Bay Ridge
|
Dghi nna g ed yelkem lagar n Lmetro yafed hat kull tighawsiwin ttyarant s yan yils ar as etteràabent talnin. Ur ighiyy ad yesedd izêri nes amalay bu iseqsiten ixataren.
Idd kull akk ed wi ssnen mayd asen yettyaran g igherban d igudir. Isekkilen urd abda win tghuri. Da neqqra talnin, udmawen, idurar da neqra i tamara d iduxuben d magan tillas. Ar neqqra sslam ar neqqra digh lburda d lhemziyy d lqeran akwed netta d tibratin ed ttaznen iàeskriyyan seg sshêra. "Matta sshêra i mmanem han lmitro akem yaddej". Mani R-train yettedun gher Brooklyn n yeffus. Bbighed tawriqt seg talmakinatt. Walu mayd ak yettinin manzakin akhay. Hêzzmeghed tarezziyt g unelli nu amêzgh aghellad d lemri n lhend hêtta netta. Zund isenn ellan ileghman inu g Manhaten ar netterhâl. |
Mokhtar Bouba
|
Tanustalgit n tnezruft iceqqa yas lhâl. Matta tmagit g yella imal ammas n tmalayt nnes ig àad ccerd. Ur as ukizegh i làqel inu mayd yettini wala ssnegh awed mani ira tran ddegh g lligh. Ar netteddu usâfi. neggudiy. Awed yan isawalen i waypêd. Llan wida ibeddan allen ifassen cebbren g ca swa mayd ig. Afella. Nekk beddigh cebbregh g tsergwelt. A nnbi a moulay muhênd. Ifesti ibbi taqqurt. Awal lâht. Nfest. Ghas lhîss n tran ddaw wakal ayd igan azawan nnegh. Isem nness g umawal azefan : monotonie. Wida iwten aghejdim ar aqqran ighemmisen, widda lan idlisen ar aqqran nghedd ar ttaghen id is da aqran.
Imikk n tjaponit ihâccmen ard tteffegh seg imawen n yan snatt twetmin. Nekk mas ssnegh id is tajaponit ad tsawal ? Nigh dayy tajaponit mac tgheyy awd ad ur tt teg. Innas yan tamanu:
Salah, wash meghribya hadik zzàra ? Wa qettà a khay.
Ar jijjiyen imezyan inu; asighed adlis n Kafka rzêmeghd ar aqqragh tibratin n Mellina kudd beddigh ami id yelkem lbac. Yannas:
yak gultha lik, wellah ila…
Ad taft idsen igan zund keyy mac myaksalen ad igan tubedda mgal n mami tghiyyt…làar. Ur yelli lxadir wala lanbiyya yaden ad sàiwnen jjert n imenghi d yat tmagit yellsen. Tamagit tamaccut.
Ibedda R-train ddun. Lhêmdu llah. Ad awnen ik rebbi… ddan smaren enn isrêdten yan nnqer. Agensu n lmetro llan degs kul “legnus”. Legnus… walayenni mayd gan ghur ighfawen nesen ayd ur ssinegh idd ldjens nsen yemxalaf d wiyyâd. Is iga ljens ghas mayd idhern g uklu talnin, azzar midd igat ghas mayd ghefs nelmed nernu as mayd agh sseghran imezgura negh.
Kwtighed anazûr ameqran :
“Ftigh s Tamaynut… afghenn gis ya’w’mazigh igan isemg."
Emm. Han akwed amnasêf g ayt tama nu dghi d isemgan gin imelwan, isuqiyyen, imellalen, iwraghen. Ar yi yettinni yan làaqel ad ssntigh yat tigi tamaghat neghd yat tkhebbachiyt taqburt. Ilint àad temgharin, tisemxin, yettbeddan i thidust. Nnigh ur as yettiàjib lhâl i Unazur ameqran.
