Agganey
Afulay, Massy, Xbrayr 99
Isemdâl ur ed iqqan ad gisen nkerz ; ur ed iqqan ad ten nettakwel ; ur… may ad ad ufix ar ax t ttinin, ar ax fellas smagalen inemghuren n darenx, willi sul yusin timitar n tussna taqburt, tin kraygat ass, tin waggas amenzuy, kigan, ur ed imik, nekwetit sul ar ittenunuy gh ihawacen nnex, gh iwargiten zdinin d arasyafa, d artillawt iccetan tazdûri nnex, kraygat ass d kraygat azemz ! Maca mamenk ar ad yeg yan mu ed tsat tyyerza nnes gh isemdâl zun d nekkin, ur ssenx, iz ed ad qqisx idêrfan nnes, iz ed ad ten ajjex, negh ed ad ka dulx igh sul yuma izêri tammara nnesen igh zdghen yan ? Mar ad skerx, mad yegan ad ilin gh yan ?May ad akw isat yan wass lligh ddix ad kkex dar unaruz, ameddakwel inu, tasga nu yâden gh tudert, gh tmadûnt lligh immut.
Tesbidd iyyi tfermliyt, ilsan tabanka tumlilt, tawenza tdêrd f igenzi nnes, gh imi n tfelut ittawin s tmesrîyt lligh igen unaruz, ttini yyi s wawal izdin d imik n tgerzâwt :
- Surf iyyi, a gwema, mani terit ?
- Rix ghar ad kkex dar umeddakwel inu anaruz igh sul illa gh tmesrîyt ad ? Tesmaqqel gigi, terar iyyid :
- Illa gis ! Mac inna yyi ad ur tadejt awed yan ad en dari ikcem, irmi udmawen n willi issen d willi ur issen, ira ghar ad ighama, sellagh nettan, ad yaf ad isenqer i tamdiwin nnes ?
- Nettan ad am innan awal ad ?
- Yah nettan ?
- Meqqar ! nnix as s yan ugerd iggurzan, ittuman. Smaqqelx gis, smaqqelx gh tsamught lli usix gh ufus inu, tasamught lligh gix kran tghawsiwin iwix tend i unaruz, ur sul kwetix mad gant, ur ad gent amer kran tiremt, nex kran iberuzzuyen ssenx is ten bahra ihêml. Ur ssenx mar ad skerx, iz ed ad urrix ar tiklit yâden, ar ed ifel unaruz tamirewt nnes, nex ed ad fekx i tfermliyt tasamught taseggant, tini yas tin mit ad tega, tzêr is yera ad iyyi yadj ad dars kkes. Gh ugunes inu ssenx is agh sri itteqqel, is yera ghar ad ur izzêrîz kran yâden igiwer nnex, mac mar ad issakwez mayad i tfermliyt, tiklit igguran kkix ed dars, irwas ghas iz ed ass izwaren ass ad, itter iyyi, ihûrma yyid ad iyyi ur yawi ungi ffelx t ghar nettan i ifessi n tmadûnt d ifessi n tfermliyyin ar kix t icca, ar kigh t issenghuba, ur as ed yiwi yan tannalt, meqqar temda zun d tinu. Anaruz, nemaggarx t tiklit izwarn lligh ar naqra gh tesdawit n tssekla, isker tafiluzuft, nekkin skerx tussna, nezgagh gh yat tmesrîyt n uzeddugh asdiwan, lligh ed neffugh, yera uzemz ad neswurri gh yat temdint. Ar nsseghra, ku yan gh yat tinmel, ayelli ur nghêri, maca may ad ur ax ikkes ad nezdagh gh yat tgemmi. Nettan ur iri ad yawel, nekkin ghemkan. Neman i yan unezgum, issar ax gh yat tghezdist n tudert, ar inqqed gh yat tferdut. Ihawacen nnex zdân, zun d iklan, gh yan usêtta, asêtta s ur tzêdar tudert ad tebbi ulman nnes.
Ur tas nnix yat, s igh ed tesawel tfermliyt, tini yyi :
- Mad tegit s isem ?
Mad tera isem inbu, inna –yas kr, negh ed ghar tghêra tagerzâwt gh udem inu tiri ad iyyi tsettu addad ad, is ur yeg yan gh tizrigin n twuri n tfermliyt ad tsifsus attân f umadûn, irwas is tra ad tssurf i ixef nnes tagharst llis yid trur. Ur is sawelx, tsemd tini :
- Igh tegit Idir tezrit, ttux akw is iyyi inna, igh ed yucka yan isem nnes Idir tadj ad izri, ghar nettan, kran yan yâden uhu, ur rix ad zêrx yan.
- nettan ad gix !
- ssurf iyyi igh kit rurx tiklit izwaren, ttux is iyyi ismagel ad k adej ad dars tezrit !
