tuwi awin tt gh tejyugrafit n tiddi nnes d tejyugrafit n umur, d tudert n tmazight gh Merrok. Ilul gh useggwas n 1942 gh Igran, illan gh tama n Tfingult. Adghar ad lli yegan yan gh inkan n Dren ar ass dagh ttinin imi n Wasif, tamatart n mas d nettan nit ad izguren i udrar s uzaghar. Tasga yad tefka kigan i idels n Imazighen, nettat agh ilul yan gh inemghuren n umarg gh tasutin lli zrinin, walli mu ttinin Sidi Hêmmu Tâlb bab n umarg. Ddaw imula n udrar n Dren, tikcucin nnes imlullen s ideflawen d usemmîd d tekrura n tametti d umezruy, agh izêra Dda Ali tudert, izêr kigan timmariwin nnes. Ghin agh izzri iseggwasen zwarnin, ikcem s temzgida zun d akw inegga nnes ad ighêr igemmayen zwarnin urta yuwi, zun d akw kigan gh ayt dars, ighladen n ugudju ittersen gh Merrakwec ad gis ismed tighêri nnes gh yat tinmel skren willi mu ttinin Ayt Lwatân ad gis sghren taàrabt.
Merrakwec agh iterm i igwerar yâden n tudert, yeg mekli nit inna nettan kra gh waman llid ifka udrar i uzaghar. Amuddu s Merrakwec yucka d gh yat tizi, gh umezruy yumanen n Merrok, lligh sul ur igi astay, negh astara. Mad yad syafan mdden adriz n isnifilen dranin lli mu ingi Merrok dârat tizi lligh d tekcem Fransa, ittyawska Awank-Amur, ur sul illi gh mnid n imezdaghen n "tmizar n tama", zun d ayt udrar lligh iga Dda Ali, amer ad siggilen idgharen yâden magh d smuden i wallalen n tizi, qqen is isedram n tudert tamettit ilkmen f kigan ur sul tqqen allen nnes f imik n tyafut yakka wakal n tmazirt. Illa mad iddan ghas nettan ifel tarwa nnes gh tmazirt ar tend ikkit s imik uzeddam ar kigh d iwurri izzri darsen imik n uzemz iwurri dagh, yili mad yiwin tarwa nnes negh tarwa n ayt dars iqqil ixef nnes i izrigen ggutnin ger udghar n twuri, lli tega temdint, d udghar n tazdeght lli tega tmazirt. Wwid agh yega Dda Ali Azayku acku idda sul nit imezzîy yili fellas ad idêfr tighêri immagh ad inmala d teghladin n umadâl ad amaynu.
Zdârgh ad inigh mas d amuddu yad s temdint agh inwa useqsi lli ifkan talalit n umussu adelsan amazigh gh Merrok. Aseqsi yegan mamanek as nezdâr ad nghama neg ixfawen nnegh gh immuttiten n tudert gh Merrok amaynu? Addad amezwaru d imerdukkuten n tudert tamaynut ad izazwulen tibridin n imal n tudert n yan. Illa mad iran ad sul ikweti kra gh tudert nnes izrin, yiri mad "iran" ad ittu negh d s ur ittâf imassen ad ikti, ur igi inezgi ad ikkus mekli ttinin isusyulujiyen. Mkan af ilsa timelsa yâden, ifk ixef nnes i ungi nnad illan. Willi stinin ad iktayen, willi ikkusan, ad yusin azazû n useqsi yan; mmaghen, kuyan s tgharast nnes d imassen ittâf gh ufus, ad fellas irar, irar f ixef nnes "tiggas n wussan"!
Dda Ali nettan, Merrakwec agh inmaggar inzâden zwarnin, zun d iles n wasif, n usyafa nnes s tmagit, mekli nit inna gh yan unmuqqar d ughmis n Tasafut, ghin agh issen is ur igi zun d willi d illa, is ur yeg, gh yat tguri, zun d wiyyâd; yasi gis iriyen sisnin "zun d izem igh imugges". Isat ar ikti mqqar izzây ukettay, immret. Merrakwec agh yalla taketbiyt mi yella ulus gh udâr, ifrek s unnefruri n tmagit nnes, nnegh, ar isiggil mad d ittmuna gh ugharas is yufa ad illil imik, ad iqqen acerrig ad ur ismud, ad ur ilkem illigh sul ur ili asafar, illigh sul, mekli ttinin ayt darengh, ur igi i tigni.
