Amarg

Hassan Saadouni

Nlûh izêri f ujjig rminti wallen
wanna s ka nnigh terdâ ten tassa new
nmatti s wuzzun dagh illa lxelf nnes
ar asen tsutulgh a gis nmger ssâbt
innagh nzêra wayyâd ufent niri ten
smêh agh a lwerd ur d làar aygh imelkn
ur illi man urti gh ur nesker latêr
ahan ur kullu gaddan lawsâf nnek
nekka talàersin ghwigh lyasmin nzêr
rrihân d lghenbaz iwin tîtt inew
yili wahraru ibughl ka gh tama new
awin inxar inew adû nnun a lmesk
ay azenkêd ini ken ngmer is rak afgh
nekka d adrar udaden llan gh issafen
nlûh allen inu s igenwan irint
lbaz umlil izluzzan laryach nnes
ar ihhêrg wul ar tmddut a tasa new
f umarg n yan righ ur angh lkimen