Tirra d iraran i willi ur ittaran
Rmigh, tirra-ngh ur yaqra yan. Rmigh, ur ufigh ad aragh, ur ufigh a t-inigh. Righ ad sunfugh gh tmadûnt n tirra, zzêggh angâz lli isgldin gh unli-nw, yagwi ad iffagh ad ig mqqar-d sin ngh krad iskkiln, gegh-n adâd a ur imil krad ka gis iffaghn... ar ttqlgh s ungâz ad yaru, izzummu ser-i uzemz, " thêrg tgjjat yawen-as wadû-ns " ig-d ungâz iraran, win dar negh ur asul yakka amr iraran lli-d yad ssugan wiyyâd :
Ajj at angh akwn naj, ad tnaqsêt a takat
yuda gh usmammi yuda gh uswingm d trfufnt
Rwahât agh afrag inna-gh ihêsarn at nssinif
Yuda-km !
Shûrmant-iyyi tirra ad d nkergh, ad zusefgh zegh waddalen lli yyi issuteln, ad d mmattigh ad arra-gh yan sin iwaliwen, ssurf-at -yyi ad utgh yat snat tguriwin gh urdînatur.
Ara !
ur zêdâr-gh ad aragh
Ara !
Tirra gh îd ad tskwtiyyid yan umddakwl, isres-yyi-d asara d tifret yini-yyi : " Ara ! tasghunt rad tffagh nkwni ur as nhîyel amya, nnigh ak ara ! ak id afegh tadgwat turit ".
Ar yyid aqwlayen iwaliwen, zund iraran, zund igh illa mayyin igan adâd gh imi isbzziz flla ad trragh.
Ara, arra, iraran, ar ttaragh, ar trragh... mad isngaran tirra d irran ?
Asqsi yad isatig, yusi kigan d wammak. Afad ad ittrra ufgan iqqand ad yili ungâz, iqqand ad irwi uhêlig-ns, iqqand ad-t ismmukwti kra, afad ad yara ufgan iqqand ad yili yan ungâz yadînin ur irwasen walli izwaren, iqqan-d ad iwrigh lxater-ns. Tirra mmiment ar tkkisent imik f lxatêr, iraran zzumman, jjân, mac ar ssugun lxater.
Tirra, illa gis yili gis, llan-t tirra n tillas s ughanim, s imsahên, d id wansâb, f usghar, f uzêru, gh tglayt, gh tmikilt, ilin-t tirra n uzêlmad s uzêlmad zegh uzêlmad, icc fllasen akuray gh mezzî, ift-nt i ufasi issawaletnt s iwala ghilli s as iskar lhâl is iga darsen, ilhu izdi yas : Ara-d ad aragh! Swingm kiyyi ! araghtnt nkki ! gnt tinu ! tegt kiyyi nkki ! Ini !Aragh !
Angâz, ad ig win-k tirra gnt tinu, gegh bab n tirra tegt bab n irarn. Tirra gisnt tin wAwzal s iklan n tfdêna, tin Ulbnsir negr igalidên n tarwaysin, tin unufel immnàan n Wahruc... d tin Ljabiri af ad iàemmer wajbbir-ns...
Afgan ar ittara s ufus, gar afgan ar itrra s immi, tggrud ttilibizyun takwr as ils, igut uzzûmmu, ssimimnt as iraran n Mizra d wi Lmiksik, hêlb ama iran ad ihêlb.
Nnigh awen, ssuref at yyi urigh awen awilli yaqran s umzzugh, akwren asn imksawen n laflam allen, awilli issudan lmrfeà, zzenz tislatin-nsn i taqqayyin gurzanin n Fas.
Tirra as inza wakal n tagharin wAwrir d Tmraght i id bifrwalen, d tannaàurin n Ixrban i willi yusen izakaren. Tarwa n Âllal iqqan-d ad ghren, aran, tarwa n Bakrim ad ssudun tighrruba ar aqran i walli-tn yurun ad zgren. Iburghwatn uran tirra gren-tnt, grunten wiyyad hdûn-tent. Tirra n Âllal ghwlin-t d udrar n dren ar sngulent, gnt agh amazir n aylli ncca, d ayelli nswa, irez ddblij lkas, iffi uhêbib atay, neg amazir naru amazir, inghagh uzzumu n Âllal d tarwa-ns. Nakwid ar ntelli s magh nttanf i uzzummu, nsekr tighrruba nawen Uliman ar ntelli ... Naf-n tirra n wiyyâd zund tingh lli f ncca akwuray gh mzzî kkan-t akw azêlmad. Niri ad d nurri ad nsswa iman i ttêlba lli ittaran gh ifrzzay ad ur kkat-n tarwa n darngh ittaran s uzêlmâd gh ssuq-nsn izwaren.
