L’Hocine Ukerdis
Timdyazin - Poèmes - Poems

En hommage à Krim Belkacem des At yahia Musa

am ass-a tidet ad tban
win iggenghan Aban
zdat-ek ay izem aghilas

imcumen am yizerman
bbwin-k s laman
glan yiss-ek a bu tissas

atmaten-ik segmi ay slan
teghlîd di lexzan
hêssan tifrat d layas

snen-k iflisen aken llan
ay ucbîh rebban
widak ijebden rrsas

nek d Belaïd i-yi inan
d kecc i-t-id ibdan
si Maàmer almi d Beqqas

yettru imetti akiwan
f Gahlez mi t-nghan
tassebhît s wahêlalas

yettgala s àabd Rrahêman
umghar-agi n zman
kecc d Gahlez am tarwa-s

yughal ur iferrez asennan
mi k-nghan di llalman
di Tqurabt izga kul ass

Krim Belkacem, lâchement assassiné par le pouvoir
arabo-islamiste d’Alger dans les années 70 à Frankfort.

Azwag ahêsnaw

Ay agdîd careg igenni
Ar tegzirt n Belyutî
Deg ifeg-ik azel am usman

Erzu f Dda Lhêsnawi
Yenfan d ilemzî
Qbel lggira n lallman

Inn-as aqlagh nenughni
Nennejla ur nenghi
Deg ayla-gh jjuhden idân

Ay agellid di tmusni
Yecnan ghef tayri
Akw d wakal aberkan

Afennan nig ik ur yelli
Tezdeghêd-agh temzî
Tejjidâgh-d atâs izlan

Ay amedyaz azemni
Ittâgen i tmusni
Fellak azul d ahêmayan

Ay iàssasen ghef tizi
Ernut-as di teghwzi
I umusnaw nagh agraghlan

Notes :

agdîd : oiseau (afrux)
tigzirt n Belyutî : île de la Réunion
Usman : pluriel de usem : éclair
agraghlan : de réputation mondiale

Muh n Àmar U Mûh, inscrit à l’état civil le 23 juillet 1910 sous le nom patronymique Khelouat Mohammed, a pris le pseudonyme artistique de Cheikh El Hasnaoui qui réfère à sa région natale, le àarch des Ihesnawen, sur les piémonts fertiles du sud de la ville de Tizi Ouzou, au hameau de Taâzibt, du village Tadart Tamuqrant. El-Hesnawi est décédé le 6 juillet 2002 à Saint-Pierre de la Réunion (Océan indien)

Idurar n igawawen

Nughal akw d icaràawen
Izdegh akw deg-negh ccek

Mmsebdân akw watmaten
Yal wa la k-iqqar d nek

Di tusna ulac wi gh yifen
Di tismin nezga nesbek

Ay adrar n igawawen
Tamurt negh akw tehlek

Nezêra imcumen tûqten
Nekwni a t-nekkat mselek

Asfru af Pompei

Lvezuv adrar n tmess
ilumten yettês
amzun kra ur yelli

Pline aken i d-yules
adrar af sin iqres
deg-gîd tenger Pompei

ighed ujajîh mi d-issules
irdem-iten deg idês
Urghu yebbwêd ar Napoli

Yak Uzmir isal ghures
acugher id yebges
yegla s umghar d ilemzî

Tigergert

Ay nnigh yeggug iswi
Ur t-id-yegli izêri
Yekka geranegh ugaraw

Ay at usekkud bbwannli
Yunagen s teghwzi
Ula t-Tigergert tekkaw

T-tismin igh yejjan neghli
Talwit d awezghi
Ntett ayla-gh d azegzaw

Di tmurt ur d-yeggwri ufeli
Flen s tegwti
Imcumen jjuhden acraw

Notes : Tigergert est le nom de Djurdjura

Asif n Berreqmuc

Asmi tugh hedren luhûc
Yeggwet ukaruc
Deg idurar n iflisen

Imir tugh zdin laàruc
Tidma akw s ubruc
Di tuddar n igawawen

Aken i s-yenna Briruc
Am ass-a akwen iruc
Ayen aka i-yisbezgen

Nemsegla qeccuc meccuc
Ay asif n Berreqmuc
Nedha-d tura d ighriben !