Urta ggadjen s Israël, d Uruba d Izelmêd n Mirikan, Kkan ten kigan d Udayen zdaghen gh Merrok. Igh illa kra gisen izadgh gh temdinin n Merrok aqbur gh kra n izzêyaten sersen izêlin, lli ittuyassanen s Lemllâh, llant truba yâden gisen zdaghent ger tiqbilin n imazighen. Tiruba yad n udayen ar sawalent tamazight, mekli usint kigan d tmitar gh insayen s tyyawssanen d usnmili n tudert nnesen tamettit gh tayessi n teqbilin ad.
Tifrawin ad lli rad neg gh sit ar sawalent f kigan d tghawsiwin izdin f trubba yad n udayen, lli ttunt kigan tizrawin izdin i udayen n Merrok. Llant ttid izdin d useqsi n uzûr nnesent (mani d kkant, iz d Falastin, Uruba, negh d ur gint ghas imazighen ikcmen s usghan n Udayen), negh d man tisggiwin n tudert tamettit, tusghant gh snarant awal amazigh, d mad tent izêlin d trubba yâden n Udayen isawalen taàrabt.