Tiddukla
Tadelsant Imedyazen
BP 129, Poste Didouche Mourad, 16006, Alger, Algérie
adadam89@yahoo.fr
Tabrat n Yimedyazen
Taghmist
n Tiddukla - Utt'un 10
(ddur't
n 2 gher 8 Ghuct 2003)
Zik
neqqar win yebghan tamazight, ad yissin tira-s
Ass-a neqqar win yebghan tamazight, ad tt-yaru
Tigejdit :
Azul fell-awen ay atmaten d teysetmatin
Simmal ttâeddint ledwar', simmal nettissin medden. Llan kra d lfer'h'-nsen imi ay ten-id-tettawed' tabrat yuran s tutlayt-nsen, xas ttmeslayen-tt, xas ttidiren yis-s, ttidiren tamazight-nsen ama deg wul, ama deg yiles, ferr'h'en imi ay tt-id-ttatt'afen yal ddur't imi ay fuden idles, fuden iles n lejdud, bghan ad sswen iz'uran-nsen si tala yesduklen las'el akk d tmusni. Ma d wiyad', xas akken ned'meâ deg-sen d nitni ara yilin d imenza ad agh-d-fken afus n lemâawna, imi ay ten-nessen zun d "Imazighen", d wid yekkan akk tudert-nsen qqaren negh qeddcen, cerrwen tidi ghef tmazight, taggara, lfan-d d nitni ay d ixeddaâen imeqqranen ay d agh-yeddjan di tlemmast n webrid. Imi ay d-neqqar tidet u nettâawad-itt-id ghef tiddjin ay neddja tutlayt-nnegh, nitni ghur-sen wissen amek akkenni, amzun yella kra ay ten-iqerh'en. Wigi h'emmlen ad zuxxen fell-anegh, sâan amkan âlayen kul wa anda, wwin cciâa meqqren gher medden, yernu llan ula ! d wid ay yettwalin d akken timmuzgha ghur-sen kan ay teh'bes. Nitni imi ay ufan ddeâwa akka, tekcem-iten ttnefxa, âellqen-d id'arren-nsen yernu ssersen iman-nsen di lber'j âlayen, djeâlen tamusni-nni-nsen ala nitni ay tt-yessnen, djeâlen ad sxelâen medden s wacu ay llan negh s wayen d-qqaren. Ma d nekni, imdanen am wigi, skud mazal-iten sseqdacen tafr'ensist, ayen sen-yehwun ilin-t, ur âeddan ara ghur-negh. Ma nekkat-d deg-sen ass-a, maci d ah'sab ur ten-neh'sib ara d atmaten negh d nnker' ay nebgha ad nenker' ayen xedmen i tmazight, d acu kan nekni neqqen i yiman-nnegh d akken tidet ad tt-id-nini, akken yebghu qessh'et, acku nekni ghur-negh, ttafxir ad nettwargem, ad nsel i teqseh' n rregmat d llqub, wala ad d-yawed' wass i deg ara nh'ulfu i teqseh'-nni qerrih'en n wengar n tmazight. Akken yebghu yili, di ddunit-a yal yiwen aqerru-yis di tcacit-is, yal wa ayen s-ihwan ad t-ixdem, d acu kan, nekni yettghad'-agh lh'al mi ara nwali aggagen (intellectuels) Imazighen yekkan akk ddunit-n! sen cerrwen tidi ghef tmazight, di tgara d tafr'ensist ay sseqdacen, di lweqt i deg ttawin-tt-id amzun bghan ad agh-mlen abrid n wamek ara nili d Imazighen akken bghan nitni. Maca nnig waya, yettghad'-agh lh'al mi ara nwali imdanen am wigi d nitni ay d imenza ara d agh-yebrun, ara yesâuzz'gen ghef teghri-nnegh, ara yezzin iqerray-nsen mi ara d agh-walin, amzun ur d agh-ssinen ara negh ur d asen-yehwi ara wacu ara d-neqqar. Ass-a, nefren-d yiwen n wed'ris s wazal-is deg weghmis-nnegh, akken ad d-nessken amek llan yemdanen am wigi yernu xas akken d Imazighen ay llan, ur xulfen ara atmaten-nsen aggagen n tmura nnid'en n Tefriqt : Iflew-nsen gher berr'a ay yettseqqi. Ma d nekni, ahaw kan a wigi, a neghra akk tigi yernu nebna fell-asent. Tugh nekni ur nelli am