Ur as nnix yat, ur dari mad as ttinix, ur tsker amer tawwuri nnes, iggi n may ad ur ids ssarx yat, tera ad iyyi tadj ad zrix zrix, ur tri adûx ar tiklit yâden igh sul innesmêd unaruz i ifessi, tagara yad, irwas is gis ilkem asa, is ilkem adif nnes. Zmumegx, tezmumg, rarx ed tiflut n tmesrîyt afex en anaruz ar ittqel, ifesta, ar ittareg allen i isiliten suddumnin adû n tunsift d tmadûnt. Ur ta nnix yat s igh ed iffi, zun d takka, ar isawal :
- mettad is d ur tuckit, s igh as en tterx ad en ffagh ad kid siggelx, rix ak zêrx, may ad ur sul yegi ixemmiren, syafax ixsan inu ar ed ttâren, jjûhfix ad sik sawelx, rix ad fellak ffix tisamughin inu, nghelent, ggant tiyyâd, ggant tidfririn n tijjijin inuflen, mar ad ak inix, ur ssenx ; mac ssenx is rix ad ak inix kra, Idir, ssurf iyyi, ugelx ek didi, mac iqqan ed ad didi tagwelt kiyyin nit, izdây uwelk nnek….
Ar t ttenghmusx s izêri, s ul, s usyafa, zun d igh t jun ur zêrix, zun d igh t jun ur nmaggarx gh mad izrin. Zun d igh jun ur nezdagh kigan, nekkin ides, gh yat tgemmi, gh ddaw isiliten lli bedda. Uneck nna s nnix ssenx t is as ittensmâd, as itterwal dat allen inu , zun d marur, zun d tawargit, mac illa, ahawec, attân, anezgum, kra zun d uyya, illa, ur ufix ad as rwelx, ur ufix ad t felx, iman, irrus, idêr, ignuni, usix t gh unzber, gh taduyt, igh sul tesmater aghellay nnes. Uneck nna s nnix kmesx t is ar ittidêlu. Yega bedda tajgalt iqqen, tajgalt n tillas. Inna d irzêmen illas mani yâden. Nnix as yan wass, igguran, lligh yusi tacumàit ad yeg kran man gh taddart, ur ssenx mani acku ur djun iyyi sul inni yat, ifesta, iqqen d tifelwin f iwengimen nnes, ghiknna ad dari tegit, tezwar ak tifawt, maca azemmâzel nna n tezrit s igh illas , zun d keyyin. Ar ittellas illi tfelt, yak ur ad llasx nekkin igh iyyi tefelt, igh felli tqqent imi nnek, tadewwarit nnek illûzen, izuren, irruten, ur ilin ammak ! Mekan ad dari yega, ar ittnesmâd i tîtt, i ufrak. Ar ittenghubu kra fellas ssenx, kra s fellas nnix nekki d ixef inu, ur t sul ukezx, rix ad as inix yan wass, urtad ikcem s ghid, maca iddem yad i ifessi iqquren, ifessi izegguren i tmettant, wallit issadûden ad timmam, ad tizur, zun d tanezruft, wad idran zun d una, zun d imaniwen, mac idda yad ur sul as nnix yat, mac mar ad as yadli inix ? Mad yaghen Anaruz ?
Lligh saqsax tafermliyt, tenna yyi ur ssenen, lligh ur ssenen mar ad sul yissan ? Nekkin ! Kra yâden zêrix t, mac ur nnix is rad as en iqqen aghedjaj ! Mmaghen ad afen azûr i ingâzen nnes mac ur as ufin. Kigan ad as zzerin, kkan t akw s iradyuten, s id skanir, s kraygat, mac ur zêrin yat, ur kwmesen ayellit yaghen, acku ur t siggelen s tgharasin yâden. Ghêran i udêbib n tussnimant, ur izêdar ad ifru timukrisin nnes, dêlant, zdâyent. Lligh ddix dar wad, inna yyi kraygat, sellax ayelli bedda ittini unaruz, ur ufix mad as ttinix, sellagh iqqan tid ad issenfel iseqsiten nnes, tudert tuma kraygat, ad ur immet ghayelli ighêra gh idlisen, ur illi kran udlis yuman ibackaren n tidet !
Dat uya, tiklit ar tayyâd, ar isghuyyu, ar asen iqqar, ar asen immala kran tsega, kran uzûr gh ixef nnes izziwezt, yûdent, immret, negh t ighwi, iwelullu fellas, igen, ifess. Igh ur ifess ar as akkan talfanidin mad t isgan, mad t iseyyan zun d taselmya, felent, yawit ungi yâden ar kigh ed inker zêren mas dax inna ! Tagara tenna yyi menck ad t iqaddan, ghik s gis zzân, maf rad sul yalla ! nettat ibbi tasa nnes ; mac ur iyyi tzêri nekkin, lli tera ad trar, sellagh tssen maf t ismagel.
