max ad ur ummergh ?
Mohamed Akunad, Agadir, Merrok
Ad t armegh xef tadawt n tgudîwin,
is ur yuf wass ad inu ndiwass ?
akud urta ssengh ad gummigh,
tilawt ad iyyi ilsan mac ur lligh ;
ikut yuf ad ummergh,
izumal g ayt ma yutten d ufrak,
ikut rad ndus, ikut, ikut yan wass,
taddagt n darengh, rad tzujjeg,
kturen turawin gisent,
g waddur g tamimt n tmagit nnesn,
tarwa n imazighn, ass ann d nekrn.
max ad ur ummergh ?
amud n umazigh ssentan, ran ad ilin.
tamunt nnun tga yi tamdyazt irzâgen immimen.
tamunt nnun tga asurif g wasa
teg tawargit tagh tghufi n imal
yut unzâr kerz g ul nnek,
amud n temghriwin
tebbi tghêwrit aggurzu g ugrêd n terbatin,
ibughlu ujjig g iger n tmazight,
awin idraren tananit,
ikweti d ikabaren nnes, ubrid mad sul ighaln tudert nes ?
itran d izêra d wakal negh zmeren ad ak inin ay amazigh:
iyih! ur jjun mezzîyen wid ak yurun !
mac, ay amazigh, ur ad ak issudu wass,
igh ka ttyagalt s twurga n ndiwass !
isugal nnesent agh nbazzaren ayt îdgam afufn,
yuf iyyi ad ajjigh asirem ad agh d ilal,
zêrghen asekka n tilawt negh ur mdurrin,
asekka n ujjig amazigh, ass ann d ukin,
dlen agh tighwza yawi uzwu irar d tizelfin
irrudu dagh uzemz...
is ur yuf wass ad inu ndiwass ?
akud urta ssengh ad gummigh,
tilawt ad iyyi ilsan mac ur lligh ;
ikut yuf ad ummergh,
izumal g ayt ma yutten d ufrak,
ikut rad ndus, ikut, ikut yan wass,
taddagt n darengh, rad tzujjeg,
kturen turawin gisent,
g waddur g tamimt n tmagit nnesn,
tarwa n imazighn, ass ann d nekrn.
max ad ur ummergh ?
amud n umazigh ssentan, ran ad ilin.
tamunt nnun tga yi tamdyazt irzâgen immimen.
tamunt nnun tga asurif g wasa
teg tawargit tagh tghufi n imal
yut unzâr kerz g ul nnek,
amud n temghriwin
tebbi tghêwrit aggurzu g ugrêd n terbatin,
ibughlu ujjig g iger n tmazight,
awin idraren tananit,
ikweti d ikabaren nnes, ubrid mad sul ighaln tudert nes ?
itran d izêra d wakal negh zmeren ad ak inin ay amazigh:
iyih! ur jjun mezzîyen wid ak yurun !
mac, ay amazigh, ur ad ak issudu wass,
igh ka ttyagalt s twurga n ndiwass !
isugal nnesent agh nbazzaren ayt îdgam afufn,
yuf iyyi ad ajjigh asirem ad agh d ilal,
zêrghen asekka n tilawt negh ur mdurrin,
asekka n ujjig amazigh, ass ann d ukin,
dlen agh tighwza yawi uzwu irar d tizelfin
irrudu dagh uzemz...