Kudd yetteddu lmeto yetteghzif ubrid. Nekk qqimigh ar-zund da qqragh sul Kafka. Walayenni sellagh digh i medden are sawalen ar itgidiy waqqur. Awiha is nelkem adghar n waqqur. Yella waqqur ghas g idsen idgharen. Laht g wiyyad. Azerf d wawal d idgharen gan tisura i taqqurt. Ur yettighiyy akwed yan ad isawel g kull idgharen. Magh allig dak ttinin fest g tmezgida ar d ikemmel ttâlb.. Uhu taqqurt n Brooklyn tga taneglizit : The Taqqurt.
Addjeghten gri d ixf inu ad sawlen.
Sbâh zik, ghur tis kkûz. Bay Ridge ayeffas n Brooklyn ay d as igan i udghar atig. Azniqen iflayen.
Ttran ijhel lhîss nnes ddaw wakal ar isdiddiy. Islâh ad nili bàda afella cwiyy. Wah magh nekkwen abda nella g ighisan amm iwêdfan.
Tihûna gant acerrid amm ssmad n ssuq. Ur yelli mayd ur yellin. Azniq wiss semmus lâh as tagara. Nnigh ad seqq ijeddigen. Han ar yyi ttingin :
Ssalam aliku ya akhi. Shu btrid,
Isgher digi talnin. Nnigh as s tneglizt righ ijeddigen. Ikcem. Kecmeghenn. G imi n tahânutt, rrzigh tamezzught han ar yettweddan. Timezgida ur telli g usays n izêri mac iggudi lhîss n lmudden. Agerd n lmudden ijhêl iqqur, iddjawen hamburger d mcdonalds d lecla n meswit.
Nnigh walu bas, kecmeghenn. Han radio n bu tahânut irzêmd i ka igan zund làita. Swerrighed ixef. Han yan umustac axatar ard isuggur seg dart ukantoir. Hezzagh ixf ihêzzad winnes am azul agma manika tgid. Neghed uxzit ssbahatu lillah. Keyy ayd annayegh idgam g lmitro.
Asighed iledjigen frugh.
Salah yella g Bay Ridge seg mayd tella ddunit. Tamazirt nes aya waxa netta isul ar yettini nec d amerruki men nnawahi d ljanub. Izla Salah lekwad nnes seg wahli. Ur yessin hêtta yan mayd ig. Iga seg Ecuador, Mexico, seg Portorico. Walayenni ghur ighf ness iga netta. Wada issefliden i ccixat s wass d ggid g thûna n imîsriyyen
— Nekk uress mayd ànigh. Amerruki yallan da ugar n tzâ iseggwasen. Lekwad lâhten yi, donc. Ghur ibiruten ur gigh mayd ukzegh g ixf inu. Tameggant lligh iwlegh, je veux dire Janet, tebbi iberdan tellan g Haiti. Àqqalegh i wass g enn dighenn s taddart han ur degs awd maàlam. Bbahh ! Dant tewiriqin yedda kulci ddant lhâsant.ur tuddji abla Ufighenn ixf inu g uzniq… tiwi lpasspot, tikardiwin, lpirmi, tous. Ayt imigration da ghifi ttqellaben. Nekk dghi ur ttyaragh. Ur lligh...
Isiggezd yat talbirrat s udis nnes kriro amid ira ad isexsi afa yaghen agensu nnes.
— Magh is ifuk i tmagit nnek ad ttyara taf ad tilit a ssi Salah ?
— Yah, màlum. Dghi g nga ghas uttûnen. Lâh k mec lâh akt. Mec ur ghurek lkid iccak lbaz.
— Samêh yi yak llan akkw wida ghas g iwriqqen d idlisen ag llan. dden ghas g lmàna. Tudert tamacahutt, ur djin ten yessen wakal. Anna Karnina, Nejma, Gzena, Anhi..unamir, faraji, ayt usekkif n. D wahli yader mi ur àeqqalegh. Walayenni, amer tzêrit, wellah ar tuf tudert nsen tinnegh. Yak ddand ayt london zman gher Charles Dikens. Gend arbià g imi n taddart. nnan as ad ibeddel tigira n ungal ness neghedd ad ttenghin. Ibeddelt. Kkan mmuten ughalend s tudert. Llan g ufus n Dickens. Aya as thêla tudert tamacahutt.