Rix ad as inix ad inker igh yera ad neffagh. Ukezx iz ed tayri yan ka ad as ikkerfen idâren d unfus, nettat ka ad t ikkerfen d uwlaf n tmadûnt, tadd as, ur t tujji ad immas. Irêmi gh tudert, tenghat tghufi nnad as idêr ar kigh tfel nettat s tayri. Yera ad t tfel tudert sellagh immagh ides ! Idêr as s akal ar tt itter ad tawi ayda nnas, ar ittqel s tfasa lli sul yuma ar kigh teffagh, tasi t s tayri nnes, sellagh tamaght.
Ussan ad gguranin urta d yucki s idâren nnes, s tayri nnes ad isfel tigûdiwin nnes gh tgemmi n imudân, zêrix t innefel, igwem amarg n ifessi. Ur sul kkin idammen n tudert kra yega, d krat izgren n ugharas : tiddi, awal, meqqar ed agganey llis yi inna yan wass yegat… Iggut magh t tenmuggurx gh isersas n tazdught lli nessar, igh ed urrix, ur sri isawel, ur iyyi inni yat, ar ghar nesawal s ussekna, izri, zrix, ar nettakwez timitar dranin s tgharasin yâdnin. Igh en immatêl, ar ed ttakwix, ar lbar illan ddaw tazdught nnex, munex ids, nex as en masax igh as tudd tissi, igh t teswa. Tagara yad ur sul ar isawal ! Isman tighlaghalin n iwengimen nnes gh tghwelalt nnes ar ten ittefzâz. Kras ten ikka ar t ittqis îdgam i wiyyâd, ass ad inghel as s ugunes, ar t izzâd s tugmîzin n iman nnes, iqqwen ed fellas imawen ar iccetta ixef nnes zun d takat. Yat tdeggwat isaqsa yyi bab n lbar lligh nemyar ad nettili nekkin d unaruz, yini yyi :
- Mad yaghen anaruz tagara ya, kran unaruz ur t sul igi. Ur sul ar isawal, ad tinit is as iqqes ifessi, ikcem ixef nnes ar ittefzâz amezruy nnes, iggut magh issufus ibruzzuyen n tbagha lli yasen ighama gh imi, ar ittareg tîtt i waggu ittenfasrun dat nnes, gh isiliten n lbar iqqen s waggu d taqqurt. Rix ad tid akerx i ifessi yan nnes issiwiden, mac ur t lkemx, ixzer gigi, yadd i ixef nnes, ayelligh en fellas aggugx idêfr dax idêrfan n waggu gh isiliten iqqen…
Ur rurx awal i bab n lbar acku ur ufix mad as ttinix, ur kwemsx mas as ssefrux ayelli ur yukez, mad ukezx nekkin nit gh tezrigin ittemnûdun n unaruz. Lligh yid izêra uckix en ibid, imun didi, ur nesawel, ilûh ed felli ifassen nnes rkukanin, ayelligh niwen i iseras s igh yid inna :
- Tssent kra kkix ar siggilx, ar tqqelx, ur jjun ufix yat, ur jun isadmer yan, tdder t idi imik gh mayad, mac nekki nit ur ssenx mad siggilx…
Ar en gis ittebbi wawal, irwas iz ed timitar n tissi, nekcmen s tgemmi, ndêren, nekki yiwi idês, nettan ur ssenx, lligh ed nkerx ufix tid ar yad ikemmi ur tad iffagh ddaw useddul, ar ittareg allen i waggu idlen tamesrîyt ar ittenghubu ddaw isiliten ifawen. Ismaqqel gigi, iffagh ed aseddul, ikcem ad issird udem nes. Lligh ed nkerx ufix tid ar ikkrêd udem, gex en leqhwa, ur akw iqqel ad tt isu, tama n teflut agh iyyi d inna :
- Hayyi d ddix ad kkex illi s ak nnix… !
Swan tin iseras, ur ssenx mani s idda, ur iyyi inni yat.
Nekkin ur ffagh, ass an ur darenx illi, nekkin ula nettan, yat. Ur telli tghêri, zik an ixwa. Tizi n imekli ad yurri, isggunfes, neggawer ayelligh necca imekli, ur nesawel, inker isker dat tisit, yasi d ad dax ikrêd udem nnes. Tizi yan ad sawelx :
- Anaruz, yak zik ka ad tkrêdt udem, mar ad sul gis tkrêdt ?
Izmumeg s imik, ilhu ar ikkrêd :
- Tssent, lligh ar tqqelx zik ad, ur iyyi isadmer yan, ighezzif felli, zun d igh ar tqqelx ussan, tasutin, syafax zun d igh yid tmmeghi tamart s ugganey ad iqquren, nnix igh tt kkisx is rad ssirdx timitar nnes gh ugunes inu, ad ddux tadeggwat ad s udem yâden mad ed isselsan tayyâd.