Yimazighen n yid'elli, ay yettukellxen ach'al d abrid. Qqaren-as di terga n laman ay yeqqaz tibh'irt yilef, negh si laman ay d-itekk lexdeâ. Nekni neghra tid n zik, nessen d acu ay s-yexdem Beggas (Bocchus) i Yugurten yernu as! mi ay nebda leqdic-nnegh ay nebna d akken ad ilin wid ara d agh-ixedâen, ad agh-fken laman alamma, yiwwas ad agh-ddjen negh ad d-zzin fell-anegh. Wigi gan am yinighem-nni bu twekka, sufella yecbeh', yerqem, sdaxel mi t-teldid', yerka. D acu kan, ass-a nekni nughal nessen ad nextir inighman. Ur ttagadut.
Mass Omar MOUFFOK
TIBRATIN-NWEN
Farid, El-Biar, Ldzayer
Azul fell-awen, Tamezwarut, surfet-agh ma yella nesseâwej tira imi ur nugh ara tanumi nettaru s tmazight. S lfer'h' meqqren i neghra tabrat-nwen, tidukkla nessen-itt ya kan asmi neghra adlis n «Ilughma i Tira n Tmazight» maca ur nufi ara amek [ara] nernu ldjehd-nnegh gher win-nwen, imi ur tesâim ara tansa [adeg, local]. Daghen imi neghra amezruy n tidukkla tadelsant Imedyazen, ladgha «les principes de l'association» [imenzayen n tiddukla] n 17 [Ctember'] 1994. Nufa nesâa yiwet n tmughli ghef wayen yeânan idles d wamek ilaq ad neqdec fell-as, nettwali daghen d akken ilaq s leqdic-nnegh ara nawed' ad nessiwed' tamazight gher medden imi at'as deg-sen ur z'rin ara amek ilaq ad xedmen iwakken ad lemden tutlayt tamazight (...). Tanemmirt tameqqrant.
Tiririt : Azul fell-ak a gma (...) Nekni neqqar-asen i medden : "Arut tamazight xas ur tughem ara tanumi, xas ad ig R'ebbi ur tessinem ara akk ad tt-tarum! Lxers'um âerd'et", yugh lh'al s tuccd'iwin ay lemmden medden, yernu yiwen ur d-ilul yessen. Kenwi lh'emdulelleh, ghef wakken nwala tabrat taneggarut ay d agh-d-tuznem, ulac deg-s at'as n tuccd'iwin, u d ayen ibanen d akken wid iqeddcen ghef tira n tmazight akka am kenwi, ad issinen ilugan n llsas n tira n tmazight. Ay d-yeqqimen kan ad taghem tanumi u ad tesselhum aswir-nwen deg wayen yerzan tuccd'iwin-agi tixfifanin ay txeddmem di tira, imi imdanen yebghan ad qedcen ghef tutlayt akka am kenwi, ilaq ad issinen tamazight akken iwata, imi leqdic-nwen yerza asselmed n tutlayt, dgha ulamek ara yili win yesselmaden tutlayt d win itgen tuccd'iwin. Akken yebghu yili, nekni ur ttseth'it ara yid-negh, arut-agh-d akken tessnem, yernu ma yebgha R'ebbi, dindin kan ad tesselhum asw! ir-nwen yid-negh sya ar sdat. D acu kan, si tama nnid'en, aql-agh a nettaârad' akk ayen nezmer akken ad asen-nessefhem i medden d akken tamazight ilaq ad tili d tutlayt n teywalt tawh'idt gar-anegh, nekni s wid yessnen ad tt-naru, dgha ghef wanect-a ara d awen-nessuter ad tesseqdacem tamazight akken tuâam, melmi tuâam akk d Leqbayel merr'a yettmeslayen taqbaylit, imi tutlayt-nnegh simmal ara tettughal gher deffir yernu anect-a maci d ayen yessefr'ah'en ma ikemmel sya ar sdat. Yessefr'eh'-anegh wayen d agh-d-tennam ghef tmusni ay tessnem yagi tiddukla-nnegh yernu imi ay teghram taseghrut n yimenzayen (déclaration des principes) n tiddukla-nnegh, aql-iken tgam ah'urif d ameqqran ara ken-yesqerben gher tiddukla tadelsant Imedyazen. (...). Sghur Imedyazen.
