IMAZIGHEN D YETRAN

sghur Tufiq I. MOSTEFAOUI

Tusna igenwan d yetran, t-tusna taqdimt am teqdem ggemdanen. Yal lqum ama d wid yettezzun, ama d wid ikessen tàassan tikli ggetran d yittij. Tusna igenwan teqqar-ed melmi ar azzun, melmi ar a hemlen issaffen, ansi ar àeddin deg nezruf... Qqaren imusnawen umezruy belli tusna yaggi tella ger tmezwura id yenulfan.

Nekwni s imazighen nefka azal i tusna yagi, axater si zik madî i nebda tizzin, akw tkussi n lmal. Tira taqdimt id-uffan imusnawen umezruy ghef yetran, tura s tira n umesmar (cunéiforme) n at usammar (Sumériens). Ayen ig sewhamen, yiwen degsen "Kalbu" i wumi qqaren tura s tlatinit canis, ma s tmazight... "Aydi" ! Ur ilaq ara anettu belli llan kra imusnawen ig uran ghef yiwen akken umezruy aqdim atas icerken igduden id-yezzin ghef illel agerakal (Méditerranée), idles agi aqdim ur t-nettaf tura ala degw zetta d ufexxar imazighen. Ayagi ad-naru fellas tikelt nnîden ma yabgha Mas nnegh.

Ayagi ar ad-arugh tura, d ayen ughur nessawêd degw zzetta n Amazigh-net. Di lartikl agi amezwaru, awen-d-nefk ismawen insàa d wansi incuk kkan-d. Llan kra ggismawen, urighten atas aya deg yiwet n tmesbanit di tsedawit talemmast n Ldzayer, ihi ur zmiregh ara ad-fkegh anida iten-qqaren.