Mad yad ismed tighêri nnes, idda s Imi n Tanut ad gis isseghra. Mac, izmulen ur t udjin ad iqqim, lsan as i tudert ifrawen, mkan af dax immati s Rbâd ad ismed tighêri n ufella. Ghin, gh useggaws n 1967, agh manen nettan d kra n imazighen yâden izdghen tamdint ad gh yega Brahim Akhiyat, skren Agraw n Lemghrib gh isiggel d Isenifilen n tawssna. Ur d uckin ad sbiden tamesmunt ayelligh dagh yusi dda Ali adâr nnes, isker tiklit ad Bariz ad gis ismed taghûri nnes. Isti, negh d isti t umezruy, zun d akettay, zun d timektit ad gis imdî tadêfi izwaren lligh imugges. Imassen dusnin mas itrara yan f ixef nnes "tilumas n uzemz". Sul isti amezruy n yat tesga ifkan kigan i umezruy ametti n Merrok, wasif n Nfis, negh Adrar n Dren, aghbalu n Imuhdiyen. Tagrawla mqquren gh izmaz ad zrinin. Mad en izzri kra ghin, iwurri d s temdint n Rbât ad idêfr tawwuri d imeddukal llid isat, d wiyyâd lli yeran ad ikweti, adên zun d nettan ; faghen d tayedrin izwaren zun d Arraten, Imuzzar, Ttabadul At Taqafi… Maca gh yan uzemz ifrek mas t sul ur isman ugharas d willi d iman gh imi n "ufrak", iffegh Agraw n Lemghrib x isiggel d Isnifilen n tawssna, immagh ad isker igrawen yâden inmalan d tgharast llis ismuqqul nettan afsay n tmukrist tamazight. Lulend sul sin igrawen yâden gh teg tmesmunt n tussna tamazight, ttyuskaren inmuggaren mqqurnin lli isenmala nettan d imedukkal yâden, zun d imensi n tussna lligh yiwes Léopold Séda Sengor amusnaw asaligan ittuyassanen s waddaden nnes ddusnin d tamaght nnes f iwaliwen d tawesniwin n Tafriqt gh tega tmazight. Anmuggar ad ittyuskar gh Hotel Hassan gh Rbât gh tgara n iseggwasen 70. Amud isat ar yakka tayafut nnes, tsat tmazight ar teffagh tillas lli yas sselsan willit ur irin ad tili gh tmazirt nnes, willi yas iran azfel. Mkan af zêran inbâden mas iggut uya d ur ixsî ad t sul ajen ad izzigez gher zdat,. Mayan ad yiwin ayelligh ittghwi Dda Ali Azayku, lligh yara yan umagrad gh tesghunt "amazigh". Yara f ayelli mu issagh izêri ighwêzanen mas nettakwez idels anamur, zigh d iwetta dusnin llis nezdâr ad is nemnad aseqsi n tmukrist tadelsant gh Merrok acku mdden urta kullu gan aàraben. Izêli nger amussu n umezruy mu sul ur nghi ad tid nerar, d tiddet n waghal mu ur nufi ad as nekk man, yini mas d asurs ametti-delsan n wakal yegan ghik Merrok ad isghwin ad dagh nesaqsa f tmagit tadelsant d ur iqqan ad tt ccen isursen isertanen. Izzrin aseggwas, mad yad izri usrûd ur inmalan d tizrigin n uzerf lli s yad tssen tenbâdt gh uzemz an, gh ughzu, negh mekli yera ad as tt issagh nettan tigemmi n imughan, iflen gis gh tdusi nnes kigan, maca ifka yas warram ad tizi "ighezzifen" magh iswingim f ayellis d iqqan ad is mmaghen imazighen igh ur ksûden ad afûden, ad mmten gh uzemz.
