Itri Amazigh
H. YECCU 4-11-1996
Zegh Aghmis TASAFUT uttûn wis 17
Assegwas 1997
Zegh Aghmis TASAFUT uttûn wis 17
Assegwas 1997
Ussan n ugdud meqquren, da neggin iberdan yettawin gher Ighrem Amajgal n Imedghas. Aseggwas a, medden seg ina yegan tasga ddan ed ad adren i tawda g isendâl n wasif azeggwagh, ssucwun ijenwiyen nnsen g umsed n tilelli. s umezzân d uxatar, imgharen d timgharin usan ed,awd imudînen d winna mi tefregh tadawt s tuser, ar skuttun ghef ughruc ddan ed. Ger tissegnit ur ttagh akal s bnadem! Wenna seqsagh ghef ubrid n Ighrem Amajgal. yewwet s ixef ar yesskan s udâd medden n dat as. Yiwen deffir wayêd, awd yiwen ur da yesawal, yal yiwen yekna ixef, ar yettizîr ghas dat as. Da ggaregh krâdt tsurifin han abulisi d umxezni bedden tazzenwâdt g ufus, ar ttexezzaren g midden. Jeep n ijadârmiyen tbedd g ixef n ku tazniqt, ar zerrin medden ger. isennanen n wuzzal yemdin g iberdan. Ku yiwen yegra ifassen ghef ixef, yagel Ikarni nnes fella n idmaren ar yetteddu. Wenna ghur ur llint tewriqin, da t id ssukufen ibergadiyen ger medden ar t kkaten ar adday t gan d idammen... Chas tawada d ussusem! Awd yiwen ur yezmir ad yesawel negh yebedd, medden ghas da zerrin, wenna yurmen ad yesers adâr negh ad yesawel i win tasga nnes, yeggez fellas waccad n kra g imxezniyen, negh t yesfunzer wukkim n kra g ibergadiyen..
Nnigh geri d ixef inew:
Ghas ad ur ttexemmamed! Zêr dat ak ar tteddud!. Asey adâr han Ighrem Amajgal dat ak a wenna yerrezzun aneghmis amenzu ghef tudert n imghewghen...
Leqhawi suggezent tifelwin, tihûna reglent, awd yiwen ur da yessagh, awd yiwen ur da yezzenza. Tabagha tebbey i turin, righ ghas yiwet tassefnejt ad tt geregh i yiman inew ur tt ufigh. Tafukt da tessakmâd, aman negren g uyeddid n igerraben. azawâd yesgher imawen i lghaci. Ur yad da ttukazen medden. takka n wakal fellasn tswa s idammen d tidi tughal d ulûd zund winna s yeghwema ugadir n Ighrem Amajgal.
Ddigh ed ad awigh ineghmisen…
Maca amazan zund nekk da yetteqqen imi, yanef imezgan. ur da yettini ghas ayen zêrant wallen nnes! Ur zmiregh ad skireksegh ghef medden g ughmis inew, ad inigh ukan ayen zêrigh, wenna yukzen yessikez wan ur yukizen....... Nzîgh g ukabar zund asif n bnadem yeftel i yiwen usawen. Abrid ur yuwi gher Ighrem Amajgal, da yesselkam ghas gher asif yengin ar yessukuf tamurt. Maca, medden ur kkulen! Wenna en yuggan ghef wasif nnagh, yegr asurif g walûd, yagh en ighzer. Righ ad armegh ad sawlegh i ccaf n ibergadiyen ghef ubrid n Ighrem Amajgal, ur ukwigh d waccad n yiwen degsen allig yesgher imazgan inew. Yenna yi:
Kcem ger medden! Akw ur deg k reghin idammen ? Han Ak awigh gher Ikapitan ad ak ten yessmêd yekkes deg k tafentâzit. Nnigh as:
- Awwah Tudjan medden n tmazirt da rddelen yiwen deffir wayêd g wasif! Mani Ighrem Amajgal g tezeddig tudert? Mani ighrem n teghdemt d tlelli? Zzigh ghas tikerkras! Ar agh tesseknadem ! Uggar! Nek righ ad zêregh ameqran n tamurt. Righ ad isinegh is ed yudja Rebbi ad tesmunem imezdagh d yils n wasif ad ten yawi gher arekkîz amazdar! Yeghawel ubergadi yamêz iyi ifassen, yrar ten gher tadawt, yekref iyi ten s tsarut, yamêz iyi g wazzar, yesikk iyi dat as zun d ukregh. Wenna ghef zrigh g imxazniyen yamêz ancuc s tughmas ar yettini:
- Yedda digs igellin! Tameggarut nnes aya! Abrid nnican gher Tazmammart ayenna! Ur sar yannay tafukt! Medden knan ixefawen ar tteddun, meqqar ssenen is munen d ugharas ten yuwin gher alûd d yighed azeggwagh... Ura en lkimegh ansa gher munegh d ubergadi allig gan ifadden inew aman. Tefka yi tgemmi gher tayêd allig han yiwen ifilu n medden bedden zun d tirsal ar tteqqelen. Ssusmen. rrêzen akw ixfawen zun d igujilen. Beddegh deffir ameggaru degsen. ar suddumegh tidi. Ifadden inew kkawn, ur zmiren ad iyi asin .Imik senghujjêngh iman inew ar sghuyyugh:
-Nek ur sulagh! fkat iyi apaspur inew, ddigh ed seg tmazirt yaggugen ! Ttuyaznegh ed ad zêregh timsirin n uzerf ed udjan imesdurar n lghrem Amajgal! Win Imedghas Nek ur ttugh tabrat n ineghmasn imazighen! Ad aragh ayen zêrigh! Medden akw ran ad isenen tidet. Yeffegh ed seg tgemmi yiwen urgaz g tella tiddi d uzgen, udem nnes yekmêd zund yekka jahennama: Amezzûgh nnes azêlmâd yecerreg; yagel digs yiwt texrêst, ar iyi yeskan s udâd. Asigh aqrab d tghawsiwin inew ddugh ghurs. Nekcem gher yat taddart yessan akw s ijenwiyen ur telli teghmêrt g ur yugil wuzzal d ddinamit. Lbarûd d ikalacnikofen ghef ttêbla dat kûz n medden. Yiwen degsen yelsa jjakita n uglim aberkan ghef uqeccab umlil, sbridila g idâren d girru g imi. Yenna yasen i imddukal nnes:
- Ssirdat as aqerru! Seddegdegat degs ighezdisan, teghzem as ddaw wakal ad yezl unaghiz nnes! Ar yetteghzâz yiwen yâden tughmas ar yettini:
- Nekwni, tawurri nnegh aya! lqqan ad nessen tawengimt n yal yiwen! Acku aghulen medden ar ed ssekcamen idlisen n tnêzruft gher tmazirt nnegh! Ran ad rwin tamurt s isekkilen n Tfinagh! ! Tira ur yara ufus n lefqih ur gint tira! Magh zemrent tirra n ighmisen ad gent zund tin Iefqih?!
Yessusem ar yetteddu yaghul ed ger ijenwiyen d Lbarûd. ar yesemrara yiwen ukuktilmulutuf ger ifassen nnes imik yenna-yi:
Magh allig da ttiniged Ighrem Amajgal? May ak degs yellan?
- Nnigh as:
- Han ssertafika new! Nek d amazan n itri Amazigh. Aghmis n lmazighen ! Yettuyassen akw g umadâl. Da ed yetteffegh g udrar mqquren ar t qqaren Imazighen seg Tin-Irifi ar Siwa...Magh ur t tessinet? Bedden irgazen yâden g yiwet tikkelt, ar ttemxezzaren, imik yenna yi ed yiwen degsen:
- Nekwni ur da neqqar! Ghas da nesseflid I Ucerreg n iledyan g igenna, d wawal n ijenwiyen g iberdan. Ar nesnighis i tughac n wuzzal d idammen g umeggrêd n icennayen d win ineghmasen.