Rmigh tirra lli ssufesn wiyyad gh uhêbu-ngh.
Tirra ! Tirra ! Yuda-km !
Tirra : " an ur tmatâl-m, inna yawn dda àli : Nkki agh rad tmmiggirm d willi-n ur tamem ".
Ajj at angh akwn naj, ad tnaqsêt a takat
yuda gh usmammi yuda gh uswingm d trfufnt
Rwahât agh afrag inna-gh ihêsarn at nssinif
Yuda-km !
Shûrmant-iyyi tirra ad d nkergh, ad zusefgh zegh waddalen lli yyi issuteln, ad d mmattigh ad arra-gh yan sin iwaliwen, ssurf-at -yyi ad utgh yat snat tguriwin gh urdînatur.
Ara !
ur zêdâr-gh ad aragh
Ara !
Tirra gh îd ad tskwtiyyid yan umddakwl, isres-yyi-d asara d tifret yini-yyi : " Ara ! tasghunt rad tffagh nkwni ur as nhîyel amya, nnigh ak ara ! ak id afegh tadgwat turit ".
Ar yyid aqwlayen iwaliwen, zund iraran, zund igh illa mayyin igan adâd gh imi isbzziz flla ad trragh.
Ara, arra, iraran, ar ttaragh, ar trragh... mad isngaran tirra d irran ?
Asqsi yad isatig, yusi kigan d wammak. Afad ad ittrra ufgan iqqand ad yili ungâz, iqqand ad irwi uhêlig-ns, iqqand ad-t ismmukwti kra, afad ad yara ufgan iqqand ad yili yan ungâz yadînin ur irwasen walli izwaren, iqqan-d ad iwrigh lxater-ns. Tirra mmiment ar tkkisent imik f lxatêr, iraran zzumman, jjân, mac ar ssugun lxater.
Tirra, illa gis yili gis, llan-t tirra n tillas s ughanim, s imsahên, d id wansâb, f usghar, f uzêru, gh tglayt, gh tmikilt, ilin-t tirra n uzêlmad s uzêlmad zegh uzêlmad, icc fllasen akuray gh mezzî, ift-nt i ufasi issawaletnt s iwala ghilli s as iskar lhâl is iga darsen, ilhu izdi yas : Ara-d ad aragh! Swingm kiyyi ! araghtnt nkki ! gnt tinu ! tegt kiyyi nkki ! Ini !Aragh !
Angâz, ad ig win-k tirra gnt tinu, gegh bab n tirra tegt bab n irarn. Tirra gisnt tin wAwzal s iklan n tfdêna, tin Ulbnsir negr igalidên n tarwaysin, tin unufel immnàan n Wahruc... d tin Ljabiri af ad iàemmer wajbbir-ns...
Afgan ar ittara s ufus, gar afgan ar itrra s immi, tggrud ttilibizyun takwr as ils, igut uzzûmmu, ssimimnt as iraran n Mizra d wi Lmiksik, hêlb ama iran ad ihêlb.
Nnigh awen, ssuref at yyi urigh awen awilli yaqran s umzzugh, akwren asn imksawen n laflam allen, awilli issudan lmrfeà, zzenz tislatin-nsn i taqqayyin gurzanin n Fas.
Tirra as inza wakal n tagharin wAwrir d Tmraght i id bifrwalen, d tannaàurin n Ixrban i willi yusen izakaren. Tarwa n Âllal iqqan-d ad ghren, aran, tarwa n Bakrim ad ssudun tighrruba ar aqran i walli-tn yurun ad zgren. Iburghwatn uran tirra gren-tnt, grunten wiyyad hdûn-tent. Tirra n Âllal ghwlin-t d udrar n dren ar sngulent, gnt agh amazir n aylli ncca, d ayelli nswa, irez ddblij lkas, iffi uhêbib atay, neg amazir naru amazir, inghagh uzzumu n Âllal d tarwa-ns. Nakwid ar ntelli s magh nttanf i uzzummu, nsekr tighrruba nawen Uliman ar ntelli ... Naf-n tirra n wiyyâd zund tingh lli f ncca akwuray gh mzzî kkan-t akw azêlmad. Niri ad d nurri ad nsswa iman i ttêlba lli ittaran gh ifrzzay ad ur kkat-n tarwa n darngh ittaran s uzêlmâd gh ssuq-nsn izwaren.
Rmigh tirra lli ssufesn wiyyad gh uhêbu-ngh.
Tirra ! Tirra ! Yuda-km !
Tirra : " an ur tmatâl-m, inna yawn dda àli : Nkki agh rad tmmiggirm d willi-n ur tamem ".
Amazigh (Lasri Brahim)
Bariz 3:43 Taylgi ; 25/05/2000
Bariz 3:43 Taylgi ; 25/05/2000