— Nekk a xali ur djin lligh s tidt. tessent nekk amer ghas yi umêzen. Ad ddugh baàda s tamazirt fabor. Nekk meqtegh jjert. Dghi myaregh tamara. Wahli gitnegh ssnen is tuf tmazirt. Tamazirt yetteddun bla ad tisant mayd ittsûgen wala trid ad tisant akkw. Lehla yegleb... Da, tamara, tawda, tamaksalt, taberranit. Ar ttemyart aya ar yetteggez gher agensu nnek. Cuf, wida yasghusen s sbanya d ttâlyan mani ran. Tawda, iqariden, tilelli… midd kra n catharsis yessiriden iman nsen seg tmara s tmara yaden.
Ifesta Salah, cwiyy, irnu d : ur djin ukizegh magh allig ur djin sawilegh i hatta yan, g tesga n tmagit inu tamaksalt, ghif ufsay n id “magh” yattcerragen id gensu nu. Nekk ur ligh iman wala lkuraj ad myakazegh d nekk. Nekk ur yad ssinegh ixf inu. Ul inu iga iselli. Nekk ttyarnagh.
Ibbdey s tala. Imettawan nes gan iqlaben. Iggezd yan ggid amallas xef lqehwa n Star Bucks. akkwed azniq wiss. Hatta yan ur yelli. Tillas ar essexlaàent igdan. Ar yattedu Salah, inkummes s usemmîd d ungâz.
— Moha, tanemmirt nnek tsellat yi nekk ad ddugh dghi. Mar ad ur afegh bu taddart ur xellîsegh it y a deux mois. Ar yan uzmez yâden.
— Tennest g lman. Ad ur ttxemmamt attâs. Ad as ig rebbi abrid.
— Rebbi ! emm… rebbi trit nekin ugigh… ar yettêssa. Ad yerhêm rebbi Azayku.
Beddigh qqedgh as i yan ugaru, Salah ar yetteddu ar yettental g tillas... lâht.
Swerrighed tawada gher taddart ar yi yettamêz yan ungâz ar ifadden. Qqimegh.. as s akal. Salah iga bexxu nu, ar yessexlaà tillas. Yzedgh yi.
Ar aqqragh Kafka s ttawil g R-Train righ ad isanagh… taqqurt n tran tuger tin ssuq. Mac Salah yugerenn mayd digi yuddej mayd yettini Kafka wala kull wid n tama nu.
Ali u boumalen ar isawal i yat massa g teghmert n lwagon. Ur righ ad as sawlegh. Wexzit.
— Hi Moha ! s wawal nnes n brooklyn. Tessent many ijran asnâtt. Tessent Salah ixedman ghur imîsriyyen. Ufant immut ddaw lqendert. Tiran degs nghed is ingha ixf nnes neghed uress. Ur t yessin awd yan… ghas da ttêssagh. ssneght d asmun nnek.
Ibedd tran. Teg ddunit tillas. Iggidy waqqur. La panique totale.
Azegzaw Bouba
(Mohee Tittre, district south Brooklyn, NYC)
Imikk n tjaponit ihâccmen ard tteffegh seg imawen n yan snatt twetmin. Nekk mas ssnegh id is tajaponit ad tsawal ? Nigh dayy tajaponit mac tgheyy awd ad ur tt teg. Innas yan tamanu:
Salah, wash meghribya hadik zzàra ? Wa qettà a khay.
Ar jijjiyen imezyan inu; asighed adlis n Kafka rzêmeghd ar aqqragh tibratin n Mellina kudd beddigh ami id yelkem lbac. Yannas:
yak gultha lik, wellah ila…
Ad taft idsen igan zund keyy mac myaksalen ad igan tubedda mgal n mami tghiyyt…làar. Ur yelli lxadir wala lanbiyya yaden ad sàiwnen jjert n imenghi d yat tmagit yellsen. Tamagit tamaccut.