Kenya : Tughalin gher tutlayt takikuyut
Sghur Mwangi wa Mutahi
[Aqeddem
: ad'ris ay d-nefren ass-a d win ay d-yettmeslayen ghef leqdic n ussider
n yiwet n tutlayt n Tefriqt, tutlayt takikuyut (kikouyou), ay ttmeslayen
di tmurt n Kenya. Yugh lh'al, di Tefriqt i deg ttmeslayen ugar n 2000
n tutlayin, ala kan citt'ah' deg-sent ay yewwd'en s annar n tira, ughalent
d tutlayin i yes d-ssuffughen idlisen, di lweqt i deg amur ameqqran deg-sent
mazal-it kan yettidir deg yilsawen, iduba n tmura n Tefriqt rrant tutlayin
tifriqiyin di rrif yernu h'eqren-ten. Yiwet si ssebbat n wanect-a netta
d tamharsa (colonialisme) taberr'anit ay yekfan azal meqqren i tutlayin
tur'ufiyin (européennes). D acu kan, xas ass-a, mi akka ay tâedda temharsa
taberr'anit, ddjant-d tmura timennekcamin ighighden-nsent, imi tuget deg
yiduba ay d-ibedden akken ad h'ekmen timura n Tefriqt, d tutlayin am tefr'ensist
negh taglizit umi fkant azal meqqren. Ma d aggagen (intellectuels) n tmura-ya,
xas akken ukin s tnettit-nsen t! afriqit, d tutlayt n temharsa umi fkan
azal meqqren yernu wwd'en alammi ay tth'ar'aben tutlayin n tmurt-nsen
akken ad as-gen abrid i tutlayt n weâdaw n yid'elli. D anect-a ay d agh-yed'ran
akk nekni s yegduden n Tefriqt, yernu nekni s Yimazighen ay yellan d Ifriqiyen
am yegduden nnid'en n Tefriqt, ur nemniâ ara seg wanect-a. Tawaghit i
d agh-yewwten nettat d akken aggagen-nnegh, xas d agdud i ten-id-yefkan,
d agdud i ten-id-yessekren, maca ur a ttmeslayen ara tutlayt n wegdud
yernu ttugar n wakken qeddcen i lmend n uberr'ani ay d-ih'ettmen fell-anegh
tamnukda tadelsant (impérialisme culturel), wala akken qeddcen i lmend
n wegdud-nsen. Amek i tebghid' aggag ad yenfeâ agdud-is, u ad t-iâiwen
di lweqt i deg netta yettmeslay ixulfen tin n wegdud. Mwangi wa Mutahi
d argaz ay yebghan ad ibeddel anect-a di tmurt-is. Imi ay ih'ulfa i wayen
yesâedda wegdud-is d lh'if, yeqreh'-it wul-is yernu iger-d tighri akken
ad asen-yesfed' imett'awen i watmaten-is. Mwangi yura-d adlis, yernu imi
netta ye! ttaru i wegdud-is, yura-t s tutlayt-is, s tutlayt ay ifehhem
wegdud, yernu d anect-a ay yeddjan adlis-agi ad d-yawi lfayda meqqren.