-Max mas yadli tqqelt ad yacek zik ad ?
- Ur ssenx ! ar tqqelx s kra ur ssenx ! ar tqqelx, iwda, is ur iwdi ?
Tkcmen tfermliyt, tawin tiremt, tserst gh tama nnes, issekna mas ta ur iri ad icc, tfelt teffagh, tqqen ed imi, yini yyid :
- Ur ssenx is rad nkerx gh tmadûnt ad negh ed uhu ; is rad k sul zêrx negh ed uhu, urta kcemx ammak inu, taghwelalt inu ! syafax tiklit ad ixsan inu ar ed ttâren zun d igherban n igudar iqburen, tafasa temda, asêtta n ussan ar ed ittebbi. Netteni inin ur ek yagh yat, acku ur zdâren ad syafan tadusi nnad tddert sellagh ammak, sellagh igli ! Ur darsen yegi tamadûnt ad tfezâzt tudert ittumman ! Mar ad ak inix ? Yat tghawsa, ur nnix is izdâr kra yâdnin as tt isker amer keyyin, keyyin iddren tammara n uswingem lligh llix, keyyin issen kra gh izûran n twengimt inu, nnex, igh mmutex, ad iyyi ur tallat amer igh rad tallat ixef nnek. Zêr ghas kran teqrabt n tberatin, tagwel ttin i tmdêlt inu, rix ad sul syafax agganey igh mmutex, rix ad mmetx d wagganey inu, rix ad tt ilix, rix ad ittummu umdây n timdêlt inu…
Tiguriwin ad ad kwetix lligh ddix s isemdâl ad ghermx asemmagel n unaruz. Nettenti ad igguran is asent ssellax gh imi nnes, tadeggwat ad iyyi d ilkem is immut. Ur en bagx gh umettâl nnes acku ur zdârx ad zêrx tiddi tekcem i wakal, tugna d drix imik gh twengimin issaren zun d tawrut n tmazirt, ur rix ad zêrx ixfawen nnes gan en ineflâd nex ten ccan uccan. Llix ger twargit d taduyt. Ifessi n isemdâl iseyya, idra, isman tigherfin n tudert, mekan af ur ssenx man addad gh llix ? zegh ass lligh immut unaruz ad qqenx tadâ d isemdâl, ur ferkx s mad gis siggilx, iz ed ad ghermx asmagel n umeddakwel inu, negh ed ad siggelx iberuzzuyen n ixef inu immezren, ittumman, ur ilin ammak, gnux icerrigen inu nekkin. Kra izdi yyi dides. Imedla ar ttenfasrun gh tallunt n igenwan. Tafukt n zik temla, taycukin fserent ifrawen nnesent i igherramen n usmdêl ar terusent f usya izuzwan, ar tt ittasi wadû ifsusen llid ikkaten gh tsega n ill, fken yat tmelsit tansayt i usmdêl, timelsit isidînen tafelsa, asya, d ifessi, d tayri n kra ur ittmussun. Usix taqrabt n tberatin gh ufus inu, kmesx tt zund igh ksûdx ad iyyi tt yakwer kra, sersex tt gh tama n umnnir. Ggawerx ! ur sul zêrix mani rix ! lligh ghermx asemmagel ad syafax ixsan inu tteccanen, tffegh ten tfasa, ar ttenfruruyen. Mar ad yeg tadêfi i ussan ed yuckan ? Kigan ad kkix, ar ed zrayx ar iggi n tmdêlt qqelx gis, ur ed iwix ad sersx ayelli s iyi inna unaruz, acku rix ad sul iyyi yagwel kra dids, d tudert, d iggi, d ifalan n tafukt ! Izrigen ad sghlen gigi yat tayri ighban, ifessi, ruren iyyi d gix andêfur n isemdâl, usix azzaglu yâden. Zrint kran temgharin gh tama nu, nettenti ad iyyid issenkren gh twargit iduyen, dulxen, annix en tafukt tiwi s tdûri, ayyelent taycukin ittrsen f ighurban n usmdêl, dfêren tent kran inebgiwen n usya yad ilggwaghen, usin ed tisamughin segganin, ttekarnin s tebninnizin n unzîr, issanex is ar ed ittâz utwan. Ffagh ed asmdêl, akrrex idâren, ur ed duyex ayelligh yyi tenna yat tasikritirt :
- Ssurf iyyi i rebbi, is agh tqqelt s usalmad ?
- Uhuy, i rebbi..
Lligh ed ffagh, ghêrx tiffelt ittyaran iggi n tmesrîyt an " tamesrîyt n ugganey " ad ssenx iz ed ghas mayad ad iyyi igwelin ad is kcemx, asemmagel izzân gigi amud nnes. Ffagh ed allex allen inu s igenwan, tasukt tterem s ill, tafukt tedda yad ad en tdêr, ar ed teddal takka n tillas asmdêl nettat d ifrawen n taycukin, ikcem asya nnes ameghlul.
