 |
|
Klaus
Schwarz Verlag, Berlin Gabriele Kratochwil:
„Die Berberbewegung in Marokko. Zur Geschichte der Konstruktion
einer ethnischen Identität (1912-1997)" |
|
KRATOCHWIL Gabriele – Die Berberbewegung in Marokko. Zur Geschichte der Konstruktion einer ethnischen identität (1912-1997), Berlin, Gerd Winkerhane, Klaus Schwarz Verlag GmbH, 2002, 489 p. Adlis ad yega g tezwuri tawwuri llis tumêz masa KRATOCHWIL turagt n Duktura g tesdawit n Bonn gh useggwas n 2002. Tera g twwuri yad nnes ad tmmel tigharasin llis tuska tmagit tadelsant tamzight g Merrok d umezruy n umussu adelsan llit yusin. Mkan af tsers atim ad inetti g tuzzûmt n usayrur asertan d udelsan n Merrok d imuttiten nnesen zegh 1912, aseggwas llig tekcem Fransa. Mad tessefsi g ugezzum amezwaru tiguriwin d tmidranin llif tesdu tazrawt nnes, temmagh g ugezzum wis sin ad tessagw tifrkiwin mqqurnin lli ddren Imazighen zeg aseggwas ad ar 1956 d mamenk ad teg tillawt nnesen g useggwas llig inker umussu anamur gh 1930. G igezzumen yâden, tdêrs timatarin mqqurnin n umussu adelsan amazigh, tawwuri n tmesmunin zegh Amrec ar tamaynut d mamenk ad ittmuttiy usiwel n umussu adelsan amazigh zegh idels ar tasertit. Mekli d tsugga tigharasin llis isnara Awank talalit d tenflit n umussu amazigh. Uggar n umezruy, adlis ad ifka kigan tifawin f usiggel g iger n tmazight, f uzawan amaynu, f tirra d ustay n usekkil, f usselmed n tmazight, mekli tzêli yan ugezzum I tmeddurt n kra n imeghnasen imazighen. (Afulay) Telul masa Gabriele Kratochwil g Cologne, g Lalman, gh useggwas n 1968. tedfêr tighêri gh igran n talislamujit, d tmussni tasertant d uzerf azayz g tesdawit n Bonn d tin Lqahira. Tesker Lmajistir nnes f umussu adelsan amazigh g Dzayer. Asiggel ad iffagh d gh useggwas n 1996. Duktura nnes, lli tsat gh useggwas n 1997 ar 2002 lligh tt tezzri, tzêli tt useqsi n tmazight, d umussu adelsan amazigh g Merrok. Tiwas gh kigan d inemuqqaren izdin d useqsi n tmazight zun d Agraw amadlâl amazigh gh Tekaniriyin negh anemuqqar anegarru n Tzizart uwilan gh Agadir. |