Asmi ay llan Yikikuyuten sellen i wid sen-yeqqaren tikerkas s teglizit,
ur d-lmiden acemma, maca asmi ay ughalen sellen i win ay sen-d-yessawalen
tidet s yiles-nsen, at'as n lumur' ay d-lemden. I nekni, melmi ara d-nelmed
ayen bdan nitni a t-lemmden ? Afud igerrzen].
Qrib 40 n yiseggasen mbeâd ma tewwi Kenya azarug-is (indépendance), mazal ur a ttuselmadent ara tutlayin tifriqiyin n tmurt-a deg ugherbaz, ala kan taswahilit, yernu ikayaden (examens) ttwaxdamen kan s teglizit.
Asmi ay yella d awr'it n wayen d-teddja temharsa tabrit'anit, amaru akenyan Mwangi wa Mutahi, yeddja tutlayt-is tanes'lit, takikuyut, d acu kan, yewwed'-d wass i deg yughal ghur-s asmi ay yughal yettaru idlisen, yernu yughal d yiwen seg yimeqqranen ay iqeddcen i lmendad-is.
Lulegh-d di 1963, deg useggas-nni i deg tewwi Kenya azarug-is, u kkregh-d deg yiwen n twacult n yifellah'en. Asmi ay lligh d amect'uh', ala kan d takikuyut ay nella nettmeslay, yis-s ay d-nessawal timucuha, yis-s ay ncennu, yis-s ay d-neqqar timseâraqin negh digh, yis-s ay nettqess'ir sdat n yimeqqranen-nnegh ay yellan ttmeslayen s yinzan ay yett'uqten di tutlayt-nnegh. Ghef wakken d-cfigh, ala kan d takikuyut (ay ttmeslayen wazal n 22% seg yimazdaghen n Kenya) ay d agh-slemden di tlata-nni n yiseggasen imenza n ugherbaz amenzu, xas ulamma nekk lemdegh agemmay aneglizi asmi ay lligh deg ugherbaz n tnett'aft (école maternelle) . Deg useggas wis r'ebâa, asmi ay d agh-d-skecmen taglizit, h'ettmen-agh ad neddj takikuyut : ilugan (règles) n ugherbaz gedlen-agh (interdire) ad nettmeslay negh ad nettaru s tutlayt-nnegh tayemmat. S kra n win ara yettseqdacen yella yezmer ad yettwet u ad yettuweddeb (punir), bitt yezmer ad t-ssuff! ghen ula d assuffegh seg ugherbaz i kra n wussan. Qrib igherbazen imenza merr'a n Kenya gan akka i tkikuyut negh i tutlayin tifriqiyin nnid'en n tmurt, imi iselmaden-nnegh llan ur tent-ttwalin ara d tutlayin n tidet wanag h'esben-tent kan d tantalyin (dialectes) ay ttmeslayen yemdanen imezwaren (primitifs).
Ama uqbel, ama mbeâd ma fukegh tizrawin-is (leqraya-w) di tesdawit, qedcegh d aselmad di tesnawit (secondaire), maca imir-n, mi akken bdigh leqdic, lligh steqsayagh iman-iw ma yella ad far'segh tagnit akken ad gegh ifadden i yinelmaden-iw ad ttmeslayen takikuyut negh ad asent-smeghregh kan ccan i tutlayin tiberr'aniyin u ad h'eqregh tin-iw ? Di tazwara, lligh seg wid yettnad'ah'en mlih' i lmend n wayen i gh-d-ddjan yimennekcamen, akken llan xeddmen yimeddukal-iw iselmaden nnid'en ay yellan xeddmen akk ayen umi zemren akken ad qadren ilugan. Dgha wwtegh yernu weddbegh inelmaden yal tikkelt i deg ara âerd'en ad mmeslayen s tutlayt-nsen tayemmat. Ihi, akken ay gan at'as uqbel-i ay gigh ula d nekk, imi ay lligh ttxemmimegh akken yettxemmim umennekcam ay yellan yettwali d akken anelmad, mi ara yettmeslay negh a yettaru s tutlayt tafriqit, ur yettazmar ara ad yelmed. Imi ikayaden ighelnawen llan d'errun-d s teglizit, inelmaden ! ttamnen s tefses d akken ilaq d taglizit ara issinen mlih' ma bghan ad rebh'en di tezrawin-nsen.
