TabratMad yad tumźz Lalla Fadźm tabrat lli yas d yuwi umghar, ur tssin as tt tghźr, ur tssen mqqar d yan, gh usun lligh tella, izdāren ad as tt ighźr. Tini d ixef nnes as tt tawi i ttāleb n tmezgida. Nettan ad isen ad iqqra gh usun, ur akw issen ad ighźr arra n Rebbi ? Lligh irzźm ttāleb tabrat lli, yaf tin ttyara s tefransist. Mekli ur issin i wawal ad, yenna d ixef, acku ttāleb issen akw ayt tmazirt, mas ur ad teg amer tin urgaz nnes llin ittilin gh Fransa ! Ur izdār as ttid irar ad ur ttini ur issen i yat, mekli dagh ira ad as tefk imik n iqarīden. Isawel d yini yas : « tabrat ad yuzen am tid urgaz nnem llin ittilin gh Fransa, inna yam han labas dars, ur t inghi bla umarg nnun, ar ittesllam f ayt tgemmi yakw d kra isaqsan... » Ifes ttālb yan imik, ur sul issen mas rad ilqqem i sslam, tsaweld tmeghārt lli tini yas : « mayad ka a ggis illan a Sidi », iswangem yini yas : « mas as yadli tennit ad am tid yawi gh Frnasa », trar as d : « yan waddal a sidi », ifser as tabrat imel as s udād : « ghid nit agh tid inna a Lalla ». Tsaweld nettat tini yas d : « mad za kullu gan tirra nna n izdar n tebrat ». Isawel d ttālb irar as : « kulla tirra yad n izdar ad igan izāgen n wadal lli rad am d yawi. » Rachid NEJJARI AFAW |