Matta uya

Sllagh i tghuri nnek a yema
maka ur sar nhenna
ar d naf ayenna nra
ayenna nra ittuyaca.

A yema sllagh i tghuri nnek
aytmak gnan zrin k
key d aytma k
s tillas gran k
ar ak têssan s rxa zenzan k.

A yema ssurfi hayyi ddigh
s taymat ur sar d aghulgh.
ur sar bdirgh ghurgh
ar d isingh n wis iyya ghurgh.

sllagh i uddida
ighuyyan kan d ku tasya
ddughen hat tameghra
ku yan da itêssa.

I rebbi matta uya ?
Nnan ak hat tameghra
ku yan da itêssa
Ighf inew da yalla.

Ssalin mdden shan i men d iddan
irzan ddunit s iqerqucen
ar ttisllin i may d ur ssin
irin ad isrrêh ad cdêhn

Bayyada; baybi ur iqqimi
ssahi lhenna u àttâ ur illi.
Iffu lhâl ur sar iffu
kulci ran ad iddu.

Taghufi ay d tyid a luqt
Ayelli mi naqqal zlit.

Yan mdden leànayt i lfdayêh
ur iqqimi wuddur ula afrâh.

A tslit mani aàbruq?
Nnan ak ur yad ilaq.
Ay icirran mani azênnar?
Nnan ak nttut nra lkwir.
A ticirratin mani abizâr?
mani aàban mani iqudâr?

Telsamt am ur tlsimt
ifadden idmaren tarramt.

Ghalgh n wis yuf ighrem nnegh igherman
N wid netta ag isul laman
afghen adjaren mcdan
d wawmaten da tmsenghan.

Taghufi ay d tyid a tudert
ayelli mi naqqal zlit

Tiyyira n wawal
wiyha nunn aghul ul
iddud s ayt war ul
qaten yinniy irul
ighilen id war ul
maka hat bu wuddur
iran i ighrem uddur
maka uddur hat uddur
nnek hâsb at i d ameàdur

Moha Ouzaid Khattouch
Igherm Igwelmimen, Merrok