- Magh ur agh tessined?! Aru aya g ughmis nnek! Nekkwni nedder ghas s Ibarûd Ah a tujjut n wadû nnes ig yestegh ixf i kra g imusnawen!
- Nnigh as: Baraka ttazzalen idammen! Yeswa wakal n tmurt s imettâwen n igujilen, arraw n inazûren d icamuren…Baraka! Terdel tmurt s tmmara taberkant yesserzîgen tudert i Ighaci, ar tesskar tafexsi ur yelin tzelgha ger wulawen n medden.
Yegzem iyi awal yenna:
- Sers a wa aghanib tasid tuzzalt ad tzêrd taddwatin n ssmex azeggwagh da ttenghalent sya d sya. ar ttergigi tasa n medden ddaw idâren nnek! Ur Ilint kra n tirra yettukazen zik zund tin tireggwin tizeggwaghin ghef wakal! Da tent ttakzen medden yeghran d wid ur yeghrin. Ma isekkilen n ighmisen ur yad da ten yeqqar awd yiwen. Ad ur ttettud! Ara s usekkil meqquren : Yiwt tgarit tuf arwas n idlisen! Nnigh as?
- Teksûdem idlisen?! Hey?! Teksûdem ad akzen medden azerf n tidet, ar ttinin uhu i tirra nnwen?!
Yegzem iyi awal yenna:
-Azerf n Ighrem Amajgal yuwit wasif azeggwagh. Yiwen ur yezmir ad d yekti tamsirt seg degs...Medden ilan ixef, da ttettun awal abazin zund wenna A d ur teqqazed ghef tghawsiwin n ayt wakal, han azerf bu itran a ghur yella!
Smuqqlegh gher bu twinest n umzzûgh hat ar yessucwu tuzzalt ghef yiwen umsesd ar feIlas yezzruy ikemz nnes ad yarm is da tegherres. Tendu tasa new yeffegh iyi ed yils zund izimer n tfaska ar ttergigigh Nnigh geri d ixef inew
- Awwah Mec ur iyi ghrisen tikkelt a, ran ad iyi sddegdgen ar adday ughalegh d rrmim…
Yessigh yiwen g ibbandîyen agirru, kud izzray afus ghef tamart nnes yettxezzar digi s yiwt tîtt. lmik ar yekkat ghef ttêbla ar yettini:
- Teksûded? Hey ! lneghmasen imenza zund key da ten nekennef ghef tirgin ! Maca wid k id yuznen a ghef nesiggil! Ass ameggaru nnsen yenmala d! Nekwni ur da nettettu akw d yiwen! Win agh yekkaten s isfra, ad mmeten s tfala! Azerf nnegh ad d yagur ghas netta, ad yerrêz ixef imusnawen yesedderghel asen allen ar adday munen d tgharasin nnegh. Medden akw ad agh ilin ddaw idâren, yiwen ur yeffir. Ad negren icengan yiwen yiwen!
Yewwet s ixef i yan g ibergadiyen, yeqqen iyi allen ur yad ssinegh dinna g lligh. Ukigh is nedda, ar nettali yiwen usawen. ar sseflidegh i tmallwin d igdâd ghef isekwla n tagant. Tikkelt gher tayed ar I yettini bergadi:
- Ayayd ak nenna ad tilid g tizi n wulli!
Mecta n tikkal ad ak nettini ad teqqned imi teknud ixef. Nenna yak ad ur tzeddemt akeccûd g tagant nnegh, ad ur tgemmered iselman g wasif nnegh, d ad ur teqqazed ghef izûran n ddaw wakal! Acku isgharen, iselman akw d izerfan gan winneqh! Tura ur ak bâdegh! Ad ffigh tagarit g uqerru nnek, af ad bbin ineghmisen n Itiri Amazigh...
