Tigga d waghwzên
Âbdullah benhêssi Asafu
|
Tekka ttin yadlli yat tefruxet bahra ifulkin ar as ttinin Tigga, ar tkessa izammaren n tabttis (jeddas).Yan wass gh ger wussan teksa dagh ar tadggwat truhêd, mac lligh ar thâsab ulli tufan is as lâh izimmer lli bâhra iàzzan dar jeddas : izimmer bu talhruzin iccettan gh tseksut !
Tffagh ar t tsiggil ar as taqra : « Tikkâh a yizimmer, tikkâh a bu talhêruzin iccettan gh tseksut, ... » Imil isfld as yan waghwzên, inna yas ed : baàà, baàà !!! Ar en dares ttazla, ar as taqra tccukku tteghlaghal lli mi tesflad aylligh tin telkem. tafin ghaylli tghal izd izimmer n tabttis, mac ur igi amer yan waghwzên issiwiden ! Terwl as izzû gis teghwli yas s yat targant yattuyen immagh waghwzên ad srs ighwli iggammi yas, igwin gh ddu ns issergh takat ar izîzîn ar itnuddum imil yawit in yîds ! Tanni Tigga takat tâz tin tenna yas ed : – Wa xuxxuc itnuddumen tecca takat amar nk, wa xuxxuc itnuddumen tecca takat amar nk ! Idiw ed nit waghwzên issns takat isawel s Tigga inna yas : – Ghil ad llight giti tskert mad ifulkin ssutr yyi yat tghawsa ad am tt skrgh ula nikkin Tenna yas ed nit TIGGA gh ufella n targant : – Righ an akwigh mac fek yyi zwar laman ur yyi tecttat ! Inna yas waghzzên : – Fkigh am igazzên s igazzên ur kem cettagh. |
Giovanni Lanfranco
|
Tenna yas :
– Fiyi laman s laman ur yyi teccttat.
Inna yas dagh :
– Fkigh am ilammen s ilammen ur kem ccettagh.
Tenna yas :
– Fiyyi laman s laman ur yyi tecttat.
Inna yas :
– Fkigh am laman s laman ur kem cettagh.
Ttakwid Tigga teg laman gh war laman ! Tgwzed s wakal tili gh ger ifassn ns, yini yas :
– Fkigh am laman ur km ccettagh, mac ssutergh gim yat tghawsa; nikkin gigh wâhduyyi, ur yyi sul tssusem têzlluyet righ km ad didi tilit tegt tamghart inu; rad gim thellagh ur rakkem ixissî umya !
Teswangem Tigga aylligh termi tafin is ur ttâf kra n lhîlt yaddên abla ad dids tili ar kigh têzra mamnk as rad as trwel .
Itihêl waghwzên Tigga tili dids, zrin wussan d isggwasen ttêf dids yan warraw ur igi bnbadem ur igi aghwzên ! telkem tizi n rrewa tsaqsa Tigga aghwzzên tenna yas :
– Ma rad iserwat azekka gh usammer ?
Inna yas :
– Ayt ugadir idran (ghilli igan dars en n Tigga)
lligh rad iddu waghwzên ad isrwat imendi ns tenna yas Tigga :
– Rad ak inigh kra n iwaliwen ad srs en ttirirt azekka igh ar tserwatt.*
Inna yas :
– Waxxa.
Tnna yas :
– Ttinni :
Wa ayt ugadir idrani
tenna yawen Tigga nnuni
kertzat hbubu gh umalu uzuzwuyi
wa yayt ugadir idrani
tenna yawen Tigga nnuni
kertzat hbubu gh umalu uzuzwuyi.
Sbâh an iddu ar isrwat gh unammer ar ittini ghiklli sas tenna Tigga, ssfeldn as ayt mas n Tigga Brahim d Musa ackin ed mdin f waghwzên aylligh isrut, ismun tayafut ns gh icwariyyen skren as gis yat tenqbit mani gh as tffint tûmzîn. yasi waghwzên icwariyen ns ur akw izêri tûmzîn lli yas itffin, imun d ugharas s ifri ns.
