Aâzêri n Tuzzûmt*
|
1
Ar tin bedda ittawek kra s tadla n tmdyazin n âli Azayku, mqqar-t ighra mnnawt tikkal ssusmnt bahra tiguriwin-ns ittustayen. "Timitar" dars ur sul gant aghar timitar n wass mqquren, Timitar tzdegh gis gh ugnes, ar akw tsfttu isyafatn-ns, ar as trar f isqsitn lli-t izziwizn , lli-t inran : "Taguri irufan iqqan-d a tngh irafan" Nttat ad as imlan mas yuf bahra ad isunfus yan s turin-ns, ad itwarga s wawal-ns, ad ittelli s imndi gh wakal-ns. "Ur ra ssar naf imndi gh wakal n wiyyâd" |
© Geldasent
|
2
Innurezêm ttilibizyun ilhu ar ittadr i tsura n upparabul :
"Aylligh tzêram afilm igezzuln wis sin ghilad akwn naj d wis krâd af ad awen nmel manik as tzêdâr tezûri (l’art) ad tsnifl tudret n Claudia"
Aylligh zrint tirra lli-d immalan afilm uggan-d snat tfrxin (timlsit tumlilt lli lsant ar-d ssagwant mas gant tifrmliyyin) ar cttant sin ubbitcn gh iggi n kra n iskwfal mqqurnin tessnti yat gitsnt tlhu ar tsawwal :
"Claudia ssenght zik aylligh hêra tucka dars si mraw d sin n isgwasn, yuti magh tfis magh a tsawwal, ifrmliyen ura gisn ttal allen-ns, ar ttaddum s tidi (lâerg) igh ttin tbbi tizi d kra n yan gh yan gh ihûna n ssbitâr. Yan wass tâerdâgh Francesca tatalyanit s yan usfsr n tkwla (exposition de tableaux). Nttat ad lli ur-t akw ihul mayan. Gh umzwaru ur akw tra a tddu, is ka fllas nsbzziz... Nkcem-n tqqar agh Claudia gh tama n yat twelaft (photo), teggammi an sul tal adâr, zund igh illa mad as ghin yutn tagust.
Gh twelaft sin irgazn d yat tmghart, yan gitsn ar itffi anzir (ccrab) gh uzaw (lkas) allen-ns mzazalnt d kraygat yan ismuqquln s umnid ns, wis sin izêdi tinfurin d tmghart, ifassn-ns gh twurna-ns. Isufa n walnsn mmerksen. Claudia teggami ad tsngiri allen-s d tin uâezri yan, allen-ns tizêrwalin, azzar-ns iffin, taghssa-ns idusn urtt ujjin an tal azmmazêl idâren-ns ur sul tsyafa is dis llan, tiwen asn tuccent aylligh-tn tettu.
Claudia isekcemt kra s tuwelat zun d igh as-d iqqen uâezri yan tît isillif as-d an dars tkcem. Tuyel s dars, s igh ikcem gh d nttan d yan waggur lli gh ad ittagwa imik gh tuwelaft tetêfurt Claudia innurzêm yan uhânu mmi tdrus tifawet, ilhu ar itkkis imkrâd imik s imik, allen-ns gh win Claudia, ayllightn akw ikkis yagur-d hêrdîd… Tergha takat gh Claudia, iqqur imi-ns, mnawt tikkal ad issutel ils-s i tesggiwin n tnfurin-ns, unfus ar gis itbbi zedin gis isggunfas... Ur tqqel s uâzri yan an sers ig afus, tul win-s at tsaka f udem-ns s igh nit iga yan unawur (axddam) n usfsr taghuyyit, ira ad lli izri gh tama n Claudia sigh nit issutel ufus-ns ihênnan i udem-ns:
– A ultma hati amras (amkan) n tuwwuri ayad, izd kmmin ur-t tettâft ? Tabaslit ayad ! kemmin a igan tamggarut gh-id, tizi lli gh a nteqqen tezri menck ayad..Awa yuda...
