Tamazight d Imazighen assaYan iswingimen gh temazight d imazighen ass a rad isseyafa s yat tkesna idran d ran igger i yan uters iggut w angâz ns aceku ur ad ittizdûr ad irar f yan useqsi meqqurn manik as immati yan umadân meqqurn lli iskan yat tegherma meqqurn f iggi n yan w akal irruten tamazgha yizdur ad inneru imadân yaden dusnin gh uzemz nes mmutent tutlayin nes teghama sul tins. Manik as yurri ass a ar itelli akka sul idder gh temazirt nes nit d nger tarwa ns nit. Aseqsi imqqur yan gis iswingimen ar itmerrat aceku tillawt n imazighen ass a tega feghnit ur illa wannaw nes ur illa kra umadân igan tugt gh temazirt ar itiksud ad ineghubu ilih awal nes. Ur illa kra umadân mmu ran tarwa nes nit ad neghn awal nes. Meqqar illa umussu adelsan amazigh lli ikkaten f izerfan n wawal d tawesna tamazight meqqar attiggutent temesmunin timazighin ilin inmuqqarn gh kraygat mani mac unceklli s afttu ungi igan afna n temazight iggut ura ittajja ajddig ula taddegt ar itteks ku ma gh illa imik n w adû n temazight. Igh tezdâr temazight ad tdder igiman n isgwasen gh mad izrin telkem aghed ass a tezdâr ad temmt gh yan mennaw isgwasen igh ur zedârn imazighen lli gh tella tunfust n temazight ad afen urur i usqsi meqquren : "mad ijran i imazighn aylligh lkemen tillat ad d manik as rad afen afessay i umukris ad ur ilan anaw ?" Anir |