Tesbidd iyyi tfermliyt, ilsan tabanka tumlilt, tawenza tdêrd f igenzi nnes, gh imi n tfelut ittawin s tmesrîyt lligh igen unaruz, ttini yyi s wawal izdin d imik n tgerzâwt :
- Surf iyyi, a gwema, mani terit ?
- Rix ghar ad kkex dar umeddakwel inu anaruz igh sul illa gh tmesrîyt ad ? Tesmaqqel gigi, terar iyyid :
- Illa gis ! Mac inna yyi ad ur tadejt awed yan ad en dari ikcem, irmi udmawen n willi issen d willi ur issen, ira ghar ad ighama, sellagh nettan, ad yaf ad isenqer i tamdiwin nnes ?
- Nettan ad am innan awal ad ?
- Yah nettan ?
- Meqqar ! nnix as s yan ugerd iggurzan, ittuman. Smaqqelx gis, smaqqelx gh tsamught lli usix gh ufus inu, tasamught lligh gix kran tghawsiwin iwix tend i unaruz, ur sul kwetix mad gant, ur ad gent amer kran tiremt, nex kran iberuzzuyen ssenx is ten bahra ihêml. Ur ssenx mar ad skerx, iz ed ad urrix ar tiklit yâden, ar ed ifel unaruz tamirewt nnes, nex ed ad fekx i tfermliyt tasamught taseggant, tini yas tin mit ad tega, tzêr is yera ad iyyi yadj ad dars kkes. Gh ugunes inu ssenx is agh sri itteqqel, is yera ghar ad ur izzêrîz kran yâden igiwer nnex, mac mar ad issakwez mayad i tfermliyt, tiklit igguran kkix ed dars, irwas ghas iz ed ass izwaren ass ad, itter iyyi, ihûrma yyid ad iyyi ur yawi ungi ffelx t ghar nettan i ifessi n tmadûnt d ifessi n tfermliyyin ar kix t icca, ar kigh t issenghuba, ur as ed yiwi yan tannalt, meqqar temda zun d tinu. Anaruz, nemaggarx t tiklit izwarn lligh ar naqra gh tesdawit n tssekla, isker tafiluzuft, nekkin skerx tussna, nezgagh gh yat tmesrîyt n uzeddugh asdiwan, lligh ed neffugh, yera uzemz ad neswurri gh yat temdint. Ar nsseghra, ku yan gh yat tinmel, ayelli ur nghêri, maca may ad ur ax ikkes ad nezdagh gh yat tgemmi. Nettan ur iri ad yawel, nekkin ghemkan. Neman i yan unezgum, issar ax gh yat tghezdist n tudert, ar inqqed gh yat tferdut. Ihawacen nnex zdân, zun d iklan, gh yan usêtta, asêtta s ur tzêdar tudert ad tebbi ulman nnes.
Ur tas nnix yat, s igh ed tesawel tfermliyt, tini yyi :
- Mad tegit s isem ?
Mad tera isem inbu, inna –yas kr, negh ed ghar tghêra tagerzâwt gh udem inu tiri ad iyyi tsettu addad ad, is ur yeg yan gh tizrigin n twuri n tfermliyt ad tsifsus attân f umadûn, irwas is tra ad tssurf i ixef nnes tagharst llis yid trur. Ur is sawelx, tsemd tini :
- Igh tegit Idir tezrit, ttux akw is iyyi inna, igh ed yucka yan isem nnes Idir tadj ad izri, ghar nettan, kran yan yâden uhu, ur rix ad zêrx yan.
- nettan ad gix !
- ssurf iyyi igh kit rurx tiklit izwaren, ttux is iyyi ismagel ad k adej ad dars tezrit !
Ur as nnix yat, ur dari mad as ttinix, ur tsker amer tawwuri nnes, iggi n may ad ur ids ssarx yat, tera ad iyyi tadj ad zrix zrix, ur tri adûx ar tiklit yâden igh sul innesmêd unaruz i ifessi, tagara yad, irwas is gis ilkem asa, is ilkem adif nnes. Zmumegx, tezmumg, rarx ed tiflut n tmesrîyt afex en anaruz ar ittqel, ifesta, ar ittareg allen i isiliten suddumnin adû n tunsift d tmadûnt. Ur ta nnix yat s igh ed iffi, zun d takka, ar isawal :
- mettad is d ur tuckit, s igh as en tterx ad en ffagh ad kid siggelx, rix ak zêrx, may ad ur sul yegi ixemmiren, syafax ixsan inu ar ed ttâren, jjûhfix ad sik sawelx, rix ad fellak ffix tisamughin inu, nghelent, ggant tiyyâd, ggant tidfririn n tijjijin inuflen, mar ad ak inix, ur ssenx ; mac ssenx is rix ad ak inix kra, Idir, ssurf iyyi, ugelx ek didi, mac iqqan ed ad didi tagwelt kiyyin nit, izdây uwelk nnek….
