 |
|
>> Yiwet n tmedyazt n tnettit << Tghim ad ttrem tadla yad dar Emboscall. |
Âumar Derwic, Anfara (Desglaç – Délivrance), coll. Intermezzo, ed. Emboscall, 2005. Anfara d ammud amezwaru ittwazêrgen n umedyaz amazigh Âumar Derwic, g tmurt n Katâlunya. Igber tzât n tmedyazin timazighin mi zwaren isughulen-nnsent s tutlayt takatâlant. Ihi, iga udlis-a yiwen wammud amsinwal ilan azal azamal, netta ismunen snat n tutlayin ittwasdersen g tmura-nnsent; mghar ghur tkatâlant annaz, nettat illan g yan waddad imelwi iddegh d-tusa g tugdut tâsbenyult. Ur idd zund ili n tmazight g Merruk akw d Tmazgha. G wammud-a, nettafa îdrisen sawalnin ghef tmust tamazight, ilin wiyêd itteggwin tilawt tamettit tamerrukit. Ula asentel ameghlal n tayri d usirem ila tadghart-nnes. Ttyarunt tmedyazin timazighin s isekkilen ilatinen d winin tfinagh; idd îdrisen illan s tkatâlant isughel-ten uselmad n tbidagujit tamejjujit, Juzip Marya Jarki. Iggra wammud-a s yiwet n tegrayt yaru s tkatâlant Jurdi Bâdiyya igan yiwen umeddakkwel n umeggi. Aya n tegrayt, isughel-tt s tmazight Âumar Derwic. Tga twizi-ya tamazight takatâlant tawuri tiss snat deffir n tin wammud n Jurdi Bâdiyya ilan azwel El te a Merzuga – Atay g Merzuga – Thé à Merzuga. Âumar Derwic iga aselmad g Tizi n Imnayen (Gulmima). |