Ibedda R-train ddun. Lhêmdu llah. Ad awnen ik rebbi… ddan smaren enn isrêdten yan nnqer. Agensu n lmetro llan degs kul “legnus”. Legnus… walayenni mayd gan ghur ighfawen nesen ayd ur ssinegh idd ldjens nsen yemxalaf d wiyyâd. Is iga ljens ghas mayd idhern g uklu talnin, azzar midd igat ghas mayd ghefs nelmed nernu as mayd agh sseghran imezgura negh.
Kwtighed anazûr ameqran :
“Ftigh s Tamaynut… afghenn gis ya’w’mazigh igan isemg."
Emm. Han akwed amnasêf g ayt tama nu dghi d isemgan gin imelwan, isuqiyyen, imellalen, iwraghen. Ar yi yettinni yan làaqel ad ssntigh yat tigi tamaghat neghd yat tkhebbachiyt taqburt. Ilint àad temgharin, tisemxin, yettbeddan i thidust. Nnigh ur as yettiàjib lhâl i Unazur ameqran.
Kudd yetteddu lmeto yetteghzif ubrid. Nekk qqimigh ar-zund da qqragh sul Kafka. Walayenni sellagh digh i medden are sawalen ar itgidiy waqqur. Awiha is nelkem adghar n waqqur. Yella waqqur ghas g idsen idgharen. Laht g wiyyad. Azerf d wawal d idgharen gan tisura i taqqurt. Ur yettighiyy akwed yan ad isawel g kull idgharen. Magh allig dak ttinin fest g tmezgida ar d ikemmel ttâlb.. Uhu taqqurt n Brooklyn tga taneglizit : The Taqqurt.
Addjeghten gri d ixf inu ad sawlen.
Sbâh zik, ghur tis kkûz. Bay Ridge ayeffas n Brooklyn ay d as igan i udghar atig. Azniqen iflayen.
Ttran ijhel lhîss nnes ddaw wakal ar isdiddiy. Islâh ad nili bàda afella cwiyy. Wah magh nekkwen abda nella g ighisan amm iwêdfan.
Tihûna gant acerrid amm ssmad n ssuq. Ur yelli mayd ur yellin. Azniq wiss semmus lâh as tagara. Nnigh ad seqq ijeddigen. Han ar yyi ttingin :
Ssalam aliku ya akhi. Shu btrid,
Isgher digi talnin. Nnigh as s tneglizt righ ijeddigen. Ikcem. Kecmeghenn. G imi n tahânutt, rrzigh tamezzught han ar yettweddan. Timezgida ur telli g usays n izêri mac iggudi lhîss n lmudden. Agerd n lmudden ijhêl iqqur, iddjawen hamburger d mcdonalds d lecla n meswit.
Nnigh walu bas, kecmeghenn. Han radio n bu tahânut irzêmd i ka igan zund làita. Swerrighed ixef. Han yan umustac axatar ard isuggur seg dart ukantoir. Hezzagh ixf ihêzzad winnes am azul agma manika tgid. Neghed uxzit ssbahatu lillah. Keyy ayd annayegh idgam g lmitro.
Asighed iledjigen frugh.
Salah yella g Bay Ridge seg mayd tella ddunit. Tamazirt nes aya waxa netta isul ar yettini nec d amerruki men nnawahi d ljanub. Izla Salah lekwad nnes seg wahli. Ur yessin hêtta yan mayd ig. Iga seg Ecuador, Mexico, seg Portorico. Walayenni ghur ighf ness iga netta. Wada issefliden i ccixat s wass d ggid g thûna n imîsriyyen
— Nekk uress mayd ànigh. Amerruki yallan da ugar n tzâ iseggwasen. Lekwad lâhten yi, donc. Ghur ibiruten ur gigh mayd ukzegh g ixf inu. Tameggant lligh iwlegh, je veux dire Janet, tebbi iberdan tellan g Haiti. Àqqalegh i wass g enn dighenn s taddart han ur degs awd maàlam. Bbahh ! Dant tewiriqin yedda kulci ddant lhâsant.ur tuddji abla Ufighenn ixf inu g uzniq… tiwi lpasspot, tikardiwin, lpirmi, tous. Ayt imigration da ghifi ttqellaben. Nekk dghi ur ttyaragh. Ur lligh...