Ar t ttenghmusx s izêri, s ul, s usyafa, zun d igh t jun ur zêrix, zun d igh t jun ur nmaggarx gh mad izrin. Zun d igh jun ur nezdagh kigan, nekkin ides, gh yat tgemmi, gh ddaw isiliten lli bedda. Uneck nna s nnix ssenx t is as ittensmâd, as itterwal dat allen inu , zun d marur, zun d tawargit, mac illa, ahawec, attân, anezgum, kra zun d uyya, illa, ur ufix ad as rwelx, ur ufix ad t felx, iman, irrus, idêr, ignuni, usix t gh unzber, gh taduyt, igh sul tesmater aghellay nnes. Uneck nna s nnix kmesx t is ar ittidêlu. Yega bedda tajgalt iqqen, tajgalt n tillas. Inna d irzêmen illas mani yâden. Nnix as yan wass, igguran, lligh yusi tacumàit ad yeg kran man gh taddart, ur ssenx mani acku ur djun iyyi sul inni yat, ifesta, iqqen d tifelwin f iwengimen nnes, ghiknna ad dari tegit, tezwar ak tifawt, maca azemmâzel nna n tezrit s igh illas , zun d keyyin. Ar ittellas illi tfelt, yak ur ad llasx nekkin igh iyyi tefelt, igh felli tqqent imi nnek, tadewwarit nnek illûzen, izuren, irruten, ur ilin ammak ! Mekan ad dari yega, ar ittnesmâd i tîtt, i ufrak. Ar ittenghubu kra fellas ssenx, kra s fellas nnix nekki d ixef inu, ur t sul ukezx, rix ad as inix yan wass, urtad ikcem s ghid, maca iddem yad i ifessi iqquren, ifessi izegguren i tmettant, wallit issadûden ad timmam, ad tizur, zun d tanezruft, wad idran zun d una, zun d imaniwen, mac idda yad ur sul as nnix yat, mac mar ad as yadli inix ? Mad yaghen Anaruz ?
Lligh saqsax tafermliyt, tenna yyi ur ssenen, lligh ur ssenen mar ad sul yissan ? Nekkin ! Kra yâden zêrix t, mac ur nnix is rad as en iqqen aghedjaj ! Mmaghen ad afen azûr i ingâzen nnes mac ur as ufin. Kigan ad as zzerin, kkan t akw s iradyuten, s id skanir, s kraygat, mac ur zêrin yat, ur kwmesen ayellit yaghen, acku ur t siggelen s tgharasin yâden. Ghêran i udêbib n tussnimant, ur izêdar ad ifru timukrisin nnes, dêlant, zdâyent. Lligh ddix dar wad, inna yyi kraygat, sellax ayelli bedda ittini unaruz, ur ufix mad as ttinix, sellagh iqqan tid ad issenfel iseqsiten nnes, tudert tuma kraygat, ad ur immet ghayelli ighêra gh idlisen, ur illi kran udlis yuman ibackaren n tidet !
Dat uya, tiklit ar tayyâd, ar isghuyyu, ar asen iqqar, ar asen immala kran tsega, kran uzûr gh ixef nnes izziwezt, yûdent, immret, negh t ighwi, iwelullu fellas, igen, ifess. Igh ur ifess ar as akkan talfanidin mad t isgan, mad t iseyyan zun d taselmya, felent, yawit ungi yâden ar kigh ed inker zêren mas dax inna ! Tagara tenna yyi menck ad t iqaddan, ghik s gis zzân, maf rad sul yalla ! nettat ibbi tasa nnes ; mac ur iyyi tzêri nekkin, lli tera ad trar, sellagh tssen maf t ismagel.
Rix ad as inix ad inker igh yera ad neffagh. Ukezx iz ed tayri yan ka ad as ikkerfen idâren d unfus, nettat ka ad t ikkerfen d uwlaf n tmadûnt, tadd as, ur t tujji ad immas. Irêmi gh tudert, tenghat tghufi nnad as idêr ar kigh tfel nettat s tayri. Yera ad t tfel tudert sellagh immagh ides ! Idêr as s akal ar tt itter ad tawi ayda nnas, ar ittqel s tfasa lli sul yuma ar kigh teffagh, tasi t s tayri nnes, sellagh tamaght.