Ar yettaghul ubergadi deffir, ar yessektar tgaritin i umrig nnes. Ur ta yurim ad i t id yesnal, han yiwen ukabâr n imeksawen ggezen ed seg tizi n igerzamen kksen as i bergadi amrig g ufus, zêlgen t allig ed ffeghent wallen nnes. Rezêmen akarif n ifassen inew, kksen iyi acdad ghef wallen, kfen iyi ed tighawsiwin inew. Nnigh asen:
- Awwah! Magh sulen ighelyssen g udrar n Atlas?! Yenna d yiwen degsen:
-Yah! Nekwni its n degsen! Arraw n udrar meqquren!. Agdal n timmuzgha d wuddur... Raren i titar tikuba nnsen, kken ger ighuliden accken... Ghiwlegh kksegh ed aghanib d tewriqt ggawregh ad aragh aneqqis amenzu ghef uzerf n lmedghas.
Nnigh g ixef inew:
- Ad aragh ayen zerîgh urta dêrent tillas yeggez ed usemmîd.
Ad d yeffegh uneghmis n lghrem Amajgal g udem amezwaru n Itri Amazigh. Ad degs yili s usekkil azeggwagh g teghmert n imeddukal n Tahar Djaout: Azerf amazigh, yusit wasif aderghal!. YiIi degs s usekkil mezzîyen: "...Agdud dat ttetca twekka ar as yettefzâz uzerdigh adif. Azerf n imazighen yenger! Yughal umata n izmawen zun d ibaghusen yettawghen g walûd n timmuzdert. Medden yemmegh asen lbarûd, yerwel yils g imawen nnsen ar ttefren i tmara taberkant ghefsen yaru Rebbi. Wiyâd, tetca tmejjûdt ixfawen nnsen ar smunnuzen ddaw izeggwaren n tnêzruft. Yiwen ubergadi yezmer ad yawi akabar s ighzer n tillas, maca lIan imesdurar yennan uhu i tidderghelt! Ugar! Llan wid yettmussun g tziri ar sserghan g ubrid nnsen itran yexsin.. AIsegh ar as ttinigh:
- Meqqar ssnegh is drusen wid yeqqaren aghmis inew, nekk ad ttaragh degs ar ed yali wass! Meqqar ur da ttamêzen medden aneghmis amenzu ar d yughal d amazûz ukigh is yukez ugdud tamunt zun d tin zik, yekti d admer n tezmert yettawin gher tlelli, yagwi tigharasin n tidderghelt d tudert n walûd amazdar. Wa a yegan agdud n imazighen! Gigh s umdaz yiwen seg degsen. Imesdurar yennan uhu ! Imeksawen zund nekk : Amazan n Itri Amazigh
Nnigh geri d ixef inew:
Ghas ad ur ttexemmamed! Zêr dat ak ar tteddud!. Asey adâr han Ighrem Amajgal dat ak a wenna yerrezzun aneghmis amenzu ghef tudert n imghewghen...
Leqhawi suggezent tifelwin, tihûna reglent, awd yiwen ur da yessagh, awd yiwen ur da yezzenza. Tabagha tebbey i turin, righ ghas yiwet tassefnejt ad tt geregh i yiman inew ur tt ufigh. Tafukt da tessakmâd, aman negren g uyeddid n igerraben. azawâd yesgher imawen i lghaci. Ur yad da ttukazen medden. takka n wakal fellasn tswa s idammen d tidi tughal d ulûd zund winna s yeghwema ugadir n Ighrem Amajgal.
