Azayku, adjar n tudert
Abdellah Bouzandag
Agadir ass n 17/09/04
Agadir ass n 17/09/04
Ssengh is rad yummer Azayku igh fellas uran mdden, rad yummer uggar igh fellas uran s tmazight ghayan af nura tabrat ad ad tlkem iman nnes.
Isem nnek izdi d mennaw ikettayen g ighfawen negh. Nssen k isegwasen ayad, waxa yaghed tezwart s tudert, d tmmaght d ibadân, tzîdert teg tmeddurt nnek yat tmatart gh tmitar n izîder n umadan amazigh. Azayku tgit amedyaz n teksna (tatrajidit), tiwit tasemghurt n Merrok g usenflul mac kksen ak tt waàdawen lli iran ad ssentlen tafukt s tallunt ! Is tezdâr tafukt ad tntel s tallunt? tummert iligh turit yan udêris f umezruy negh, tgit yan umara lli ur ujjan wiyâd, turit f umezruy qnen k in g ubniq, turit ghas amarg n tmazight izddigen fkin ak tasemghurt kksn ak t !! is nit idus wawal lli ittinin “Rebbi kad yakkan ar ittkkis”, am igh ran ad ak inin “kiyi ad ur ttarat !! tirra nk ur asent nghi (nzdâr)”. S tidt tirra nnek a Azayku ur gant tin uzemz ad !! tirra nnek gant tin imal, ayt uzemz ad idrus gisen ma yukzen tabrat nk (amussu amazigh i wadû nes) acku tabrat nghd tibratin nnek ar sawalent f tasutin lli rad ilal ghayan af tgit atrar ghik lli tgit azayku. Tfrent agh mad igguten gh umezruy negh trzêmt agh ifelwan ggutnin tsawlet ghef tghawsiwin izdin d tmessunt (scientifique) tmelt agh mas iga ukccum n waàraben s izlmêd n Ifrtiqya tamaght ur d akccum n trezzift d ijeddigen.
Azayku..tgit argaz n uzemz negh, tgit ajeddig gh tuzzûmt n tnezruft, tzîdert aylligh tzri tudert nnek/tadjart nnek, yak kiyi ad innan gh tmedyazt “gigh adjar n tudert ur iyi tuqqir” ? S tidt tgit ghas adjar ur ihrcen waxxa k ur ujjan acku tddert taksna zund imerwas nek gh inazûren d imaraten (Van Gogh, Charles Dickens, …) willi ifkan i tudert mac tudert ur asen tfki gan ghas adjaren nnes.
Azayku d ilulluyen
Nessen ahyâd s yan ufgan ittllin ig amezwag ur a iswingim gh imal nnes awd tudert nnes is tustwa. Is aka ittkka timizar izug ur ar gis isaqsa yan… Ghmkan atga tudert nek
Muddix ur n midx mani
Alulluy agh mdêlx iseggwasen
Dlen nit s tgûdiwin
Nttenti a yegan imurig
Gh ul inu
Dren is
Ghmk an as tddert gh usklu tssummt izêngigen nnek gh umalu n tudert.
Azayku, tmmut tghessa nnek mac iman d uswingem nnek ighama, akal n tmazgha mqqar idrus magha yakka imassanen zund keyyi zdâr ad aghed gis lalen izaykuten yadên lli rad idêfer abrid nnek sslkmen tabrat nnek i tasutin lli rad ilal.
Ur fellak sawlen ayt TV waxxa tgit yan gh tarwa n tmazirt ad, mta ttarat f kra yadên bla tamagit nnek rad ak skren inmuggaren d tmghriwin, rad k issen ma imzzîn d ma imqquren mac testit agharas n tidt ghayan af k ruren f usga, mac waxxa ghmk an mta tsawalt rad tinit : udan iyi imettâwen nnun lli d ikkan igensiwen n tisewin nnun lli ibbi umarg n tlelli.
Yirir ak unazûr k irwasen Amouri Mbark timedyazin timghlal isslkem agh tend s uzawan immimen ur iskarksen ghayan af ur iskarks lligh ingi ul nnes d wingh s umettâ llighd nessen is tftit s umadâl lli yakw nra.