Qrib r'ebâin n yiseggasen mbeâd n uzarug, anagraw (système) n usselmed n umennekcam mazal-it akken yella zik-nni. Ulac akk kra n ubeddel meqqren ay d-yed'ran di tsertit n usselmed n tutlayin di Kenya, i deg medden ttmeslayen azal n r'ebâin n tutlayin. Anabad' (gouvernement) yettwali d akken asseqdec n tutlayin tidiganin (locales) d ayen ay izemren ad id'urr tadukli taghelnawt (unité nationale), dgha ala kan d tutlayt taswahilit ay d tutlayt tafriqit tawh'idt ay yerra udabu d tutlayt tamens'abt iâedlen akk d teglizit, di tallit n uselway Jomo Kenyetta. Di Kenya, awi-d kan abâad' ad yerbeh' deg yikayaden-is yernu at'as n yiselmaden ifriqiyen ay yeddan akk d unagraw-agi. Dgha d taglizit ay yettaldin tiwwura i wabâad' akken ad yesâu ccan, ad igher u ad d-yaf leqdic ama di Kenya, ama di lberr'ani.
Argal n yiberdan :
Alammi d asmi ay sâigh 32 n yiseggasen ay d-yed'ra deg-i ubeddel d ameqqran, mi akken ay bdigh a ttarugh yiwen n wungal. Imir-n lligh ttidiregh deg Yiwunak Yeddulken (USA), anda ay lligh qeddcegh d amnadi (chercheur). Mi bdigh ttarugh "Ngoima" (*), lligh bghigh ad d-mmeslayegh ghef unabad' n Kenya timziregt (indépendante) u ad d-kecfegh amek yettkemmil yesselh'ay tamirt s tsertit n umennekcam. Tugh lligh bghigh ad arugh i yiwen n wegdud n yifellah'en, n yiqeddacen akk d yemdanen igellilen. Dgha bedregh-d deg wungal-is uguren n tjaâalt (corruption) akk d tegnit n d iri i deg yettili wennar n udawi di Kenya s tedyant n yiwet n tmett'ut ay yeddmen tadist maca ter'wa lh'if yid-s. Bdigh ttarugh s teglizit, sakin, mi fukegh kan snat-nni n ts'eddarin (paragraphes) timezwura, wwigh-d s lexbar d akken deg uqerru-yiw, izen-nni (message) ay bghigh ad t-sâeddigh yella s tutlayt tkikuyut, maci s tutlayt nnid'en. Dgha tutlayt-nni ay ll! igh ttmeslayegh-tt asmi ay lligh d agrud telfa-d d akken tezz'a deg wul-iw ugar n wakken lligh ttxemmimegh. D acu kan, ufigh-d ugur asmi ay d-wwd'egh gher yidiwenniyen (dialogues). Lemmer ad d-snet'qegh udmawen-iw (personnages) s teglizit, anect-a ur iseââu ara akk lmeâna imi tutlayt-nsen d takikuyut, idles-nsen d akikuyu. Dgha yughal yeh'bes leqdic-iw, ur a iteddu ara. Kra n wagguren sakin, teghli-d tegnit i deg ara ughalegh gher Kenya, s axxam-nnegh, u ad sâeddigh lweqt akk d medden-nni wukud d-kkregh. Dgha ur fhimegh ara amek alammi ay ughalegh gher tira n "Ngoima". H'ulfagh amzun mlalegh-d d sin-nni n wudmawen-yinu (personnages) ay d-snulfagh. Di tezwara n 1997, ughalegh gher tira n wungal-nni, maca tikkelt-agi s tkikuyut, yernu seg wakken ay d iyi-d-banent lumur', alammi ay ssawd'egh ad fakegh ungal-yinu di sin kan wagguren.