Ddigh ed ad awigh ineghmisen…
Maca amazan zund nekk da yetteqqen imi, yanef imezgan. ur da yettini ghas ayen zêrant wallen nnes! Ur zmiregh ad skireksegh ghef medden g ughmis inew, ad inigh ukan ayen zêrigh, wenna yukzen yessikez wan ur yukizen....... Nzîgh g ukabar zund asif n bnadem yeftel i yiwen usawen. Abrid ur yuwi gher Ighrem Amajgal, da yesselkam ghas gher asif yengin ar yessukuf tamurt. Maca, medden ur kkulen! Wenna en yuggan ghef wasif nnagh, yegr asurif g walûd, yagh en ighzer. Righ ad armegh ad sawlegh i ccaf n ibergadiyen ghef ubrid n Ighrem Amajgal, ur ukwigh d waccad n yiwen degsen allig yesgher imazgan inew. Yenna yi:
Kcem ger medden! Akw ur deg k reghin idammen ? Han Ak awigh gher Ikapitan ad ak ten yessmêd yekkes deg k tafentâzit. Nnigh as:
- Awwah Tudjan medden n tmazirt da rddelen yiwen deffir wayêd g wasif! Mani Ighrem Amajgal g tezeddig tudert? Mani ighrem n teghdemt d tlelli? Zzigh ghas tikerkras! Ar agh tesseknadem ! Uggar! Nek righ ad zêregh ameqran n tamurt. Righ ad isinegh is ed yudja Rebbi ad tesmunem imezdagh d yils n wasif ad ten yawi gher arekkîz amazdar! Yeghawel ubergadi yamêz iyi ifassen, yrar ten gher tadawt, yekref iyi ten s tsarut, yamêz iyi g wazzar, yesikk iyi dat as zun d ukregh. Wenna ghef zrigh g imxazniyen yamêz ancuc s tughmas ar yettini:
- Yedda digs igellin! Tameggarut nnes aya! Abrid nnican gher Tazmammart ayenna! Ur sar yannay tafukt! Medden knan ixefawen ar tteddun, meqqar ssenen is munen d ugharas ten yuwin gher alûd d yighed azeggwagh... Ura en lkimegh ansa gher munegh d ubergadi allig gan ifadden inew aman. Tefka yi tgemmi gher tayêd allig han yiwen ifilu n medden bedden zun d tirsal ar tteqqelen. Ssusmen. rrêzen akw ixfawen zun d igujilen. Beddegh deffir ameggaru degsen. ar suddumegh tidi. Ifadden inew kkawn, ur zmiren ad iyi asin .Imik senghujjêngh iman inew ar sghuyyugh:
-Nek ur sulagh! fkat iyi apaspur inew, ddigh ed seg tmazirt yaggugen ! Ttuyaznegh ed ad zêregh timsirin n uzerf ed udjan imesdurar n lghrem Amajgal! Win Imedghas Nek ur ttugh tabrat n ineghmasn imazighen! Ad aragh ayen zêrigh! Medden akw ran ad isenen tidet. Yeffegh ed seg tgemmi yiwen urgaz g tella tiddi d uzgen, udem nnes yekmêd zund yekka jahennama: Amezzûgh nnes azêlmâd yecerreg; yagel digs yiwt texrêst, ar iyi yeskan s udâd. Asigh aqrab d tghawsiwin inew ddugh ghurs. Nekcem gher yat taddart yessan akw s ijenwiyen ur telli teghmêrt g ur yugil wuzzal d ddinamit. Lbarûd d ikalacnikofen ghef ttêbla dat kûz n medden. Yiwen degsen yelsa jjakita n uglim aberkan ghef uqeccab umlil, sbridila g idâren d girru g imi. Yenna yasen i imddukal nnes:
- Ssirdat as aqerru! Seddegdegat degs ighezdisan, teghzem as ddaw wakal ad yezl unaghiz nnes! Ar yetteghzâz yiwen yâden tughmas ar yettini:
- Nekwni, tawurri nnegh aya! lqqan ad nessen tawengimt n yal yiwen! Acku aghulen medden ar ed ssekcamen idlisen n tnêzruft gher tmazirt nnegh! Ran ad rwin tamurt s isekkilen n Tfinagh! ! Tira ur yara ufus n lefqih ur gint tira! Magh zemrent tirra n ighmisen ad gent zund tin Iefqih?!
