Urarn — Comptines — Poems for Children

Brahim Lasri Amazigh

Astay zegh tadla n urarn (n wazzan n ddu 12 usgwas) af ad asn imel amadâl (ddunit) s wawal lli ssumn gh ukwfay n matsn.
Extrait d'un recueil de comptines pour enfants de moins de 12 ans destinées à leur présenter le monde dans leur langue maternelle.

Tutêfit

Daydda daydda
Tutêfit tdda
Tmmudda

Dayddi dayddi
Tutêfit ar ttawek
Ar tlddi

Aqqa yirdn
Ngr imndi

Dayddi dayddi
Tutêfit taddum s tidi

Aqqa yirdn
ilkm isddi

Afgan

Zund nkki
Zund wiyyâd
Middn gan yan

Zund asggan
Zund amllal
Ur igi yan
Gh ismgan

Zund nkki
Zund wiyyâd
Zund wad
Zund tad

Tafukt ar-d
Ttagwa i kuyan

Tafssut

Fsu fsu ayajddig
Tazwit ar kid d tghawwal

Bughlu bughlu ayaddag
Tazgzut tga yak atig

Flujju flujju ayamkraz
Tumzîn llan-tn gh ignwan

Tizlfin inna tkkit
Gh igran ngh gh isakan

Anzâr

Akwid akwid
Akwid ayanzâr
Ad imghi wamud
Ad imghi wafar

Akwid ayanzâr
Ad ifsu ujddig
Azzan ad ummrn
Aylal a isimsig

Akwid ayanzâr

Amkraz ad ikrz
Igran issikin
Amud ad aggwin
Gh uzun ur iswin