izwajeg ûzru.
âzru sar ur îzdâren ad izwajeg,
mac mamenk izwajeg !

îttâf ijeddigen k°lanin.
s uklu n imedla isfaw wayyur,
s uklu n twallin-nnem, a tayri-nu,
ifawen.
s uklu n iswingimen ddernin,
k°lan zund tayyughin ifessun dat allen.

mamenk izwujjug ûzru,
mamenk, nettan sar ur issen ad izwajeg.

îttâf adû n uzwu izaren asemammi,
îttâf adû n tidet,
n idammen,
n iderran kennefnin,
n tazat ighladen,
îttâf adû n tderfit n ad ittannay yan d ad issyafa
d ufulki n iflillisen tek°lanin.

mekad, ad izwajeg ûzru,
nettan sar ur îzdâren ad izwajeg.
rad ed aghulegh,
rad ed aghulegh, tayri-nu, gegh-d yan gh ijeddigen-nnes gh ufus.

irurt s tmazight mas AFULAY