Takikuyut yuran temlal-d uguren akken ad tennerni acku ala kan citt'ah' mad'i n medden ay tt-yesseqdacen. Dgha, sdat n tutlayin ay ttmeslayen at'as, takikuyut tâett'el akken ad d-tesnulfu awalen imaynuten negh awalen itekniyen (techniques) akk d teghdirawin (orthographes) timaynutin. Mlalegh-d ihi uguren-agi merr'a simmal ttarugh deg wungal-iw, d acu kan, ayen d-uran sin n yemyura nnid'en ay ifernen ad arun s tkikuyut, Gakaara akk d Ngugi, iga-yi-d ifadden akken ad kemmlegh.
Adlis-is yeffegh-d gher wulzuz (ssuq) di Fur'ar' n 1999. Baba ay yellan d afellah', s kra yekka di ddunit-is ala kan d Adlis (Bible) ay yella yeqqar-it, yenna-yi-d asmi ay yeghra ungal-inu d akken "at'as n tghawsiwin ay d-yelmed seg-s". Yernu, mi yed'fer tudert n wudmawen n wungal-yinu, yessawed' ad yefhem xir kra n wuguren n tdamsa (économie) akk d tmetti n wegdud-nnegh.
Timliliyin yesâan azal meqqren di Iritirya *
*Erythrée
Aqabel-nni igerrzen i yes qublen medden tuffgha n wungal n "Ngoima" yesskanay-d d akken tutlayin tifriqiyin d tutlayin yeddren s tidet, xas akken qlilit yimez'ragen (éditeurs) ay iqebblen ad d-ssuffghen adlis yuran s tutlayin-a, xas akken abâad', akken ad ssetâer'fen yis-s, ilaq s teglizit ara yaru. Xas ma yella tutlayin tikenyanin ttnad'ah'en fell-asent kra n waggagen (intellectuels) akk d yimura, d ifellah'en akk d yiqeddacen ay yettca mlih' nnif fell-asen. Dgha s yemdanen-agi ara ttkemmilent tutlayin tudert-nsent akk d temhezt-nsent (évolution), xas akken nitni qlil kan sanda ara arun kra s tutlayt-nsen tayemmat.
Di Yennayer n useggas n 2000, usan-d wat'as n yimura akk d yemnuda si tmiwa merr'a n Tefriqt akken ad mlilen di Iritirya, u ad h'edr'en deg usarag (colloque) umi semman "Tutlayin akk d tsekliwin tifriqiyin di lqern wis 21". Dgha d tikkelt tamenzut i deg ara d-yili usarag am wa deg wakal n Tefriqt, yernu tella-d deg yiwet n tmurt ay yesselmaden ass-a tesâa n tutlayin deg ugherbaz [Iritirya]. Dgha gregh tamawt d akken tutlayin-a ulac ass-a lxuf fell-asent akken ad negrent, d acu kan, tewwi-d fell-anegh ad neh'r'es inabad'en n tmura akken ughalent d tutlayin ay ttmeslayen ugar, d tid ay qqaren yernu ssuqulen-d igerwaj n tsekla yellan deg-sent.
Kra, tth'ulfun d akken xedâen anagraw amsedghar (système élitiste) ma uran s tutlayt-nsen. Ma d nekk si tama-w, ttwaligh d akken anect-a d abrid akken ad nemsebd'u d tekta (idées) n temharsa tamaynut (néocolonialisme) u ad d-nerr leh'kem i wegdud afriqi. Asmi ay d-mlalegh imura ay yettarun s tutlayin tifriqiyin nnernan yifadden-iw akken ad ttarugh s tkikuyut. Ass-a di Kenya, di tmurt-iw, aql-i a qeddcegh s yighallen akk sâigh akken ad d-arun ungal-iw ara d-iteddun.