Yessusem ar yetteddu yaghul ed ger ijenwiyen d Lbarûd. ar yesemrara yiwen ukuktilmulutuf ger ifassen nnes imik yenna-yi:
Magh allig da ttiniged Ighrem Amajgal? May ak degs yellan?
- Nnigh as:
- Han ssertafika new! Nek d amazan n itri Amazigh. Aghmis n lmazighen ! Yettuyassen akw g umadâl. Da ed yetteffegh g udrar mqquren ar t qqaren Imazighen seg Tin-Irifi ar Siwa...Magh ur t tessinet? Bedden irgazen yâden g yiwet tikkelt, ar ttemxezzaren, imik yenna yi ed yiwen degsen:
- Nekwni ur da neqqar! Ghas da nesseflid I Ucerreg n iledyan g igenna, d wawal n ijenwiyen g iberdan. Ar nesnighis i tughac n wuzzal d idammen g umeggrêd n icennayen d win ineghmasen.
- Magh ur agh tessined?! Aru aya g ughmis nnek! Nekkwni nedder ghas s Ibarûd Ah a tujjut n wadû nnes ig yestegh ixf i kra g imusnawen!
- Nnigh as: Baraka ttazzalen idammen! Yeswa wakal n tmurt s imettâwen n igujilen, arraw n inazûren d icamuren…Baraka! Terdel tmurt s tmmara taberkant yesserzîgen tudert i Ighaci, ar tesskar tafexsi ur yelin tzelgha ger wulawen n medden.
Yegzem iyi awal yenna:
- Sers a wa aghanib tasid tuzzalt ad tzêrd taddwatin n ssmex azeggwagh da ttenghalent sya d sya. ar ttergigi tasa n medden ddaw idâren nnek! Ur Ilint kra n tirra yettukazen zik zund tin tireggwin tizeggwaghin ghef wakal! Da tent ttakzen medden yeghran d wid ur yeghrin. Ma isekkilen n ighmisen ur yad da ten yeqqar awd yiwen. Ad ur ttettud! Ara s usekkil meqquren : Yiwt tgarit tuf arwas n idlisen! Nnigh as?
- Teksûdem idlisen?! Hey?! Teksûdem ad akzen medden azerf n tidet, ar ttinin uhu i tirra nnwen?!
Yegzem iyi awal yenna:
-Azerf n Ighrem Amajgal yuwit wasif azeggwagh. Yiwen ur yezmir ad d yekti tamsirt seg degs...Medden ilan ixef, da ttettun awal abazin zund wenna A d ur teqqazed ghef tghawsiwin n ayt wakal, han azerf bu itran a ghur yella!
Smuqqlegh gher bu twinest n umzzûgh hat ar yessucwu tuzzalt ghef yiwen umsesd ar feIlas yezzruy ikemz nnes ad yarm is da tegherres. Tendu tasa new yeffegh iyi ed yils zund izimer n tfaska ar ttergigigh Nnigh geri d ixef inew
- Awwah Mec ur iyi ghrisen tikkelt a, ran ad iyi sddegdgen ar adday ughalegh d rrmim…
Yessigh yiwen g ibbandîyen agirru, kud izzray afus ghef tamart nnes yettxezzar digi s yiwt tîtt. lmik ar yekkat ghef ttêbla ar yettini:
- Teksûded? Hey ! lneghmasen imenza zund key da ten nekennef ghef tirgin ! Maca wid k id yuznen a ghef nesiggil! Ass ameggaru nnsen yenmala d! Nekwni ur da nettettu akw d yiwen! Win agh yekkaten s isfra, ad mmeten s tfala! Azerf nnegh ad d yagur ghas netta, ad yerrêz ixef imusnawen yesedderghel asen allen ar adday munen d tgharasin nnegh. Medden akw ad agh ilin ddaw idâren, yiwen ur yeffir. Ad negren icengan yiwen yiwen!