Gh yîd iggul Mussa as ar idda ad izêr ult mas Tigga, igh iga aghwzzên ad st yumzên,yasi ikrradn ns iccukku tizririgin n tûmzîn lli tffinin i waghwzên aylligh ilkem ifri n waghwzên. yafin ult mas Tigga izêr manik ad tga :tamum tudemt ns, afulki ns sghrent inukmuttn d tmmariwin, giwern ar as itteks Mussa laxbar n tmazirt d ayt tmazirt, ar as tsawal nttat f manik as tzzri tudret ns gh dar waghwzên zgh ass lli ght lâh.
Ur ssinn man tizi illan aylligh en ikcem waghwzên. Tiksûd Tigga s gwmas Mussa têhdût in gh ddu ikccuddên iddu yiwtsn inna i babas aghwzzên :
– Baba baba xali gh ddu ikccuddên.
Tsematti Tigga gwmas s ddu talmiwin. Inna dagh yiwis n waghwzên i babas :
– Baba, baba xali gh ddu talmiwin.
Isawel dagh waghwzên s Tigga inna yas :
– Mad ukan ittini ghayad ?
Tini yas :
– Walu yan ubxxuy kad îzra ikccem s ghin.
Inna yas ed :
– Amêz as tid ad t icc ad agh sul ur izziwez.
Tnna yas :
– Waxxa.
Igwin waghwzên, teddu Tigga tesfagh ed Musa asin ed yat tuzzalt gin tt in i takat aylligh têhma ,zzûntt in gh tîtt n waghwzên imet nit !
Tasi d Tigga tawelkt ns asin ed ula uregh lli ismun waghwzên, munn d ugharas lli ittawin s Ugadir Idran.
Lligh en azzên irmi yiwis n Tigga, inna i mas :
– Hâti rmigh ur sul zêdargh ad zzigizgh.
Inna yas xalis Mussa :
– Ackid ak asigh.
Yasi t. Ar ittlàab ughwzzên lli mezzîyen s tmzzughêt n xalis yafitt in têdàa, inna i xalis:
– Xali tamzzûght nk temla.
Inna yas Mussa:
– Igh temla tct st.
Ibbi nit giz waghzzên mezzîyen iccit.
Mussa nettan ur issin manik aylligh yusi yiwis n Tigga yut srs akal immiggir d yat têzrût inghit.
Tigga iggwiz gis lhâl taght tgudî n yiwis lli immutten uggar n tumert d lferh lligh tufa ayt dares treweld i waghwzên. Ar tzzigiz, ar tzzigiz aylligh en tlekm yan wanu tdêrn gis temt.
Ummiy amazigh n utllas mzzin
– Fiyi laman s laman ur yyi teccttat.
Inna yas dagh :
– Fkigh am ilammen s ilammen ur kem ccettagh.
Tenna yas :
– Fiyyi laman s laman ur yyi tecttat.
Inna yas :
– Fkigh am laman s laman ur kem cettagh.
Ttakwid Tigga teg laman gh war laman ! Tgwzed s wakal tili gh ger ifassn ns, yini yas :
– Fkigh am laman ur km ccettagh, mac ssutergh gim yat tghawsa; nikkin gigh wâhduyyi, ur yyi sul tssusem têzlluyet righ km ad didi tilit tegt tamghart inu; rad gim thellagh ur rakkem ixissî umya !
Teswangem Tigga aylligh termi tafin is ur ttâf kra n lhîlt yaddên abla ad dids tili ar kigh têzra mamnk as rad as trwel .
Itihêl waghwzên Tigga tili dids, zrin wussan d isggwasen ttêf dids yan warraw ur igi bnbadem ur igi aghwzên ! telkem tizi n rrewa tsaqsa Tigga aghwzzên tenna yas :
– Ma rad iserwat azekka gh usammer ?