Tasuqilt sghur Omar MOUFFOK
* Mwangi wa Mutahi. Ungal-is amezwaru yeffegh-d di 1999 di Kenya, gher tez'righin n Lugha Afrika (PO Box 447, Mukurve-ini, Nyiri, Kenya), yernu yettwafreq sghur n Mau Mau Research Center di New York.
I tmernit n yisallen, rzut ghef wemd'iq-agi :
D acu-ten Yikikuyuten ?
Ikikuyuten d yiwen si r'ebâin-nni n yegduden ay yettidiren di Kenya, zedghen di tmiwa âlayen n tlemmast akk d wenz'ul (sud) n Kenya, yernu ttmeslayen tutlayt takikuyut ay itebâen gher twacult n tutlayin tibantutin (bantoues). Llan wazal n 4.400.000 n Yikikuyuten di Kenya, dgha wwd'en gher 20% seg yimezdaghen n tmurt merr'a, yernu nitni ssawalen i yiman-nsen "Gekoyo" negh "Agekoyo".
Ikukuyuten ttidiren s tfellah't, dgha tezz'un inili (mil), llubyan, tajilbant akk d bat'at'a taz'idant, yernu ass-a, mi akka ay kecmen gher tfellah't tatrart (moderne), sfulluh'en digh taghlust (lqahwa), akbal, igumma (fruits) akk d yeckan (lxed'ra), yernu citt'ah' kan deg-sen ay yettidiren s tkessawt.
Di tmetti-nsen tamensayt (traditionnelle), d argaz ay yesâan azal imi ay d netta ay ih'ekkmen tawacult. Argaz ghur-sen yella iseââu afrag i deg yettili wexxam-is, yernu yettagh at'as n tilawin, yal yiwet deg-sent ad as-yeg taxxamt i yiman-is deg wefrag-is. Timetti takikuyut tebd'a d iderman (clans) i deg yettili wergaz d watmaten-is, tilawin-nsen akk d warraw-nsen, ma d tighawsiwin-nsen n tsertit d tajmaâit ay d-ilehhun yid-sen. Tajmaâit-nsen nitni ttilin deg-s yergazen yellan akk seg yiwet n tnudda, dgha tikwal, d irgazen ilemmasen di leâmer' ay d-yetts'ah' ad sselh'un tighawsiwin n taddart, tikwal, d irgazen imeqqranen negh d imgharen.
Amezruy :
Lejdud n Yikikuyuten llan zik zedghen di tmiwa n Ugafa agmud'an (nord-est) n Kenya, dgha ger n lqern wis 17 d lqern wis 19, bdan a d-ttasen cwit', cwit' gher tmiwa-yagi n tlemmast n Kenya i deg zedghen ass-a. Mbeâd ma ddren ach'al di lehna xeddmen tafellah't deg wakal-nsen, Ikikuyuten llan-d si ger n yegduden ikenyanen imezwura ay yugin ad asen-tettwakkes tmurt-nsen, asmi ay ten-id-yekcem umennekcam abrit'ani. D anect-nni ay ten-yessawd'en ad kkren s imenghi tikkelt tamenzut, deg yiseggasen n 1920 akk d yiseggasen n 1930. Ma di 1952, d Ikikuyuten ay d-yesbedden amussu (mouvement) n Mau Mau i lmend n ussuffegh n Yebrit'aniyen si Kenya, yernu imenghi ay d-yed'ran seg yimir-n yefka axess'ar meqqren i udabu abrit'ani di Kenya. Akken ad rz'en Yebrit'aniyen tanekra-yagi, bdan a ssuffughen Ikikuyuten si tudrin-nsen akken ad ten-zzedghen di tudrin ay sen-bnan ninti akken ad zemren ad ten-qarâen. D acu kan, imenghi ikemmel alammi ! d 1963, asmi ay tewwi Kenya azarug-is, dgha d yiwen n Ukikuyu, Jomo Kenyatta, ay yughalen d aneghlaf amezwaru amenzu n Kenya, yernu seg yimir-n ay tennerna mlih' tezmert n Yikikuyuten di tmurt-nsen. Ass-a, d Ikikuyuten ay yesâan ikataren (cadres) imeqqranen yesselh'ayen tamurt, yernu seg-sen digh ay d-frurin waggagen imeqqranen akk d yimer'kantiyen n tmurt. At'as deg-sen ttidiren di temdinin yernu qeddcen negh tt'fen imukan yelhan deg unabad' (gouvernement) akk d tdamsa. D acu kan, xas Ikukuyuten sâan amkan igerrzen di tmurt-nsen, xas sâan ttawil meqqren, tutlayt-nsen rran-tt di rrif, maca ass-a, mi akka ara d-ttenkaren waggagen (intellectuels) yettarun s tutlayt-nsen tayemmat, takikuyut attan a d-tettarfad iman-is cwit', cwit' akken yiwwas ad taf amkan-is di Kenya.