Yewwet s ixef i yan g ibergadiyen, yeqqen iyi allen ur yad ssinegh dinna g lligh. Ukigh is nedda, ar nettali yiwen usawen. ar sseflidegh i tmallwin d igdâd ghef isekwla n tagant. Tikkelt gher tayed ar I yettini bergadi:
- Ayayd ak nenna ad tilid g tizi n wulli!
Mecta n tikkal ad ak nettini ad teqqned imi teknud ixef. Nenna yak ad ur tzeddemt akeccûd g tagant nnegh, ad ur tgemmered iselman g wasif nnegh, d ad ur teqqazed ghef izûran n ddaw wakal! Acku isgharen, iselman akw d izerfan gan winneqh! Tura ur ak bâdegh! Ad ffigh tagarit g uqerru nnek, af ad bbin ineghmisen n Itiri Amazigh...
Ar yettaghul ubergadi deffir, ar yessektar tgaritin i umrig nnes. Ur ta yurim ad i t id yesnal, han yiwen ukabâr n imeksawen ggezen ed seg tizi n igerzamen kksen as i bergadi amrig g ufus, zêlgen t allig ed ffeghent wallen nnes. Rezêmen akarif n ifassen inew, kksen iyi acdad ghef wallen, kfen iyi ed tighawsiwin inew. Nnigh asen:
- Awwah! Magh sulen ighelyssen g udrar n Atlas?! Yenna d yiwen degsen:
-Yah! Nekwni its n degsen! Arraw n udrar meqquren!. Agdal n timmuzgha d wuddur... Raren i titar tikuba nnsen, kken ger ighuliden accken... Ghiwlegh kksegh ed aghanib d tewriqt ggawregh ad aragh aneqqis amenzu ghef uzerf n lmedghas.
Nnigh g ixef inew:
- Ad aragh ayen zerîgh urta dêrent tillas yeggez ed usemmîd.
Ad d yeffegh uneghmis n lghrem Amajgal g udem amezwaru n Itri Amazigh. Ad degs yili s usekkil azeggwagh g teghmert n imeddukal n Tahar Djaout: Azerf amazigh, yusit wasif aderghal!. YiIi degs s usekkil mezzîyen: "...Agdud dat ttetca twekka ar as yettefzâz uzerdigh adif. Azerf n imazighen yenger! Yughal umata n izmawen zun d ibaghusen yettawghen g walûd n timmuzdert. Medden yemmegh asen lbarûd, yerwel yils g imawen nnsen ar ttefren i tmara taberkant ghefsen yaru Rebbi. Wiyâd, tetca tmejjûdt ixfawen nnsen ar smunnuzen ddaw izeggwaren n tnêzruft. Yiwen ubergadi yezmer ad yawi akabar s ighzer n tillas, maca lIan imesdurar yennan uhu i tidderghelt! Ugar! Llan wid yettmussun g tziri ar sserghan g ubrid nnsen itran yexsin.. AIsegh ar as ttinigh:
- Meqqar ssnegh is drusen wid yeqqaren aghmis inew, nekk ad ttaragh degs ar ed yali wass! Meqqar ur da ttamêzen medden aneghmis amenzu ar d yughal d amazûz ukigh is yukez ugdud tamunt zun d tin zik, yekti d admer n tezmert yettawin gher tlelli, yagwi tigharasin n tidderghelt d tudert n walûd amazdar. Wa a yegan agdud n imazighen! Gigh s umdaz yiwen seg degsen. Imesdurar yennan uhu ! Imeksawen zund nekk : Amazan n Itri Amazigh