Inna yas :
– Ayt ugadir idran (ghilli igan dars en n Tigga)
lligh rad iddu waghwzên ad isrwat imendi ns tenna yas Tigga :
– Rad ak inigh kra n iwaliwen ad srs en ttirirt azekka igh ar tserwatt.*
Inna yas :
– Waxxa.
Tnna yas :
– Ttinni :
Wa ayt ugadir idrani
tenna yawen Tigga nnuni
kertzat hbubu gh umalu uzuzwuyi
wa yayt ugadir idrani
tenna yawen Tigga nnuni
kertzat hbubu gh umalu uzuzwuyi.
Sbâh an iddu ar isrwat gh unammer ar ittini ghiklli sas tenna Tigga, ssfeldn as ayt mas n Tigga Brahim d Musa ackin ed mdin f waghwzên aylligh isrut, ismun tayafut ns gh icwariyyen skren as gis yat tenqbit mani gh as tffint tûmzîn. yasi waghwzên icwariyen ns ur akw izêri tûmzîn lli yas itffin, imun d ugharas s ifri ns.
Gh yîd iggul Mussa as ar idda ad izêr ult mas Tigga, igh iga aghwzzên ad st yumzên,yasi ikrradn ns iccukku tizririgin n tûmzîn lli tffinin i waghwzên aylligh ilkem ifri n waghwzên. yafin ult mas Tigga izêr manik ad tga :tamum tudemt ns, afulki ns sghrent inukmuttn d tmmariwin, giwern ar as itteks Mussa laxbar n tmazirt d ayt tmazirt, ar as tsawal nttat f manik as tzzri tudret ns gh dar waghwzên zgh ass lli ght lâh.
Ur ssinn man tizi illan aylligh en ikcem waghwzên. Tiksûd Tigga s gwmas Mussa têhdût in gh ddu ikccuddên iddu yiwtsn inna i babas aghwzzên :
– Baba baba xali gh ddu ikccuddên.
Tsematti Tigga gwmas s ddu talmiwin. Inna dagh yiwis n waghwzên i babas :
– Baba, baba xali gh ddu talmiwin.
Isawel dagh waghwzên s Tigga inna yas :
– Mad ukan ittini ghayad ?
Tini yas :
– Walu yan ubxxuy kad îzra ikccem s ghin.
Inna yas ed :
– Amêz as tid ad t icc ad agh sul ur izziwez.
Tnna yas :
– Waxxa.
Igwin waghwzên, teddu Tigga tesfagh ed Musa asin ed yat tuzzalt gin tt in i takat aylligh têhma ,zzûntt in gh tîtt n waghwzên imet nit !
Tasi d Tigga tawelkt ns asin ed ula uregh lli ismun waghwzên, munn d ugharas lli ittawin s Ugadir Idran.
Lligh en azzên irmi yiwis n Tigga, inna i mas :
– Hâti rmigh ur sul zêdargh ad zzigizgh.
Inna yas xalis Mussa :
– Ackid ak asigh.
Yasi t. Ar ittlàab ughwzzên lli mezzîyen s tmzzughêt n xalis yafitt in têdàa, inna i xalis:
– Xali tamzzûght nk temla.
Inna yas Mussa:
– Igh temla tct st.
Ibbi nit giz waghzzên mezzîyen iccit.
Mussa nettan ur issin manik aylligh yusi yiwis n Tigga yut srs akal immiggir d yat têzrût inghit.
Tigga iggwiz gis lhâl taght tgudî n yiwis lli immutten uggar n tumert d lferh lligh tufa ayt dares treweld i waghwzên. Ar tzzigiz, ar tzzigiz aylligh en tlekm yan wanu tdêrn gis temt.
Ummiy amazigh n utllas mzzin