Isiggezd yat talbirrat s udis nnes kriro amid ira ad isexsi afa yaghen agensu nnes.
— Magh is ifuk i tmagit nnek ad ttyara taf ad tilit a ssi Salah ?
— Yah, màlum. Dghi g nga ghas uttûnen. Lâh k mec lâh akt. Mec ur ghurek lkid iccak lbaz.
— Samêh yi yak llan akkw wida ghas g iwriqqen d idlisen ag llan. dden ghas g lmàna. Tudert tamacahutt, ur djin ten yessen wakal. Anna Karnina, Nejma, Gzena, Anhi..unamir, faraji, ayt usekkif n. D wahli yader mi ur àeqqalegh. Walayenni, amer tzêrit, wellah ar tuf tudert nsen tinnegh. Yak ddand ayt london zman gher Charles Dikens. Gend arbià g imi n taddart. nnan as ad ibeddel tigira n ungal ness neghedd ad ttenghin. Ibeddelt. Kkan mmuten ughalend s tudert. Llan g ufus n Dickens. Aya as thêla tudert tamacahutt.
— Nekk a xali ur djin lligh s tidt. tessent nekk amer ghas yi umêzen. Ad ddugh baàda s tamazirt fabor. Nekk meqtegh jjert. Dghi myaregh tamara. Wahli gitnegh ssnen is tuf tmazirt. Tamazirt yetteddun bla ad tisant mayd ittsûgen wala trid ad tisant akkw. Lehla yegleb... Da, tamara, tawda, tamaksalt, taberranit. Ar ttemyart aya ar yetteggez gher agensu nnek. Cuf, wida yasghusen s sbanya d ttâlyan mani ran. Tawda, iqariden, tilelli… midd kra n catharsis yessiriden iman nsen seg tmara s tmara yaden.
Ifesta Salah, cwiyy, irnu d : ur djin ukizegh magh allig ur djin sawilegh i hatta yan, g tesga n tmagit inu tamaksalt, ghif ufsay n id “magh” yattcerragen id gensu nu. Nekk ur ligh iman wala lkuraj ad myakazegh d nekk. Nekk ur yad ssinegh ixf inu. Ul inu iga iselli. Nekk ttyarnagh.
Ibbdey s tala. Imettawan nes gan iqlaben. Iggezd yan ggid amallas xef lqehwa n Star Bucks. akkwed azniq wiss. Hatta yan ur yelli. Tillas ar essexlaàent igdan. Ar yattedu Salah, inkummes s usemmîd d ungâz.
— Moha, tanemmirt nnek tsellat yi nekk ad ddugh dghi. Mar ad ur afegh bu taddart ur xellîsegh it y a deux mois. Ar yan uzmez yâden.
— Tennest g lman. Ad ur ttxemmamt attâs. Ad as ig rebbi abrid.
— Rebbi ! emm… rebbi trit nekin ugigh… ar yettêssa. Ad yerhêm rebbi Azayku.
Beddigh qqedgh as i yan ugaru, Salah ar yetteddu ar yettental g tillas... lâht.
Swerrighed tawada gher taddart ar yi yettamêz yan ungâz ar ifadden. Qqimegh.. as s akal. Salah iga bexxu nu, ar yessexlaà tillas. Yzedgh yi.
Ar aqqragh Kafka s ttawil g R-Train righ ad isanagh… taqqurt n tran tuger tin ssuq. Mac Salah yugerenn mayd digi yuddej mayd yettini Kafka wala kull wid n tama nu.
Ali u boumalen ar isawal i yat massa g teghmert n lwagon. Ur righ ad as sawlegh. Wexzit.
— Hi Moha ! s wawal nnes n brooklyn. Tessent many ijran asnâtt. Tessent Salah ixedman ghur imîsriyyen. Ufant immut ddaw lqendert. Tiran degs nghed is ingha ixf nnes neghed uress. Ur t yessin awd yan… ghas da ttêssagh. ssneght d asmun nnek.
Ibedd tran. Teg ddunit tillas. Iggidy waqqur. La panique totale.
Azegzaw Bouba
(Mohee Tittre, district south Brooklyn, NYC)