  1. Tazmant (2) : Astronomie
    Wagi d isem ir ufigh di tmesbanit n tsedawit talemmast n Ldzayer. Lmaànas "Tusna igenwan d yetran", ayen akken iqqaren s terumit astronomie. Asiwel agi ad yili yekkad seg iswi tusnay agi, di lweqt nni, ugur ameqwran imusnawen, tusna llewqat n tzâlit, talalit bbwaggur... tusna n lweqt (akud). S taàrabt qqaren i wakud El-waqt negh Ez-zaman, ma nenna-t-id s tmazight ad yughal : Tazmant.
  2. Ittij : Soleil (11), yekkad si "tît ijena" (oeil du ciel). Yella daghen anida is-qqaren Tafukt.
  3. Itri : Étoile, maca, ula d agguren nnîden (planètes) qqaren-asen itran, ur gin ara imazighen lxilaf gar-asen.
  4. Itri umeksa : Étoile du berger "Vénus" (11). Anida nnîden llan yislawen igsàan làalaqa akwed tûzga : Tezzeg ulli, la traite des chèvres (3). Aderi n tanezzet "étoile du matin tôt" (4).
  5. Itri t-tafat : Étoile de la lumière (At-freh, 11).
    Mxallafen xalti akwed xali. Xalti tenna-d d isem nnîden ggetri umeksa, ma d xali yenna-d d isem ggiwen yetri igettillin ddaw "Turegga" (Pléiades), itri yagi icaàl atas, d ayen igzemren ad yili d Sirius s taàrabt qqaren-as ac-ciàra.
  6. Itri l-lemghwurri : Étoile de la lumière "Jupiter" (11).
    Itri yagi, taàraqen leqbayel garas akwed yetri umeksa, axater mar at-walin tghilin belli ttikli ad yali was, netta akken mazal, macci d itri umeksa maca d itri nnîden (une autre planète). Aggur agi yetcabi s itri umeksa di temghwer akwed t-tafat, yetghuru-ten, ggimmi is-qqaren itri l-lemghwurri.
    Vermondo Brugnatelli si Têlyan yenna belli yella deg àazzuzen (11) isem, agi "Itri l-lemghur". Atan usefru deg it-yufa : Yesterjem-it ar : Di taddart Tawrirt Meqwren (11) qaren-as Itri Imghwurri. Nekkini, walagh belli d lmaàna nni is-d-fkigh degw mezwaru ig-sehhan. Maca ilaq akter unadi akken ad-nefk lejwab ameggaru.
  7. Afsax ggittîj : Éclipse solaire (11).
  8. Afsax bbwaggur : Éclipse lunaire (11).
  9. Amanar : Constellation d'Orion (1,2,3,12).
  10. Lenkcem : Étoile polaire (1,2). Belhadi (4) Isem agi yekka-d ahat si taàrabt, El-hady mehsub yemmal abrid, Belhadi nezmer at-naru BelHadi : win igemmalen abrid, axater yis ittabaàen abrid, Itri n ismiyet étoile de l'ours (7).
  11. Walet : Canopus (1,12).
  12. Ifrayfaryen : Ur zrigh ara lmaànas-s (1).
  13. Acit-Ahed : Pléiades (1), Let-Ehûd (2), Sati (Hausa, 3), Acet-ehâd (3), Cet-Ehûd (12), Turagga di tmurt n leqbayel (Taddart n at Freh, 11), Triya ar Icenwiyen (Ldzayer) Hyades negh Pléiades ? (6) nekk cukkegh belli d les Pléiades, les Pléiades akwed les Hyades mqarabet atas deg genni, maca Triya yeqreb akter ar "Turegga" s teqbaylit akwed Turayya s taàrabt.
    Wagi d asterjem bbwayen id-yenna Vermondo Brugnatelli : Imucagh qqaren-as i les Pléiades "Cat Ehûd" ayagi yebgha ad-yini "yessi-s ggîd", axater Ehâd yettughal s teqbaylit "Îd", s teqbaylit at-id-nesterjem ar "Sut g-gîd". Ar imucagh qqaren "yiwet twellit" mayli atas qqaren "Cat".
  14. Ghuct : (Dissem baggur wis tmanya (8) maca ur ufigh dacu i d lmaànas) (1).
  15. Eydi : Chien (2,12), dagi igella yetri t-tafat (Sirius).
  16. Wabet : Ahat kifkif akwed Walet n Imuhagh = Canopus (2).
  17. Tsxarga : Grande Ourse (2).
  18. Bazzan : Pégase (2).
  19. Terrarr : Dissem n Meghres (2).
  20. Sebàawa : Grande Ourse (4), axater llant degs sebàa yetran, itran laàasset n issmiyet "les étoiles gardiennes de l'étoile polaire" (7). Ar imucagh Ismis daghen "la Chamelle", atan wayen idinna Vermondo Brugnatelli (9,10) : "L'ourane est l'oncle maternel des Touareg. (...) Sept hommes nobles avaient tué une chamelle appartenant à Sidna Nouh. Parmi eux était un noble targui. Pour les punir, Dieu les métamorphosa, l'un en ourane, l'autre en chacal, le troisième en caméléon, etc. L'ourane était le noble targui. La chamelle tuée est au ciel maintenant : c'est la Grande Ourse. L'étoile polaire BELHADI est sa tête."
  21. Kabriat : Croix du sud (4), Ineghen (5).
  22. Ighirdem : Scorpion (5), Lmecbuh (4).
  23. Belhadi : Polaire (4). Issem agi yekkad ahat si taàrabt, El-hady mehsub atemlêd abrid, Belhadi nezmer atnaru BelHadi : win igemmalen abrid, axatter yis ittabaàen abrid. Ederi meneg : étoile du l'est (4).
  24. Abrid bbwalim : Voie lactée. Tûrec n Buraq (4). Deg ismawen i ssnegh bbwebrid bbwalim, yella deg-sen akw "Abrid". Ar leqbayel imi nutni xedmen attas akkal, fkanas issem tfellaht. Ma ar at Muritanya (4), isem is-fkan yella degs "Tûrec" id-yekkan ahat si taàrabt tariq, man-as "Buraq" ar yenselmen fellas iguli sidna Muhemmed ar Sebàa igenwan. S tmacaght Mehllaw (12).
  25. Tazzayt : Le palmier (5). Makken iruhegh s Aheggar di 1994, mlalegh-d kra imucagh nnan-iyi-d belli aàraben qqaren-as i wmanar (Orion) "Nnexla", isem agi Tazzayt yekkad si Tezdayt, id-dmen imazighen sghur waàraben !
  26. El-Mizan : La balance (8).
  27. Izalan : (3) Ur iban d acut.
  28. Awi-ehad : (3) Ur ibaan d acut Ahat dlet ehûd.
  1. Sghur ameddakwel-iw amacagh n kel Ahaggar.
  2. Widnni iy-ufigh deg-giwet tmesbanit di tseddawit talemmast n Ldzayer.
  3. E. Bernus, Touaregs nigériens, Paris, 1981. (Nijer)
  4. F. Nicolas, la langue berbère de Mauritanie, Dakar, 1958, p. 183. (Muritanya)
  5. A. Barthé, Manuel élémentaire de conversation touarègue, 1952, p. 41.
  6. J. Servier, Les portes de l'année, p. 368.
  7. L. Serra, Studi Magrebini 3 (1970), p. 47. (Zouara)
  8. U. Paradisi in AION (Annali Instituto Orientale di Napoli) 14/1 (1964), p. 415 (Zouara)
  9. L'islamizzazione dei Tuareg alla luce dei dati linguistici, in P. Branca, V. Brugnatelli eds, Studi arabi e islamici in memoria di Matilde Gagliardi, Milano, ISMEO, 1995, pp. 63-74.
  10. M. Benhazera, Six mois chez les Touaregs de l'Ahaggar, Alger, 1908, pp. 60-61.
  11. At-Iraten, Tamurt lleqbayel, Ldzayer.
  12. Charles de Foucault et A. de Calassanti-Motylinski, Textes touaregs en proses, par S. Chaker, H. Claudot, M. Gast, CNRS, Édisud, p. 220.