Ussan ad gguranin urta d yucki s idâren nnes, s tayri nnes ad isfel tigûdiwin nnes gh tgemmi n imudân, zêrix t innefel, igwem amarg n ifessi. Ur sul kkin idammen n tudert kra yega, d krat izgren n ugharas : tiddi, awal, meqqar ed agganey llis yi inna yan wass yegat… Iggut magh t tenmuggurx gh isersas n tazdught lli nessar, igh ed urrix, ur sri isawel, ur iyyi inni yat, ar ghar nesawal s ussekna, izri, zrix, ar nettakwez timitar dranin s tgharasin yâdnin. Igh en immatêl, ar ed ttakwix, ar lbar illan ddaw tazdught nnex, munex ids, nex as en masax igh as tudd tissi, igh t teswa. Tagara yad ur sul ar isawal ! Isman tighlaghalin n iwengimen nnes gh tghwelalt nnes ar ten ittefzâz. Kras ten ikka ar t ittqis îdgam i wiyyâd, ass ad inghel as s ugunes, ar t izzâd s tugmîzin n iman nnes, iqqwen ed fellas imawen ar iccetta ixef nnes zun d takat. Yat tdeggwat isaqsa yyi bab n lbar lligh nemyar ad nettili nekkin d unaruz, yini yyi :
- Mad yaghen anaruz tagara ya, kran unaruz ur t sul igi. Ur sul ar isawal, ad tinit is as iqqes ifessi, ikcem ixef nnes ar ittefzâz amezruy nnes, iggut magh issufus ibruzzuyen n tbagha lli yasen ighama gh imi, ar ittareg tîtt i waggu ittenfasrun dat nnes, gh isiliten n lbar iqqen s waggu d taqqurt. Rix ad tid akerx i ifessi yan nnes issiwiden, mac ur t lkemx, ixzer gigi, yadd i ixef nnes, ayelligh en fellas aggugx idêfr dax idêrfan n waggu gh isiliten iqqen…
Ur rurx awal i bab n lbar acku ur ufix mad as ttinix, ur kwemsx mas as ssefrux ayelli ur yukez, mad ukezx nekkin nit gh tezrigin ittemnûdun n unaruz. Lligh yid izêra uckix en ibid, imun didi, ur nesawel, ilûh ed felli ifassen nnes rkukanin, ayelligh niwen i iseras s igh yid inna :
- Tssent kra kkix ar siggilx, ar tqqelx, ur jjun ufix yat, ur jun isadmer yan, tdder t idi imik gh mayad, mac nekki nit ur ssenx mad siggilx…
Ar en gis ittebbi wawal, irwas iz ed timitar n tissi, nekcmen s tgemmi, ndêren, nekki yiwi idês, nettan ur ssenx, lligh ed nkerx ufix tid ar yad ikemmi ur tad iffagh ddaw useddul, ar ittareg allen i waggu idlen tamesrîyt ar ittenghubu ddaw isiliten ifawen. Ismaqqel gigi, iffagh ed aseddul, ikcem ad issird udem nes. Lligh ed nkerx ufix tid ar ikkrêd udem, gex en leqhwa, ur akw iqqel ad tt isu, tama n teflut agh iyyi d inna :
- Hayyi d ddix ad kkex illi s ak nnix… !
Swan tin iseras, ur ssenx mani s idda, ur iyyi inni yat.
Nekkin ur ffagh, ass an ur darenx illi, nekkin ula nettan, yat. Ur telli tghêri, zik an ixwa. Tizi n imekli ad yurri, isggunfes, neggawer ayelligh necca imekli, ur nesawel, inker isker dat tisit, yasi d ad dax ikrêd udem nnes. Tizi yan ad sawelx :
- Anaruz, yak zik ka ad tkrêdt udem, mar ad sul gis tkrêdt ?
Izmumeg s imik, ilhu ar ikkrêd :
- Tssent, lligh ar tqqelx zik ad, ur iyyi isadmer yan, ighezzif felli, zun d igh ar tqqelx ussan, tasutin, syafax zun d igh yid tmmeghi tamart s ugganey ad iqquren, nnix igh tt kkisx is rad ssirdx timitar nnes gh ugunes inu, ad ddux tadeggwat ad s udem yâden mad ed isselsan tayyâd.
-Max mas yadli tqqelt ad yacek zik ad ?
- Ur ssenx ! ar tqqelx s kra ur ssenx ! ar tqqelx, iwda, is ur iwdi ?