Sghur Ghania Khouchi
Tutlayt-nnegh
tesmar imett'i di kul mkan
Imi ur d-cliâen seg-s warraw-is
Ddjan-tt i yiman-is s teâkemt zz'ayen
D asefru n Useyno Gey Cosaan ay yura s tutlayt tawuluft (Senegal)
Agemmay n tmazight akken ay t-id-tessumer WAAC, i lmend n tira n tmazight di internet :
a ----- azul, argaz, amazigh
â ----- âiwen, ceggeâ, aâessas
b ----- baba, ibki, abuqal
c ----- acawi, uccen, taccuyt
d ----- dadda, tidet, udi
d'----- ad'u, id'elli, ad'ad
dj ---- afendjal, taddjalt, tajeddjigt
e ----- enz, amenzu, kkes
f ----- tafat, uffal, ifires
g ----- agu, tagmart, amger
gh ---- ighi, imghi, ilelli
h ----- ahuddu, ahrawan, ahil
h' ---- tah'anut, ah'bib, ah'riq
i ----- iri, izimer, icimmi
j ----- ajerrid', ajemmid', ajellab
k ----- aksum, ikkil, ikerri
l ----- tilelli, tala, iles
m ----- tama, tament, amkan
n ----- annar, inighem, inisi
q ----- aqbayli, tuqqna, ameqqran
r ----- amrar, ifer, tiririt
r' ---- r'wu, takerr'ust, tar'umit
s ----- tasa, isem, tasusmi
s' ---- las'el, tibs'elt, afess'el
t ----- tata, tamdint, tamurt
tc ---- ettc, kettc, atcamar
t' ---- tit', t'umat'ic, aqent'ar
u ----- ulac, tuyat, udem
w ----- awal, wali, weltma
x ----- axxam, taxsayt, tabexsist
y ----- yemma, amezruy, amayeg
z ----- azedgan, uzzal, izi
z' ---- az'idan, zz'el, iz'i
GM : agemmay-agi ur yelli d asumer (proposition) n tiddukla-nnegh akken ad nbeddel agemmay-nni n tmazight amagnu (normal - agemmay agrigi-alatini) ay nessexdam i tira n tutlayt-nnegh, wanag imi ur nezmir ara ad naru di internet isekkilen yesâan izumal n ussemgerrad (lettres diacritiques) akk d yisekkilen-nni igrigen (lettres grecques) yellan deg ugemmay amazigh, nessumer-d agemmay-agi akken ad nefru, si leâd'il (provisoirement) ugur-agi.
Win yeslan ad yini i wiyad'
Arut-agh-d, gret-d tamawin-nwen, neqqar lâeslama i s kra n tebrat ara d agh-d-yawd'en sghur-wen.
Tiddukla
Tadelsant Imedyazen
BP 129, Poste Didouche Mourad
16006, Alger, Algérie
E-mail : adadam89@yahoo.fr