|
| Izmulen |
 |
| Sadki Ali Azayku |
| |
 Sadki Ali Azayku, Izmulen. Tadla yad n umarg tesman timedyazin yara Ali Azayku ger 1980 d 1991. Mekli tenit immal usmel n tadla yad (Izmulen), timedyazin ad usint timmariwin n ikettayen rzâgnin, aggasen n iman ur ilin asafar, aggasen ur insin, ghaman ar t kmmêden kra ghwin ussan...  |
| |
| Amarg |
|
| Abdallah El Mountassir |
| |
 Abdallah El Mountassir, Amarg. Adlis ira ad ifek yan usemaqqel mezzîyen f umarg n techlehît (awal amazigh n iffus n Merrok). Yuma idêrisen n krâd wanawen n umarg... |
| |
| Timatarin |
|
| Hussein Jouhadi |
| |
 Hussein Jouhadi, Timatarin. Timatarin ad yegan ismel n tadla n umarg tamezwarut n Ljuhadi Lhusayn Abaàmran. Ar temmal mas d Ljuhadi ur igi ghas amessan n usghan, yega awd amedyaz, yirir timatarin n tudert zun d tawtemt d ufulki, turrugza, tammara, taraàit d zzlêd. Mkan af takka tadla yad yan izêri f timsarin lli issenghlen iman nnes - zun d tid izdin d tsertit, d tudert nnes, zegh aseggwas n 1975 ar aseggwas llid teffugh tadla yad 1997- d yan udem f Merrok amaynu mekli t ittannay nettan... |
| |
| Tilmi n wadû |
|
| Brahim Akkil |
| |
 Idîd Brahim Akkil lli ittissan s Gaya yat tawckint n temdyazin iga yas s usmel Tilmi n wadû, tadlist ad lli gh ifser wAkkil mennawt tuzunin n umarg llid yugm gh tirmiwin nnes gh tilmi nnes i tawmert d tgudî, izmaz n ufulki d uxwccan, n tadêsa d iknser... Timdyazin n Gaya gant azettâ n iwaliwen mmimnin, ttiyt n unzâd, tarmi d tirmi yugin an qqarnt gh ismdâl n tattut. Tadla n Akkil gis 22 n temdyazt kraygat yat d man asif gh tengi, ur mmerwasnet negh d gant akw gh yan iger mac yat ur tzêra yat. Tawckint ad yura tazwart nnes asara n umara mqqurn Aslmad Muhmmad Usus lli ittissan s Munatas yan gh inemghurn lli issimmimen tirra s wawal amazigh. Iklan n Baqas srcmen tifret izwarn n tadla yad n umarg. Astara icwan gh urtan n Akkil Brahim Gaya Tilmi n wadû. |
| |
| Introduction à la littérature berbère, la poésie. |
|
| Abdallah Bounfour |
| |
 Adlis aneggaru n Abdallah Bounfour, asalmad gh Inalco yega s isem "ankcem s tasekla tamazight". Ira sis ad imel timatarin mqqurnin n umarg amazigh. Izra gis gh tezwuri tiguriwin izdin d usays n umarg, d wawanwen n umarg d yan tezrawt n atimen n umarg aqbur d umaynu. Mekli dagh isawel f iseqsiten izdin d udêris n umarg d talalayt. |
|