TAZWART

Imik s imik, ar tigutent timgharin yellan f ixef n imussuten ikkiten f tmizar llig llant, ilint g ixef n tamaght f imadanen nnesent. Ar ed ttagga tenyaft n imussuten ad imettiten, d watig mquren mu d irzêm wawal ghef izerfan n wemdan yellan gh umadâl, g tugget n isaragen imadêlanen yemanen tagara ya : Asarag agraghlan wis sin n temgharin timezwura, Karasjohka (Norvège) 1990 ; Asarag amadêlan n izerfan n wemdan, Vienne (Autriche) 1993 ; Tukêt Tamettit, Copenhague (Danemark) 1995 ; Asarag amadêlan wis kûz ghef timgharin, Beijing (Chine) 1995 ; Asarag amezwaru n timgharin timezwura, Adélaïde (Australie) 1988.

G unmuggar wis krâd d mraw n Trabbut n twuri ghef imadanen imezwura n Timettin munnin yellan g Genève g 1995 ur yilli ger 30 n ineflas ifriqen amer krâdt temgharin. Mayad ar imala mas asent ur ttefkint kigan d temldiwin mag sawalent f imnaden nnesent, d tinyafatin nnesent g yan uswir yegan agraghlan.

Imadanen akw imezwura n ugmam n Tefriqt s timmad nnes llan g yan usures n urur f usga d tefghnit. Meqqar yega maya yan udêrras mnid udusen imezwura g Tefriqt, timgharin nettenti ar tenmiggirent d idêrrasen yâden izdin d mekli gan timgharin. Asarag amezwaru n timgharin timezwura n Tefriqt imnad ad tend ikkes g usures ad n tefghnit.

Iqqan ed timgharin timezwura n tefriqt d udusen nnesent ad uten tamelda senfalint s yan wawal imnaden d isuturen nnesent.

Asarag amezwaru n timgharin timezwura n Tefriqt yega yan uwnul mag ttusnfalen ismagelen d warramen n ger tid rad gis yawes, izdin d tistratijiyin mas ttanfent i tmukrisin izazwulen asures n timgharin timezwura, skerent gis yan uzêtta iz ddin ger temgharin timezwura g tefriqt.

TIMATARIN N USARAG

• Adghar n temghart g usenyara n wayda adelsan d umwassan n umadan nnes ;
• Asmrret n temghart tamezwarut d yekkan tamettit ittêfen adabu d wad yekkan agunes n imadanen nnesent ;

1. Timgharin timezwura d idels

G idgharen llig llan imadanen imezwura, tamghart ad isselkamen idels n umadan nnes tssefrekt, meqqar dderent g yat tametti ur inmalan. Asselkem n wawal, n umezruy, n idels atlay, n uzawan, n urekkaz, n insayen, n temussni tinedit, n tmussni izdin d ugama, d isafaren ar immala mas teggut tmasayt lli usint, g tsega n usegmi. Llig yega wawal mekad, zdârent g mad yuckan ad fekent yan udem yelan atig i tmagit n umadan amezwaru nnesent.

2. Asmmert n temgharin timezwura

Ig illa kran umadan g urur f usga negh g usmmert n kran tenbâdt taghlant, timgharin ad bahra itteggan tefaskiwin. Asmmert n timgharin ad yegan yat g tgharasin lli snaran af ad ad ssufghen imadanen g ikaliwen nnesen. Ig ar neqqan negh ar serfufun timgharin ar ttwatsen g mayad ad srefufent irgazen, acku ar tent smuqqulen is gant yan g wayda nnesen.

G ugunsu nit n umadan ad ar itattuy usmmert n temghart. Asnghubu n watigen zwarnin, d imukrisen imettiten izdin d tissi, d temggin, gan awed nettni azûr n usmmert ikkaten tamghart. Adriz itattuyen n tmetti ittêfen adabu ar tsedwas tiskiwin iskan f udabu n uwetem, ttrêz kra izdin d tsekiwin iskan f tuwtemt ten yadli yekkan tters fellas tametti tamezwarut.

Udem wis krâd n usmmert n temghart izdi nit d idels amezwaru s ixef nnes. Insayen watsen ad glin tiwuriwin n temghart izdin d tuzzûft d tedamsa. Mayad ar ittawi f wad ttyafrag tlelli n temghart s tgharasin izdâren akw ad yelkem kra g imeslan nnes.

Meqqar usint s temmara tamasayt n usegmi n tasutin lli d yuckan , ur ta djun ufint temgharin ad ilin azerf f tudert d tiddiwin nesnt.