Abrid umezruy

Masin U'Harun (Tifrit, Kabylie 1949 - 1996)

Abrid nugh yezzi yuli
deg-s ahni deg-s tilelli.
Tamazight negh az'ekka
ed wa i d abrid n trugza.

Ahni nnegh s yes-s an-nessew
akal yessan s ighessan
d ikusman imarawen
izughren igerfiwen ;
amezruy n'Tmazgha yif
tawsit tarwa tameddurt.

Amek ara nili d aklan
ur nezmir d imazighen,
imarawen izmawen
deg cenga ur ugaden ;
Tamazight negh az'ekka
akka i d abrid n trugza.

Tarwa n tmurt tamazight
tilelli tif tameddurt
ekkert an-nekkrewt ekkret
isawalagh-d umezruy.

Lambèse, mars 1979
Masin U'Harun (Haroun Mohamed)

---

Amawal

ahni : sang,
imarawen : ancêtres,
amezruy : histoire,
tawsit : famille
icenga (sing. acengu) : ennemis,
tilelli : liberté