Tizi yan ad tduy, tizi yan ast tffagh tuccent"
Innurezêm ttilibizyun ilhu ar ittadr i tsura n upparabul :
"Aylligh tzêram afilm igezzuln wis sin ghilad akwn naj d wis krâd af ad awen nmel manik as tzêdâr tezûri (l’art) ad tsnifl tudret n Claudia"
Aylligh zrint tirra lli-d immalan afilm uggan-d snat tfrxin (timlsit tumlilt lli lsant ar-d ssagwant mas gant tifrmliyyin) ar cttant sin ubbitcn gh iggi n kra n iskwfal mqqurnin tessnti yat gitsnt tlhu ar tsawwal :
"Claudia ssenght zik aylligh hêra tucka dars si mraw d sin n isgwasn, yuti magh tfis magh a tsawwal, ifrmliyen ura gisn ttal allen-ns, ar ttaddum s tidi (lâerg) igh ttin tbbi tizi d kra n yan gh yan gh ihûna n ssbitâr. Yan wass tâerdâgh Francesca tatalyanit s yan usfsr n tkwla (exposition de tableaux). Nttat ad lli ur-t akw ihul mayan. Gh umzwaru ur akw tra a tddu, is ka fllas nsbzziz... Nkcem-n tqqar agh Claudia gh tama n yat twelaft (photo), teggammi an sul tal adâr, zund igh illa mad as ghin yutn tagust.
Gh twelaft sin irgazn d yat tmghart, yan gitsn ar itffi anzir (ccrab) gh uzaw (lkas) allen-ns mzazalnt d kraygat yan ismuqquln s umnid ns, wis sin izêdi tinfurin d tmghart, ifassn-ns gh twurna-ns. Isufa n walnsn mmerksen. Claudia teggami ad tsngiri allen-s d tin uâezri yan, allen-ns tizêrwalin, azzar-ns iffin, taghssa-ns idusn urtt ujjin an tal azmmazêl idâren-ns ur sul tsyafa is dis llan, tiwen asn tuccent aylligh-tn tettu.
Claudia isekcemt kra s tuwelat zun d igh as-d iqqen uâezri yan tît isillif as-d an dars tkcem. Tuyel s dars, s igh ikcem gh d nttan d yan waggur lli gh ad ittagwa imik gh tuwelaft tetêfurt Claudia innurzêm yan uhânu mmi tdrus tifawet, ilhu ar itkkis imkrâd imik s imik, allen-ns gh win Claudia, ayllightn akw ikkis yagur-d hêrdîd… Tergha takat gh Claudia, iqqur imi-ns, mnawt tikkal ad issutel ils-s i tesggiwin n tnfurin-ns, unfus ar gis itbbi zedin gis isggunfas... Ur tqqel s uâzri yan an sers ig afus, tul win-s at tsaka f udem-ns s igh nit iga yan unawur (axddam) n usfsr taghuyyit, ira ad lli izri gh tama n Claudia sigh nit issutel ufus-ns ihênnan i udem-ns:
– A ultma hati amras (amkan) n tuwwuri ayad, izd kmmin ur-t tettâft ? Tabaslit ayad ! kemmin a igan tamggarut gh-id, tizi lli gh a nteqqen tezri menck ayad..Awa yuda...
Tizi yan ad tduy, tizi yan ast tffagh tuccent"
3
Idês yiwit ur t yiwi, ttilibizyun ur txsi, nttat ad as ittâln gh ussan ad n ucummer, nttat as a ikccem igawr-n gis igher gis, ihûs gis, isker gis tuzzuft… Ar itqqel s tuwuri a lligh irmi imdêln asirm (espoir) ighrs i twargiwin… Isxesi tifawet, isxesi ttilibizyun ilhu nit ar ittirir iwaliwen n uzayku :
Yuf yan igan ahiyyâd
Idder ass-an gh llan
Ad ur isiggil asekka
Urta d ighweli was
Idês yiwit ur t yiwi, ttilibizyun ur txsi, nttat ad as ittâln gh ussan ad n ucummer, nttat as a ikccem igawr-n gis igher gis, ihûs gis, isker gis tuzzuft… Ar itqqel s tuwuri a lligh irmi imdêln asirm (espoir) ighrs i twargiwin… Isxesi tifawet, isxesi ttilibizyun ilhu nit ar ittirir iwaliwen n uzayku :
Yuf yan igan ahiyyâd
Idder ass-an gh llan
Ad ur isiggil asekka
Urta d ighweli was
Lasri Brahim Amazigh
Tarrast / Lmzâr : Anbdu 1995
Tarrast / Lmzâr : Anbdu 1995
* Tallast ad igzzuln tffagh-t yad gh tsghunt n tifawet
