Tahamajiyt

Yeccu

Krâdt tgaritin
G uqerru n umedyaz
Rdlent temzgidiwin
Yegmêd ugherbaz
Xsint takatin,
Yekcemd unebbâz…

Yesdref tisurifin
Ajenwiy ger tughmas
Yettfer ger tghemrin
Ad yeghres aneghmas.
Idmaren ad ten swin
Meqqar d win gmas.

Ggujlent tmezgunin
Yennâd yiles i umedyaz
Rewlemt a tulawin
Aqerru ittekar s lâz
Ggullan kerrzen tirgin
Ad neqqan ur ten tegrâz.

Asid ur t zêrin
Ghas îd meqqar s wass
Tiddreghlt n tmukrisin
D thamajiyt n tillas
Tilufa timeqranin
Agh d snulfant tkerkas