Tifin, tasɣunt n tsekliwin timaziɣin

Tira i Yimaziɣen mačči d lḥaǧa i xeddmen kan akka iwakken ad seɛddin lweqt. Kul wa ittarun s tmaziɣt iẓra ittekka deg wayen ssarmen Imaziɣen, a ten-is-isbin, a d-isbin luɣa-nnsen, a d-issnerni adlis-nnsen.

Tira mačči d lḥaǧa ar txxedmeḍ akka kan, i kra akken n werbaa ara k-islen, ma taruḍ amzun tejjaheḍ, tegajjiḍ, tsebbeḍ-d iman-ik.

Maɛna asbedded-agi ara d-bedden wid ittarun d acu-t: d win ittruzun ccwal, ad isalli ayen-nniḍen, neɣ d asbedded ara d-isbinen wwḍen ar wanda ur d-ttuɣalen ara? Tura win i s-iqqaren tira d ajahed, izmer lḥal ahat a s-yini d tira-yagi i yelhan ur issikid ara i wumi-tt, neɣ d acu d-teqqar?

Daɣen ma tuɣal tira s tmaziɣt d ayagi yakk°, ihi wid ittarun ilaq ad txxemimen s yiwen wallaɣ, ad ttwalin ddunit s yiwet n tiṭ.

I win ittarun d acu ara t-id-issaḥen deg wayagi? Anda ara d-iban wayen ixtaṛ a t-id-iḥku d wamek ara t-id-yawi?

Isteqsiyen-agi ɣef tira d ayen i ɣ-d-iwwin a nessiked d acu d tasekla n tmaziɣt.