Mad iffugh gh ughzu, ur sul yumi gh tmesmunin lli yellan, negh tilli d igguran acku mekli s ittini, iqqan d imazighen as tt awin gh tmukrisin yegan tin wallagh, tid izdin d wallalen idusen n tussna, acku ntteni ka ad izdâren ad agh ikkis i idâgwen n umezruy ur issin talwut. Mamenk as izêra Dda Ali tamukrist ad. Gh tezwuri izzigzul tighêri nnes umezruy gh snat tguriwin ad: inna mas bda mmaghen imazighen f tghawsiwin ur igin tinsen, mkan ad yiwin ayelligh sergen imussuten nnesen zrinin. Igh nera ad nbidd ass ad, iqqan ad nanef i igharasen n usrig, ad nghez allagh ad yeg tagrat nnegh ghass ad d uzekka. Tighawsiwin ad agh yega wawal, acku "nettan ad ax igan", nili sers. Igh gis ur numêz, rad nmmet gh umezruy, acku ur d amadan ad ittemtaten, nettan ar sul itdder gh ddaw tirazarin yâden, idels d wawal ad ittemtaten iqqen umadan tugna yâden, negh tamagit yâden mekli ijran iferàunen n tama negh, d imadanen yâden n iminek. Mkan af ismuqqul gh usgudi s wawal amazigh, d usmun n wawal ad yat tgharast idusen mas nttellil ixfawen nnegh igh neksûd "ad nettwarga i ughyul nnegh". Mkan af isat ar d isfugh i mdden ad ghêren timatarin lli yura s wawal nnes, gh tega tadla tamezwarut n umarg Timitar gh useggwas n 1988. Dda Ali urta igi ameghnas, negh asalmad n umezruy yega zwar amedyaz. Zdârgh ad inigh iz d nettan ad isersen tigratin i temdyazt tatrart tamazight, isker i tguriwin mezzîynin n igran, d taghulin n tyerza isendâr ad asin izêri ighlaghlen, igrawlen, isisen n ufgan amazigh amaynu iswan asemmîd ikwemdên n umuddu, n unfruri d tikwesâd n wufud. Tadla nnes tis snat tusi yan ismel iggzen gh iman, isagh as Izmulen, ligh d urrin gan tudert nnes, tfagh gh useggaws n 1995. Mac Dda Ali ur ittu amezruy, acku nettan agh isaqsa f wallalen lli izêdaren ad agh asin gh imal, mkan af d issufgh arra n umuddu yara ugurram n Tasaft gh udrar n Ddren gh tasut tis tam d mrawt, yiri sis ad ax imel mamenk as ten tekka tgat tudert n ayt udrar gh tasut ad, mekli d issiufhg ara yadên lligh isman tizrawin yiri t ad ig yan usmaqqel yâden f umezruy, mamenk as nghi ad nghêr, nessefsit, s yan izêri yâden ur igi win tussna tunsîbt lli ilûhen s izûran nnes gh tesdawin n tmazirt.
Igh zdârx ad zzigzulx, rad inix mas d tudert n Dda Ali ad yegan amuddu kullu ighezzifen gh tudert n Imazighen gh tasut ad gh nela. Gh tezwuri, yega gh willi d ifka udrar i uzaghar, asin izmulen n isnifilen, d uzâzu n iseqsiten d inezgumen llis akkan, yeg dax gh willi iran ad isker gh unezgum s ttuten, lli ktin, allalen ighin ad awin s tudert yâden n Imazighen, mkan af iswangem, nettan d wiyyâd, ad smunen awal, d taysi ur ittyaran, arant, fekn i wawal imassen mas itdder gh tasut, zun d asekkil, tajerriumt, d… Mekli dax illa gh imezwura yeran ad snmilin anezgum amazigh skren timesmunin d igrawen mad ismattin tamazight zegh asyas n idels ar win ussuter asertan, yeg, gh tgara, wid izwaren is iswangem ad yals tighêri i tirra n umezruy, ighêr f wad snflen, snulfun mdden, imassen llis zdâren ad is aran amezruy n wakal ad, d imadnen lli gis iddren. Mqqar iddem ifessi ameghlul gh ddu targant usunfu lli isti ad teg « afrag » nnes, Dda Ali isul illa ger ax, acku inezgumen, d izmulen, lli issenghlen tudert nnes, sul ingi sisen wasif lligh agh d ifel.
Afulay