Azayku, ur rad dik nemsafâd acku ur teddit, tellit bedda didngh waxa k ur nzêrra s tît, tllit gh ulawen n willi k issnen d willi îhsan timedyazin nnek tigwerramin.
Isem nnek izdi d mennaw ikettayen g ighfawen negh. Nssen k isegwasen ayad, waxa yaghed tezwart s tudert, d tmmaght d ibadân, tzîdert teg tmeddurt nnek yat tmatart gh tmitar n izîder n umadan amazigh. Azayku tgit amedyaz n teksna (tatrajidit), tiwit tasemghurt n Merrok g usenflul mac kksen ak tt waàdawen lli iran ad ssentlen tafukt s tallunt ! Is tezdâr tafukt ad tntel s tallunt? tummert iligh turit yan udêris f umezruy negh, tgit yan umara lli ur ujjan wiyâd, turit f umezruy qnen k in g ubniq, turit ghas amarg n tmazight izddigen fkin ak tasemghurt kksn ak t !! is nit idus wawal lli ittinin “Rebbi kad yakkan ar ittkkis”, am igh ran ad ak inin “kiyi ad ur ttarat !! tirra nk ur asent nghi (nzdâr)”. S tidt tirra nnek a Azayku ur gant tin uzemz ad !! tirra nnek gant tin imal, ayt uzemz ad idrus gisen ma yukzen tabrat nk (amussu amazigh i wadû nes) acku tabrat nghd tibratin nnek ar sawalent f tasutin lli rad ilal ghayan af tgit atrar ghik lli tgit azayku. Tfrent agh mad igguten gh umezruy negh trzêmt agh ifelwan ggutnin tsawlet ghef tghawsiwin izdin d tmessunt (scientifique) tmelt agh mas iga ukccum n waàraben s izlmêd n Ifrtiqya tamaght ur d akccum n trezzift d ijeddigen.
Azayku..tgit argaz n uzemz negh, tgit ajeddig gh tuzzûmt n tnezruft, tzîdert aylligh tzri tudert nnek/tadjart nnek, yak kiyi ad innan gh tmedyazt “gigh adjar n tudert ur iyi tuqqir” ? S tidt tgit ghas adjar ur ihrcen waxxa k ur ujjan acku tddert taksna zund imerwas nek gh inazûren d imaraten (Van Gogh, Charles Dickens, …) willi ifkan i tudert mac tudert ur asen tfki gan ghas adjaren nnes.
Azayku d ilulluyen
Nessen ahyâd s yan ufgan ittllin ig amezwag ur a iswingim gh imal nnes awd tudert nnes is tustwa. Is aka ittkka timizar izug ur ar gis isaqsa yan… Ghmkan atga tudert nek
Muddix ur n midx mani
Alulluy agh mdêlx iseggwasen
Dlen nit s tgûdiwin
Nttenti a yegan imurig
Gh ul inu
Dren is
Ghmk an as tddert gh usklu tssummt izêngigen nnek gh umalu n tudert.
Azayku, tmmut tghessa nnek mac iman d uswingem nnek ighama, akal n tmazgha mqqar idrus magha yakka imassanen zund keyyi zdâr ad aghed gis lalen izaykuten yadên lli rad idêfer abrid nnek sslkmen tabrat nnek i tasutin lli rad ilal.
Ur fellak sawlen ayt TV waxxa tgit yan gh tarwa n tmazirt ad, mta ttarat f kra yadên bla tamagit nnek rad ak skren inmuggaren d tmghriwin, rad k issen ma imzzîn d ma imqquren mac testit agharas n tidt ghayan af k ruren f usga, mac waxxa ghmk an mta tsawalt rad tinit : udan iyi imettâwen nnun lli d ikkan igensiwen n tisewin nnun lli ibbi umarg n tlelli.
Yirir ak unazûr k irwasen Amouri Mbark timedyazin timghlal isslkem agh tend s uzawan immimen ur iskarksen ghayan af ur iskarks lligh ingi ul nnes d wingh s umettâ llighd nessen is tftit s umadâl lli yakw nra.
Azayku, ur rad dik nemsafâd acku ur teddit, tellit bedda didngh waxa k ur nzêrra s tît, tllit gh ulawen n willi k issnen d willi îhsan timedyazin nnek tigwerramin.