Tkcmen tfermliyt, tawin tiremt, tserst gh tama nnes, issekna mas ta ur iri ad icc, tfelt teffagh, tqqen ed imi, yini yyid :
- Ur ssenx is rad nkerx gh tmadûnt ad negh ed uhu ; is rad k sul zêrx negh ed uhu, urta kcemx ammak inu, taghwelalt inu ! syafax tiklit ad ixsan inu ar ed ttâren zun d igherban n igudar iqburen, tafasa temda, asêtta n ussan ar ed ittebbi. Netteni inin ur ek yagh yat, acku ur zdâren ad syafan tadusi nnad tddert sellagh ammak, sellagh igli ! Ur darsen yegi tamadûnt ad tfezâzt tudert ittumman ! Mar ad ak inix ? Yat tghawsa, ur nnix is izdâr kra yâdnin as tt isker amer keyyin, keyyin iddren tammara n uswingem lligh llix, keyyin issen kra gh izûran n twengimt inu, nnex, igh mmutex, ad iyyi ur tallat amer igh rad tallat ixef nnek. Zêr ghas kran teqrabt n tberatin, tagwel ttin i tmdêlt inu, rix ad sul syafax agganey igh mmutex, rix ad mmetx d wagganey inu, rix ad tt ilix, rix ad ittummu umdây n timdêlt inu…
Tiguriwin ad ad kwetix lligh ddix s isemdâl ad ghermx asemmagel n unaruz. Nettenti ad igguran is asent ssellax gh imi nnes, tadeggwat ad iyyi d ilkem is immut. Ur en bagx gh umettâl nnes acku ur zdârx ad zêrx tiddi tekcem i wakal, tugna d drix imik gh twengimin issaren zun d tawrut n tmazirt, ur rix ad zêrx ixfawen nnes gan en ineflâd nex ten ccan uccan. Llix ger twargit d taduyt. Ifessi n isemdâl iseyya, idra, isman tigherfin n tudert, mekan af ur ssenx man addad gh llix ? zegh ass lligh immut unaruz ad qqenx tadâ d isemdâl, ur ferkx s mad gis siggilx, iz ed ad ghermx asmagel n umeddakwel inu, negh ed ad siggelx iberuzzuyen n ixef inu immezren, ittumman, ur ilin ammak, gnux icerrigen inu nekkin. Kra izdi yyi dides. Imedla ar ttenfasrun gh tallunt n igenwan. Tafukt n zik temla, taycukin fserent ifrawen nnesent i igherramen n usmdêl ar terusent f usya izuzwan, ar tt ittasi wadû ifsusen llid ikkaten gh tsega n ill, fken yat tmelsit tansayt i usmdêl, timelsit isidînen tafelsa, asya, d ifessi, d tayri n kra ur ittmussun. Usix taqrabt n tberatin gh ufus inu, kmesx tt zund igh ksûdx ad iyyi tt yakwer kra, sersex tt gh tama n umnnir. Ggawerx ! ur sul zêrix mani rix ! lligh ghermx asemmagel ad syafax ixsan inu tteccanen, tffegh ten tfasa, ar ttenfruruyen. Mar ad yeg tadêfi i ussan ed yuckan ? Kigan ad kkix, ar ed zrayx ar iggi n tmdêlt qqelx gis, ur ed iwix ad sersx ayelli s iyi inna unaruz, acku rix ad sul iyyi yagwel kra dids, d tudert, d iggi, d ifalan n tafukt ! Izrigen ad sghlen gigi yat tayri ighban, ifessi, ruren iyyi d gix andêfur n isemdâl, usix azzaglu yâden. Zrint kran temgharin gh tama nu, nettenti ad iyyid issenkren gh twargit iduyen, dulxen, annix en tafukt tiwi s tdûri, ayyelent taycukin ittrsen f ighurban n usmdêl, dfêren tent kran inebgiwen n usya yad ilggwaghen, usin ed tisamughin segganin, ttekarnin s tebninnizin n unzîr, issanex is ar ed ittâz utwan. Ffagh ed asmdêl, akrrex idâren, ur ed duyex ayelligh yyi tenna yat tasikritirt :
- Ssurf iyyi i rebbi, is agh tqqelt s usalmad ?
- Uhuy, i rebbi..
Lligh ed ffagh, ghêrx tiffelt ittyaran iggi n tmesrîyt an " tamesrîyt n ugganey " ad ssenx iz ed ghas mayad ad iyyi igwelin ad is kcemx, asemmagel izzân gigi amud nnes. Ffagh ed allex allen inu s igenwan, tasukt tterem s ill, tafukt tedda yad ad en tdêr, ar ed teddal takka n tillas asmdêl nettat d ifrawen n taycukin, ikcem asya nnes ameghlul.
Amawal / Dictionnaire
Agganey : attente
Asya : calme
Azeddugh asdiwan : résidence universitaire
Anefasru : éclaircissement
Arasyafa : inconscience
artilawt : irréel
Asa : fonds
Tasamught : sachets en plastique
Tawengimt : malaise, chagrin
Tagerzâwt : regret
Ifessi : silence
Itter : demander
Agganey : attente
Asya : calme
Azeddugh asdiwan : résidence universitaire
Anefasru : éclaircissement
Arasyafa : inconscience
artilawt : irréel
Asa : fonds
Tasamught : sachets en plastique
Tawengimt : malaise, chagrin
Tagerzâwt : regret
Ifessi : silence
Itter : demander
