Asnnmd n iglitn

Timdyazin timajaghin i tasut tis 21. Inmuggarn irfarratn/ifirigrafiyn.

Afital imggidji, Agadz, ussan n 23 ar 25 nuwanbir 2006.
Tassfift d tdlist n 32 n tsna.
Tankda, asnnighs d tarurt n Hélène Claudot-Hawad d Hawad. Aslmgh d ighman irfarratn n Hawad.
>> Ttr takmmist <<

Kumraw d kûz n umdyaz d umarir amajagh n Ayir, d Tagama, d Ticili d Azawagh, mann d g inmuggarn irfarratn imzwura, fkn yan usmaqql xf ubaghur n ukafu amdyaz amajagh.

“Asnnmd n iglitn”… taghufi a, asghawsa a, d tayri a ad yiwin s Inmuggarn irfarratn imzwura lli illan gh wayyur n nuwanbir 2006 g Ugadz, g ighmmitn n Ufital imggidji. Krâd wazaln d wâdan ad ghurdn igrêdan imdyazn, d tiyyat n tguriwin d irktutn n turarin d tghuyitin n tufrayin, ar sumussun igddimn n idqqi. Ar d ittrara taghlaghal i tbrdiwin innyakcamn n imslan imussutn n uslmgh n unazûr d umdyaz Hawad illan g tifflin tirfarratin lli issklan ighrban n ufital. Iga uwttas n unmuggar ad, mkli ittini Hawad lli isbddn inmuggarn ad d usnfar n ufital imggidji, “ad dagh ittyafa usayrur-grigharasn llig ttnmuggurn igrêdan mnnawnin, nnyakcamn, mssnfkn afad ad ssilin s tgharast nnsn asêtta n unmmgnt”. Anmggnt lli igan ghilad yan usagm n urfan d isqsitn g isiwln d tmdayzin d urarn imajaghn g tgarwin ad, acku ar addrn anngzu n iglitn, tamazirt icrrgn, amadâl immzrn, iàrrimn ittusfaln, ttuglayn s uzwag d tntla. Llig ttyafan tigariwin ad g wakal n imajaghn ansiwn n luranyum, d ubitrul d inazaratn yâdn ilan atig g tdmasa tamâdlant, ufan d imajaghn ighfawn nnsn ttyagaln gr isursn n tnmasurin tinzratin timâdlanin d win inbâdn llitn idbln ar skarn zun d ig ur tettâf tniri imzdaghn nns. Ad ig yan amacagh g umssutl a iga yat tmagit imran. Mamnk ar ad ig yan imggidji ass ad ? Mamnk ar ad idêfr tawada issmnnawn iglitn ? Mamnk ar ad izri taslliwin issxsayn ? Mamnk ar ad nfk ammak i umadâl ? (Tizêrigin Amara)